GT vs CSK : ಯಾರಿಗೆ ಒಲಿಯಲಿದ್ದಾಳೆ ಸೀಸನ್ 16 ರ ಮೊದಲ ವಿಜಯಲಕ್ಷ್ಮಿ…. ??
IPL 2023 : ವಿಶ್ವದ ಶ್ರೀಮಂತ ಕ್ರಿಕೆಟ್ ಲೀಗ್ ಆರಂಭಕ್ಕೆ ಇನ್ನೂ ಕೆಲವೆ ಗಂಟೆಗಳು ಭಾಕಿ ಇವೆ. ಕಳೆದ ಬಾರಿಯ ಚಾಂಪಿಯನ್ ತಂಡ ಹಾರ್ದಿಕ್ ಪಟೇಲ್ ನೇತೃತ್ವದ ಗುಜರಾತ್ ಟೈಟಾನ್ಸ್ ತಂಡ ಎಂ ಎಸ್ ಧೋನಿ ನೇತೃತ್ವದ ಚೆನೈ ತಂಡದೊಂದಿಗೆ ಆರಂಬಿಕ ಸಮರದಲ್ಲಿ ಕಣಕ್ಕಿಳಲಿದೆ.
ಕಳೆದ ಋತುವಿನಲ್ಲಿ ಕೆಳಗಿನಿಂದ ಎರಡನೇ ಸ್ಥಾನ ಗಳಿಸಿದ ಚೆನೈ ಮೇಲೆ ಈ ಮೇಲೆ ಎಲ್ಲರ ದೃಷ್ಟಿ ನೆಟ್ಟಿದೆ. ಇದು ಧೋನಿಗೆ ಭಾಗಶಃ ಕೊನೆಯ ಸೀಸನ್ ಆಗುವ ಸಾಧ್ಯತೆ ಇದೆ. ತಂಡದ ಅತ್ಯಂತ ದುಬಾರಿ ಆಟಗಾರ ಬೆನ್ ಸ್ಟೋಕ್ಸ್ ತಮ್ಮ ಬಲ ಹೆಚ್ಚಿಸಿಕೊಳ್ಳುವ ಭರವಸೆಯಲ್ಲಿದ್ದಾರೆ. ಕಾನ್ವೆ, ಮೊಯಿನ್ ಅಲಿ, ಜಡೇಜಾ ಮತ್ತು ರಾಯುಡು ಕೂಡ ಬ್ಯಾಟಿಂಗ್ ನಲ್ಲಿ ಬಲ ಪ್ರದರ್ಶಿಸಿದರೇ ತಂಡ ಬೃಹತ್ ಮೊತ್ತ ಕಲೆಹಾಕುವುದು ಖಚಿತ. ದೀಪಕ್ ಚಹಾರ್, ಸಿಮ್ರಂಜಿತ್ ಮತ್ತು ಸ್ಪಿನ್ನರ್ ಬೌಲಿಂಗ್‌ ನಲ್ಲಿ ನಿರ್ಣಾಯಕರಾಗಿರುತ್ತಾರೆ.
ಅಭ್ಯಾಸದ ವೇಳೆ ಧೋನಿ ಎಡ ಮೊಣಕಾಲಿಗೆ ಗಾಯ ಮಾಡಿಕೊಂಡಿದ್ದಾರೆ ಎಂದು ಇತ್ತೀಚೆಗೆ ವರದಿಯಾಗಿದೆ. ಹಾಗೇನಾದರೂ ಧೋನಿ ಮೊದಲ ಪಂದ್ಯ ಮಿಸ್ ಮಾಡಿಕೊಂಡರೆ ರುತುರಾಜ್ ಗಾಯಕ್ವಾಡ್ ನಾಯಕನ ಸ್ಥಾನ ನಿಭಾಯಿಸಲಿದ್ದಾರೆ.
ಇನ್ನೂ ಗುಜರಾತ್ ಪರ ಮಾತನಾಡುವುದಾದರೇ ಓಪನರ್ ಗಿಲ್ ಸೂಪರ್ ಫಾರ್ಮ್ ನಲ್ಲಿದ್ದಾರೆ. ಈ ವೇಳೆ ವಿಲಿಯಮ್ಸನ್ ಕೂಡ ಸೇರಿಕೊಂಡಿದ್ದಾರೆ. ಮೊದಲ ಪಂದ್ಯಕ್ಕೆ ಡೇವಿಡ್ ಮಿಲ್ಲರ್ ಗೈರುಹಾಜರಾಗಿದ್ದಾರೆ. ಸ್ಪಿನ್ನರ್ ರಶೀದ್ ಖಾನ್ ಎಂದಿನಂತೆ ಸಿದ್ದರಿದ್ದು ವೇಗಿಗಳಾದ ಶಮಿ, ಮಾವಿ ಮತ್ತು ಅಲ್ಜಾರಿ ಜೋಸೆಫ್ ಪ್ರಮುಖ ಆಟಗಾರರಾಗಿದ್ದಾರೆ.
GT vs CSK : Who will win first season 16 Vijayalakshmi…. ??
