ವೇದಾಳಂ, ವಿಶ್ವಾಸಂನಂತಹ ಸೂಪರ್ ಹಿಟ್ ಸಿನೆಮಾಗಳಿಗೆ ಆಕ್ಟನ್ ಕಟ್ ಹೇಳಿರುವ ಶಿವ ಅವರ ನಿರ್ದೇಶನದ ಬಹುನಿರೀಕ್ಷಿತ ಚಿತ್ರ ಅಣ್ಣಾತೆ ಚಿತ್ರದ ಬಗ್ಗೆ ಇತ್ತೀಚೆಗೆ ಸಾಕಷ್ಟು ಗೊಂದಲಗಳು ಕೇಳಿ ಬರ್ತಿವೆ. ಹೌದು ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯದ 168ನೇ ಸಿನಿಮಾ ಅಣ್ಣಾತೆಯಿಂದ ರಜಿನಿಕಾಂತ್ ಹೊರಬಂದ್ರಾ ಎಂಬ ಮಾತುಗಳು ಇತ್ತೀಚೆಗೆ ಸಾಕಷ್ಟು ಸದ್ದು ಮಾಡ್ತಿದೆ. ರಜನಿಕಾಂತ್ ಅವರು ಸಂಭಾವನೆಯನ್ನು ನಿರ್ಮಾಪಕರಿಗೆ ಹಿಂದಿರುಗಿಸಿದ್ದು ಇಂತಹದ್ದೊಂದು ಅನುಮಾನಕ್ಕೆ ಎಡೆಮಾಡಿಕೊಟ್ಟಿದೆ.
ಬಹುಕೋಟಿ ವೆಚ್ಚದ ಅಣ್ಣಾತೆ ಚಿತ್ರದ ಶೂಟಿಂಗ್ ಕೊರೊನಾ ಬಿಕ್ಕಟ್ಟಿನಿಂದಾಗಿ ಸ್ಥಗಿತವಾಗಿದೆ. ಅಲ್ಲದೇ ಕೊರೊನಾ ಆತಂಕದ ನಡುವೆ ಚಿತ್ರೀಕರಣ ಬೇಡ ಎಂದಿರುವ ರಜನಿಕಾಂತ್ ಅವರು ಯಾವಾಗ ಮರಳಿ ಸೆಟ್ ಗೆ ಬರಲಿದ್ದಾರೆ ಎಂಬುದು ಇನ್ನೂವರೆಗೂ ತಿಳಿದುಬಂದಿಲ್ಲ. ಇನ್ನೂ ಟೈಟಲ್ ನಿಂದಲೇ ಸಿಕ್ಕಾಪಟ್ಟೆ ಸದ್ದು ಮಾಡಿರುವ ಅಣ್ಣಾತೆ ಚಿತ್ರದಲ್ಲಿ ಕೀರ್ತಿ ಸುರೇಶ್, ಪ್ರಕಾಶ್ ರೈ ಮೀನಾ, ನಯನತಾರಾ, ಖುಷ್ಬು, ನಂತಹ ಖ್ಯಾತ ತಾರಾಬಳಗವೇ ಬಣ್ಣ ಹಚ್ಚುತ್ತಿರುವುದು ಇತ್ತೀಚೆಗಷ್ಟೇ ರಿವೀಲ್ ಆಗಿದೆ. 
