ದೇಶದ ಲಕ್ಷಾಂತರ ಉದ್ಯೋಗಿಗಳಿಗೆ ಸರ್ಕಾರ ಸಿಹಿ ಸುದ್ದಿಯನ್ನು ನೀಡಿದೆ. 7 ಕೋಟಿ ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ಸದಸ್ಯರು ಈ ಬಾರಿ ಬಡ್ಡಿ ಹಣವನ್ನು ಸಮಯಕ್ಕೆ ಸರಿಯಾಗಿ ತಮ್ಮ ಖಾತೆಗಳಲ್ಲಿ ಪಡೆಯುತ್ತಿದ್ದಾರೆ. 2024–25ನೇ ಹಣಕಾಸು ವರ್ಷದ ಪಿಎಫ್ (PF) ಬಡ್ಡಿದರ ಹಣವನ್ನು ಸರ್ಕಾರ ಈಗಾಗಲೇ ಜಮಾ ಮಾಡಿದೆ, ಮತ್ತು ಬಹುತೇಕ ಎಲ್ಲಾ ಸದಸ್ಯರ ಖಾತೆಗಳಿಗೂ ಈ ಬಡ್ಡಿ ಹಣ ಸಲ್ಲಿಕೆಯಾಗಿದೆ.
EPFOಗೆ ಸಂಬಂಧಿಸಿದ 13.88 ಲಕ್ಷ ಸಂಸ್ಥೆಗಳ ಪೈಕಿ 13.86 ಲಕ್ಷ ಸಂಸ್ಥೆಗಳ ಸದಸ್ಯರ 32.39 ಕೋಟಿ ಖಾತೆಗಳಿಗೆ ಬಡ್ಡಿ ಹಣ ಜಮಾ ಆಗಿದೆ ಎಂದು ಅಧಿಕೃತ ಮಾಹಿತಿ ತಿಳಿಸಿದೆ.
ಹಣಕಾಸು ಸಚಿವಾಲಯವು ಈ ಆರ್ಥಿಕ ವರ್ಷದ ಪಿಎಫ್ ಬಡ್ಡಿದರವನ್ನು ಘೋಷಿಸಿದ ನಂತರ, ಕೇವಲ ಎರಡು ತಿಂಗಳಲ್ಲಿ ಈ ಹಣವನ್ನು ಖಾತೆಗಳಲ್ಲಿ ಜಮಾ ಮಾಡುವ ಕೆಲಸ ಪೂರ್ಣಗೊಂಡಿದೆ. ಇದು EPFO ಹಾಗೂ ಹಣಕಾಸು ಇಲಾಖೆಯ ಸಮರ್ಪಿತ ಕಾರ್ಯವೈಖರಿಯನ್ನು ತೋರಿಸುತ್ತದೆ.
ಮುಂಬರುವ ವಾರದಲ್ಲಿ, ಉಳಿದಿರುವ ಖಾತೆಗಳಿಗೆ ಕೂಡ ಬಡ್ಡಿ ಹಣವನ್ನು ಜಮಾ ಮಾಡುವ ಪ್ರಕ್ರಿಯೆ ನಡೆಯಲಿದೆ. ಈ ಮೂಲಕ ಶೇ.100ರಷ್ಟು ಖಾತೆಗಳಿಗೆ ಬಡ್ಡಿದರ ಹಣ ಹಂಚಿಕೆ ಸಿಗಲಿರುವುದು ಖಚಿತವಾಗಿದೆ.
