ಇಂಗ್ಲೀಷ್ ಮೆಡಿಸಿನ್ನಲ್ಲಿ ಪದವಿ ಪಡೆದ ಮೊದಲ ಭಾರತೀಯ ಮಹಿಳೆಗೆ ಡೂಡಲ್ ಗೌರವ
ಕದಂಬಿನಿ ಗಂಗೂಲಿ..! ಪಾಶ್ಚಿಮಾತ್ಯ ಅಥವಾ ಇಂಗ್ಲಿಷ್ ಮೆಡಿಸಿನ್ನಲ್ಲಿ ಪದವಿ ಪಡೆದ ಮೊದಲ ಭಾರತೀಯ ಮಹಿಳಾ ವೈದ್ಯೆ. ಇಂದು ಅವರ ಜನ್ಮದಿನದ ಹಿನ್ನಲೆ ಗೂಗಲ್ ಡೂಡಲ್ ನಲ್ಲಿ ಕದಂಬಿನಿ ಗಂಗೂಲಿಯವರ 160ನೇ ಹುಟ್ಟುಹಬ್ಬವನ್ನು ಆಚರಿಸಿದೆ.
ಕದಂಬಿನಿ ಗಂಗೂಲಿ, ಬ್ರಹ್ಮ ಸುಧಾರಕ ಬ್ರಜಾ ಕಿಶೋರ್ ಬಸು ಅವರ ಪುತ್ರಿ, ಅವರು ಜುಲೈ 18, 1861 ರಂದು ಈಗಿನ ಬಿಹಾರದ ಭಾಗಲ್ಪುರದಲ್ಲಿ ಜನಿಸಿದ ಕದಂಬಿನಿ ಅವರು 1884ರಲ್ಲಿ ಕಲ್ಕತ್ತದ ವೈದ್ಯಕೀಯ ವೈದ್ಯಕೀಯ ಕಾಲೇಜಿನಲ್ಲಿ ಪ್ರವೇಶ ಪಡೆದ ಮೊದಲ ಮಹಿಳೆಯಾಗಿದ್ದಾರೆ. 19 ನೇ ಶತಮಾನದಲ್ಲಿ ಪುರುಷ ಪ್ರಾಬಲ್ಯದ ನಡುವೆ ಕದಂಬಿನಿ ಅಸಾಧಾರಣ ಸಾಧನೆ ಮಾಡಿದ್ದರು.
ಮಹಿಳಾ ಶಿಕ್ಷಣವನ್ನು ಬೆಂಬಲಿಸದ ಮೇಲ್ಜಾತಿಯ ಬಂಗಾಳಿ ಸಮುದಾಯದಿಂದ ಬಂದಿದ್ದರೂ, ಕದಂಬಿನಿ ತನ್ನ ಶಿಕ್ಷಣವನ್ನು ಬಂಗಾ ಮಹಿಳಾ ವಿದ್ಯಾಲಯದಲ್ಲಿ ಪ್ರಾರಂಭಿಸಿದರು. ಇದೇ ವೇಳೆ ಕಲ್ಕತ್ತಾ ವಿಶ್ವವಿದ್ಯಾಲಯದ ಪ್ರವೇಶ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಬೆಥೂನ್ ಕಾಲೇಜ್ ಮೊದಲು ಎಫ್‍ಎ (ಪ್ರಥಮ ಕಲೆ), ಮತ್ತು ನಂತರ ಪದವಿ ಕೋರ್ಸ್‍ಗಳನ್ನು 1883 ರಲ್ಲಿ ಪರಿಚಯಿಸಿತು. ಕದಂಬಿನಿ ಮತ್ತು ಚಂದ್ರಮುಖಿ ಬಸು ಬೆಥೂನ್ ಕಾಲೇಜಿನಿಂದ ಮೊದಲ ಮಹಿಳಾ ಪದವೀಧರರಾದರು.
ಕದಂಬಿನಿಗೆ 1886 ರಲ್ಲಿ ಬಂಗಾಳದ ವೈದ್ಯಕೀಯ ಕಾಲೇಜು (ಜಿಎಂಸಿಬಿ) ಪದವಿ ನೀಡಲಾಯಿತು. ಇಡೀ ದಕ್ಷಿಣ ಏಷ್ಯಾದಲ್ಲಿ ಪಾಶ್ಚಾತ್ಯ ವೈದ್ಯಕೀಯ ಪದವಿ ಪಡೆದ ಮೊದಲ ಮಹಿಳಾ ವೈದ್ಯರಾದರು.
1893 ರಲ್ಲಿ ಇಂಗ್ಲೆಂಡ್‍ಗೆ ಪ್ರಯಾಣ ಬೆಳೆಸಿದ ಕದಂಬಿನಿ ಎಡಿನ್‍ಬರ್ಗ್ (ಎಲ್‍ಆರ್‍ಸಿಪಿ), ಕಾಲೇಜ್ ಆಫ್ ಸರ್ಜನ್ಸ್‍ನ ಪರವಾನಗಿ, ಗ್ಲ್ಯಾಸ್ಗೋ (ಎಲ್‍ಆರ್‍ಸಿಎಸ್), ಮತ್ತು ವೈದ್ಯರ ಮತ್ತು ಶಸ್ತ್ರಚಿಕಿತ್ಸಕರ ವಿಭಾಗದ ಪರವಾನಗಿ, ಡಬ್ಲಿನ್ (ಎಲ್‍ಎಫ್‍ಪಿಎಸ್) ನಲ್ಲಿ ಟ್ರಿಪಲ್ ಪ್ರಮಾಣಪತ್ರವನ್ನು ಪಡೆದರು. ಸ್ಕಾಟಿಷ್ ಕಾಲೇಜು ನಿಂದ ಹಿಂದಿರುಗಿದ ನಂತರ ಗಂಗೂಲಿ ಹಿರಿಯ ತಜ್ಞ ಹುದ್ದೆಗೆ ಭರ್ತಿ ಪಡೆದರು.
ತಮ್ಮ ವೃತ್ತಿಯ ಜೊತೆಗೆ ಸಾಮಾಜಿಕ ಸೇವೆಯಲ್ಲಿ ತಮ್ಮನ್ನು ತಾನು ತೊಡಗಿಸಿಕೊಂಡಿದ್ದ ಇವರು, ಸಾಮಾಜಿಕ ಚಳುವಳಿಯಲ್ಲಿಯೂ ಛಾಪು ಮೂಡಿಸಿದ್ದರು. ಮಹಿಳಾ ಹಕ್ಕುಗಳಿಗಾಗಿ ಧ್ವನಿ ಎತ್ತಿದರು. 1923ರಲ್ಲಿ ಇವರು ನಿಧನರಾದರು.
