ಗೀಸರ್ ಬಳಸುವಾಗ ಈ ವಿಧಾನಗಳನ್ನು ಫಾಲೋ ಮಾಡಿ ಇಲ್ಲದಿದ್ರೆ ಜೀವಕ್ಕೆ ಅಪಾಯ ಗ್ಯಾರಂಟಿ!
ಚಳಿಗಾಲದಲ್ಲಿ ಬಿಸಿನೀರಿಗಾಗಿ ಗೀಸರ್‌ಗಳನ್ನು ಬಳಸುವವರು ಬಹಳಷ್ಟು ಜನ. ಆದರೆ ಗೀಸರ್‌ಗಳ ಬಳಕೆಯಲ್ಲಿ ಎಚ್ಚರಿಕೆ ವಹಿಸದಿದ್ದರೆ, ಅವು ಸ್ಫೋಟಗೊಳ್ಳುವ ಅಪಾಯವಿದೆ. ಹಾಗಾಗಿ ಗೀಸರ್‌ಗಳನ್ನು ಸುರಕ್ಷಿತವಾಗಿ ಬಳಸುವುದು ಹೇಗೆಂದು ತಿಳಿದುಕೊಳ್ಳೋಣ.
ಬಹುತೇಕರು ಈ ಸೀಸನ್‌ನಲ್ಲಿ ಬಿಸಿನೀರಿನಿಂದಲೇ ಸ್ನಾನ ಮಾಡ್ತಾರೆ. ಕೇವಲ ಸ್ನಾನಕ್ಕೆ ಮಾತ್ರವಲ್ಲ, ಬೇರೆ ಕೆಲಸಗಳಿಗೂ ಬಿಸಿನೀರನ್ನು ಬಳಸುವವರಿದ್ದಾರೆ. ಇದಕ್ಕಾಗಿ ಕೆಲವರು ಹೀಟರ್‌ಗಳನ್ನು ಬಳಸಿದರೆ, ಇನ್ನು ಕೆಲವರು ಗೀಸರ್‌ಗಳನ್ನು ಬಳಸ್ತಾರೆ. ಆದರೆ ಗೀಸರ್‌ಗಳ ಬಳಕೆಯಲ್ಲಿ ಜಾಗ್ರತೆ ಇರಬೇಕು. ಯಾಕಂದ್ರೆ ಗೀಸರ್‌ಗಳು ಸ್ಫೋಟಗೊಳ್ಳಬಹುದು. ಇತ್ತೀಚೆಗೆ ಒಬ್ಬ ನವ ವಧು ಸಾವನ್ನಪ್ಪಿದ್ದಾರೆ. ಹಾಗಾಗಿ ಗೀಸರ್‌ಗಳನ್ನು ಸುರಕ್ಷಿತವಾಗಿ ಬಳಸುವುದು ಹೇಗೆಂದು ತಿಳಿದುಕೊಳ್ಳೋಣ.
ಗೀಸರ್‌ಗಳನ್ನು ಬಳಸುವುದು ಕಷ್ಟವಲ್ಲ. ಇದು ನಿಮಿಷಗಳಲ್ಲಿ ನೀರನ್ನು ಬಿಸಿ ಮಾಡುತ್ತದೆ. ಹಾಗಾಗಿ ಬಳಸುವಾಗ ಜನರು ಯಾವುದೇ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದಿಲ್ಲ. ಯಾಕಂದ್ರೆ ಇದು ಅಪಾಯಕಾರಿ ಅಲ್ಲ ಅಂತ ಎಲ್ಲರೂ ಭಾವಿಸ್ತಾರೆ. ಆದರೆ ಗೀಸರ್ ಬಳಸುವಾಗ ತುಂಬಾ ಜಾಗ್ರತೆ ಇರಬೇಕು. ಇಲ್ಲದಿದ್ದರೆ ಇದು ಸಮಸ್ಯೆಗಳನ್ನು ತಂದೊಡ್ಡುತ್ತದೆ. ಹಾಗಾಗಿ ಗೀಸರ್ ಬಳಸುವಾಗ ಯಾವ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು ಎಂದು ತಿಳಿದುಕೊಳ್ಳೋಣ.
ಗೀಸರ್ ಆನ್‌ನಲ್ಲಿ ಇಡಬೇಡಿ
ತುಂಬಾ ಜನ ಗೀಸರ್ ಆನ್ ಮಾಡಿದ ಮೇಲೆ ಅದನ್ನ ಹಾಗೇ ಬಿಟ್ಟುಬಿಡ್ತಾರೆ. ಆದರೆ ಗೀಸರ್‌ನ್ನು ಹೆಚ್ಚು ಹೊತ್ತು ಆನ್‌ನಲ್ಲಿ ಇಡಬಾರದು. ಇದರಿಂದ ಗೀಸರ್ ಸ್ಫೋಟಗೊಳ್ಳುವ ಅಪಾಯವಿದೆ. ಕರೆಂಟ್ ಬಿಲ್ ಕೂಡ ಜಾಸ್ತಿ ಬರುತ್ತದೆ. ಹಾಗಾಗಿ ಅವಶ್ಯಕತೆ ಮುಗಿದ ಮೇಲೆ ಗೀಸರ್ ಆಫ್ ಮಾಡೋದನ್ನ ಮರೀಬಾರದು.
ಆಫ್ ಮಾಡಿದ ಮೇಲೆ ಮಾತ್ರ ಬಳಸಿ
ಗೀಸರ್ ಕೊಳ್ಳುವಾಗ ಅದರ ಸ್ಟೋರೇಜ್ ಕೆಪಾಸಿಟಿ ಚೆನ್ನಾಗಿದೆಯಾ ಅಂತ ಮೊದಲೇ ತಿಳಿದುಕೊಳ್ಳಿ. ಇಂಥ ಗೀಸರ್‌ಗಳು ಮಾರ್ಕೆಟ್‌ನಲ್ಲಿ ಸಿಗುತ್ತವೆ. ಆದರೆ ತುಂಬಾ ಜನ ಗೀಸರ್‌ನಲ್ಲಿ ಬಿಸಿನೀರು ಇದ್ದರೂ ಮತ್ತೆ ಗೀಸರ್ ಆನ್ ಮಾಡಿ ಸ್ನಾನ ಮಾಡ್ತಾರೆ. ಇದರಿಂದ ಕರೆಂಟ್ ಶಾಕ್ ಆಗುವ ಅಪಾಯವಿದೆ. ಹಾಗಾಗಿ ಗೀಸರ್ ಆಫ್ ಮಾಡಿದ ಮೇಲೆ ಮಾತ್ರ ಬಿಸಿನೀರನ್ನು ಬಳಸಬೇಕು.
ಸರ್ಟಿಫೈಡ್ ಕಂಪನಿಯಿಂದ ಮಾತ್ರ ಖರೀದಿ ಮಾಡಿ
ಮಾರ್ಕೆಟ್‌ನಲ್ಲಿ ಹೆಚ್ಚಿನ ಬೆಲೆಯಿಂದ ಕಡಿಮೆ ಬೆಲೆಯವರೆಗೆ ಹಲವು ರೀತಿಯ ಗೀಸರ್‌ಗಳಿವೆ. ಆದರೆ ತುಂಬಾ ಜನ ಕಡಿಮೆ ಬೆಲೆಯ ಗೀಸರ್‌ಗಳನ್ನು ಬಳಸ್ತಾರೆ. ಆದರೆ ನೀವು ಸುರಕ್ಷಿತವಾಗಿರಬೇಕೆಂದರೆ ಸರ್ಟಿಫೈಡ್ ಕಂಪನಿಯಿಂದ ಮಾತ್ರ ಗೀಸರ್ ಖರೀದಿಸಿ. ಇದರಿಂದ ಅಪಾಯದ ಸಾಧ್ಯತೆ ಕಡಿಮೆ.
ಸರ್ವಿಸಿಂಗ್ ಪೂರ್ಣಗೊಳಿಸಿ
ಚಳಿಗಾಲದಲ್ಲಿ ಗೀಸರ್‌ಗಳನ್ನು ಹೆಚ್ಚಾಗಿ ಬಳಸ್ತಾರೆ. ಹಾಗಾಗಿ ಪ್ರತಿದಿನ ಗೀಸರ್ ಆನ್ ಮಾಡುವ ಮುನ್ನ ಕರೆಂಟ್ ಕನೆಕ್ಷನ್ ಸರಿಯಾಗಿದೆಯಾ ಅಂತ ಪರಿಶೀಲಿಸಿ. ಗೀಸರ್ 45-50 ಡಿಗ್ರಿಗಳ ನಡುವೆ ಇರೋ ಹಾಗೆ ನೋಡಿಕೊಳ್ಳಿ. ಅದೂ ಗೀಸರ್ ಸರ್ವಿಸಿಂಗ್ ಮಾಡಿಸಿದ ನಂತರ
ಕೆಲವೊಮ್ಮೆ ಗೀಸರ್‌ನಿಂದ ಸ್ನಾನ ಮಾಡುವಾಗ ವಿಚಿತ್ರ ಶಬ್ದಗಳು ಬರುತ್ತವೆ. ಇಂಥವುಗಳನ್ನು ನಿರ್ಲಕ್ಷಿಸಬಾರದು ಎನ್ನುತ್ತಾರೆ ತಜ್ಞರು. ಯಾಕಂದ್ರೆ ಗೀಸರ್‌ನಲ್ಲಿ ಏನಾದರೂ ಸಮಸ್ಯೆ ಇದ್ದರೆ ಮಾತ್ರ ಇಂಥ ಶಬ್ದಗಳು ಬರುತ್ತವೆ.
ನಮಗೆ ಮತ್ತು ನಮ್ಮವರಿಗಾಗಿ ಈ ಜೀವ-ಜೀವನ ಎರಡೂ ಅಮೂಲ್ಯವಾದುದು ಈ ಮೇಲಿನ ಟಿಪ್ಸ್‌ಗಳನ್ನು ಅಳವಡಿಸಿಕೊಂಡು ಬದುಕನ್ನು ಸುಂದರವಾಗಿಸೋಣ.
