ಮುಕ್ತ ಚಳುವಳಿಯ ಹಕ್ಕನ್ನು ಉದ್ದೇಶಿಸಿ ಪ್ರತಿಭಟಿಸುವ ಹಕ್ಕಿನ ಕುರಿತು ಮಾರ್ಗಸೂಚಿ – ಸುಪ್ರೀಂ ಕೋರ್ಟ್
ಹೊಸದಿಲ್ಲಿ, ಸೆಪ್ಟೆಂಬರ್22: ಶಹೀನ್ ಬಾಗ್ ಪ್ರತಿಭಟನೆ ವಿರುದ್ಧ ಸಲ್ಲಿಸಿದ್ದ ಅರ್ಜಿಯನ್ನು ವಿಚಾರಣೆ ನಡೆಸಿದ ಸುಪ್ರೀಂ ಕೋರ್ಟ್ ನ ನ್ಯಾಯಮೂರ್ತಿಗಳಾದ ಸಂಜಯ್ ಕಿಶನ್ ಕೌಲ್, ಅನಿರುದ್ಧ ಬೋಸ್ ಮತ್ತು ಕೃಷ್ಣ ಮುರಾರಿ ಅವರ ನ್ಯಾಯಪೀಠ ಪ್ರತಿಭಟಿಸುವ ಹಕ್ಕು ಸಂಪೂರ್ಣವಲ್ಲ ಎಂದು ಹೇಳಿದರು. ಇನ್ನೊಬ್ಬರ ಮುಕ್ತ ಚಳುವಳಿಯ ಹಕ್ಕಿನೊಂದಿಗೆ ಪ್ರತಿಭಟಿಸುವ ನಾಗರಿಕರ ಹಕ್ಕನ್ನು ಸಮತೋಲನಗೊಳಿಸುವ ಕಾನೂನನ್ನು ರೂಪಿಸುವುದಾಗಿ ಸುಪ್ರೀಂ ಕೋರ್ಟ್ ಹೇಳಿದೆ.
ಪ್ರತಿಭಟಿಸುವ ಹಕ್ಕು ಸಂಪೂರ್ಣವಲ್ಲ, ಆದರೆ ದೇಶದ ಎಲ್ಲಾ ನಾಗರಿಕರಿಗೂ ಹಕ್ಕಿದೆ. ಸಂಸದೀಯ ಪ್ರಜಾಪ್ರಭುತ್ವದಲ್ಲಿ, ಯಾವಾಗಲೂ ಚರ್ಚೆಗೆ ಮಾರ್ಗವಿದೆ. ಪ್ರತಿಭಟನೆಗಳನ್ನು ಶಾಂತಿಯುತವಾಗಿ ಮಾಡಬಹುದು. ಮುಕ್ತ ಪ್ರವೇಶ ಮತ್ತು ಆಂದೋಲನಕ್ಕೆ ಇತರರ ಹಕ್ಕಿನೊಂದಿಗೆ ಪ್ರತಿಭಟನೆಯ ಹಕ್ಕನ್ನು ಸಮತೋಲನಗೊಳಿಸುವ ಅಗತ್ಯವನ್ನು ನ್ಯಾಯಾಲಯವು ತಿಳಿಸುತ್ತದೆ ಎಂದು ನ್ಯಾಯಮೂರ್ತಿ ಕೌಲ್ ಹೇಳಿದರು.
ಇತ್ತೀಚಿಗೆ ಸಿ ಎ ಎ ಪ್ರತಿಭಟನೆಯಿಂದ ರಾಜಧಾನಿಯಲ್ಲಿ ಪ್ರಯಾಣಿಕರಿಗೆ ಉಂಟಾದ ಅನಾನುಕೂಲತೆ ಮತ್ತು ಬೃಹತ್ ಸಂಚಾರ ದಟ್ಟಣೆಯ ವಿರುದ್ಧ ಸಲ್ಲಿಸಿದ ಮನವಿಗೆ ನ್ಯಾಯಪೀಠ ಸ್ಪಂದಿಸಿದೆ. ಪ್ರಜಾಪ್ರಭುತ್ವದಲ್ಲಿ ಪ್ರತಿಭಟಿಸುವ ಜನರ ಹಕ್ಕು ಪವಿತ್ರವಾದುದು ಇದಕ್ಕೆ ಎಸ್ಸಿ ಈಗಾಗಲೇ ಅನೇಕ ತೀರ್ಪುಗಳ ಮೂಲಕ ಉಲ್ಲೇಖಿಸಲಾಗಿದೆ. ಆದರೆ ಪ್ರತಿಭಟನಾಕಾರರು ತನ್ನ ಪ್ರತಿಭಟನೆಗಾಗಿ ಯಾವುದೇ ಪ್ರದೇಶವನ್ನು ಶಾಶ್ವತವಾಗಿ ಮುಚ್ಚಲು ಸಾಧ್ಯವಿಲ್ಲ ಅಥವಾ ಪ್ರತಿಭಟನಾ ಸ್ಥಳಕ್ಕೆ ನಿಷೇಧ ಹೇರಲು ಸಾಧ್ಯವಿಲ್ಲ ಎಂದು ಅದು ಹೇಳಿದೆ.
ಆಯಾಯ ರಾಜ್ಯ ಸರಕಾರಗಳು ಜನರ ಪ್ರತಿಭಟನೆಗೆ ಸೂಕ್ತ ಸ್ಥಳ, ಸಮಯ ನಿಗದಿಪಡಿಸಬೇಕು ಮತ್ತು ಅವರ ಪ್ರತಿಭಟನೆಗೆ ಯಾವುದೇ ರೀತಿಯ ಹಸ್ತಕ್ಷೇಪ ಸಲ್ಲಿಸಬಾರದು ಎಂದು ಪರೋಕ್ಷವಾಗಿ ಸರಕಾರಕ್ಕೆ ಕಿವಿ ಮಾತು ಹೇಳಿದರು.
ಜನರು ಶಾಂತಿಯುತವಾಗಿ ಪ್ರತಿಭಟಿಸುವ ಹಕ್ಕಿದೆ ಆದರೆ ಇದರಿಂದ ಸಾರ್ವಜನಿಕರಿಗೆ ಅನಾನುಕೂಲತೆಯನ್ನುಂಟು ಮಾಡಬಾರದು ಎಂದು ಸರ್ಕಾರ ತನ್ನ ಸಲ್ಲಿಕೆಯಲ್ಲಿ ತಿಳಿಸಿತ್ತು. ಶಹೀನ್ ಬಾಗ್ ಪ್ರತಿಭಟನೆಯಲ್ಲಿ ಈ ಪ್ರದೇಶದ ಪ್ರಮುಖ ರಸ್ತೆಗಳನ್ನು ನಿರ್ಬಂಧಿಸಲಾಗಿದೆ ಎಂದು ಆರೋಪಿಸಲಾಯಿತು. ಆದರೆ ದೆಹಲಿಯ ಶಾಹಿನ್ ಭಾಗ್ ನಡೆದ ಪ್ರತಿಭಟನೆಯಲ್ಲಿ ನೂರಕ್ಕೂ ಅಧಿಕ ದಿನ ರಸ್ತೆಯನ್ನು ಮುಚ್ಚುವ ಮೂಲಕ ಸಾರ್ವಜನಿಕರಿಗೆ ಅನಾನುಕೂಲ ಸೃಷ್ಟಿಸಿ ಘಟನಾ ಸ್ಥಳದಲ್ಲಿ ದೊಂಬಿ ನಡೆಸುವ ಹುನ್ನಾರ ನಡೆಸಲಾಗಿತ್ತು ಎಂದು ಆಪಾದಿಸಲಾಗಿದೆ.
