ಧಾರವಾಡ : ನಗರದ ಶೈಕ್ಷಣಿಕ ಚಾರಿತ್ರಿಕ ಪುಟಗಳಲ್ಲಿ ತನ್ನದೇ ಆದ ಸ್ಥಾನವನ್ನು ಹೊಂದಿರುವ ಶತಮಾನೋತ್ತರ ಬೆಳ್ಳಿಹಬ್ಬ ಆಚರಿಸಿರುವ ಹೆಣ್ಣು ಮಕ್ಕಳ ಸರಕಾರಿ ಟ್ರೇನಿಂಗ್ ಕಾಲೇಜ (ಹೆಟ್ರೇಕಾ) ಪ್ರಾಚಾರ್ಯರ ಹುದ್ದೆಗೆ 1999ರ ತಂಡದ ಕೆ.ಇ.ಎಸ್. ಅಧಿಕಾರಿ ಡಾ. ರವಿಕುಮಾರ ರಾಮಚಂದ್ರ ಬಾರಾಟಕ್ಕೆ ನೇಮಕಗೊಂಡಿದ್ದಾರೆ.
ಹಾನಗಲ್ಲ ತಾಲೂಕು ಶಿರಗೋಡ ಸರಕಾರಿ ಪ್ರೌಢ ಶಾಲಾ ಮುಖ್ಯಾಧ್ಯಾಪಕರಾಗಿ, ಹಾನಗಲ್ಲ ತಾಲೂಕು ಮಧ್ಯಾಹ್ನ ಉಪಹಾರ ಯೋಜನೆಯ ಸಹಾಯಕ ನಿರ್ದೇಶಕರಾಗಿ, ನಂತರ ನಗರದ ಕಮಲಾಪೂರ ಹಾಗೂ ಕುಂದಗೋಳ ತಾಲೂಕು ಯರೇಬೂದಿಹಾಳ ಸರಕಾರಿ ಪ್ರೌಢ ಶಾಲೆಗಳ ಮುಖ್ಯಾಧ್ಯಾಪಕರಾಗಿ ಸೇವೆಸಲ್ಲಿಸಿದ್ದಾರೆ.
ಪದೋನ್ನತಿ ಹೊಂದಿ ರಾಜ್ಯ ಮಟ್ಟದ ತರಬೇತಿ ಸಂಸ್ಥೆ ‘ಸಿಸ್ಲೆಪ್-ಕರ್ನಾಟಕ’ದ ಹಿರಿಯ ಸಹಾಯಕ ನಿರ್ದೇಶಕರಾಗಿ, ಜೊತೆಗೆ ನಿಕಟಪೂರ್ವದಲ್ಲಿ ಧಾರವಾಡ ಡಿಡಿಪಿಐ ಕಚೇರಿಯ ಶಿಕ್ಷಣಾಧಿಕಾರಿ ಹುದ್ದೆಯಲ್ಲಿ ಸೇವೆಗೈದಿದ್ದಾರೆ. ಮಂಗಳವಾರ ಶಿಕ್ಷಕಿಯರ ಸರಕಾರಿ ತರಬೇತಿ ಸಂಸ್ಥೆಯ ಪ್ರಾಚಾರ್ಯರ ಹುದ್ದೆಯ ಪ್ರಭಾರ ವಹಿಸಿಕೊಂಡರು.
