ಕೊರೋನಾ ಸಮಯದಲ್ಲೂ ಸೇವೆ ಮಾಡುತ್ತಿರುವ ಗುರುವಾಯನಕೆರೆಯ 10 ರೂ ಡಾಕ್ಟರ್..!
ಪ್ರಾಚೀನ ಕಾಲದಿಂದಲೂ, ಭಾರತೀಯ ಸಂಸ್ಕೃತಿಯಲ್ಲಿ ಪ್ರಾಣ ಉಳಿಸುವ ಶಕ್ತಿಯಿಂದಾಗಿ ವೈದ್ಯರನ್ನು ದೇವರಿಗೆ ಸಮಾನ ಎಂದು ಪರಿಗಣಿಸಲಾಗಿದೆ. ತಾತ್ತ್ವಿಕವಾಗಿ, ವೈದ್ಯರು ಹಣಕ್ಕಿಂತಲೂ ಮಾನವೀಯತೆ ಗುಣಗಳನ್ನು ಹೊಂದಿರಬೇಕು. ಅವರ ಪ್ರೀತಿ ತುಂಬಿದ ಸಮಾಧಾನಗೊಳಿಸುವ ಮಾತುಗಳು ರೋಗಿಗಳನ್ನು ಬೇಗ ಗುಣಪಡಿಸಬಹುದು. ಆದರೆ ಹೆಚ್ಚಿನ ಚಿಕಿತ್ಸಾಲಯಗಳಲ್ಲಿ ರೋಗಿಗಳಿಗೆ ವೈದ್ಯರು ಹಣವನ್ನು ಆಧರಿಸಿ ಚಿಕಿತ್ಸೆಯನ್ನು ಒದಗಿಸುತ್ತಾರೆ, ಆದರೆ ಗುರುವಾಯನಕೆರೆಯ ಡಾ.ವೇಣುಗೋಪಾಲ್ ಶರ್ಮಾ ಇದಕ್ಕೆ ಅಪವಾದವಾಗಿದ್ದಾರೆ.
ಡಾ.ವೇಣುಗೋಪಾಲ್ ಶರ್ಮಾ ರೋಗಿಗಳಿಂದ ಕೇವಲ ಹತ್ತು ರೂಪಾಯಿಗಳನ್ನು ಸ್ವೀಕರಿಸುತ್ತಾರೆ. ಅವರು ರೋಗಿಗಳೊಂದಿಗೆ ಪ್ರೀತಿ, ನಗು ಹಾಗೂ ಹಾಸ್ಯಭರಿತ ಮಾತುಗಳಿಂದ ಚಿಕಿತ್ಸೆ ನೀಡುತ್ತಾರೆ. ತನ್ನ ರೋಗಿಗಳಲ್ಲಿ ವಿಶ್ವಾಸವನ್ನು ತುಂಬುತ್ತಾರೆ. ಜನರು ಅವರನ್ನು ಪ್ರೀತಿಯಿಂದ ‘ಹತ್ತು ರೂಪಾಯಿ ವೈದ್ಯರು’ ಎಂಬ ಹೆಸರಿನಿಂದ ಕರೆಯುತ್ತಾರೆ. ಡಾ. ಶರ್ಮಾ ಅವರು ಚಿಕಿತ್ಸೆಗೆ ಯಾವುದೇ ದರವನ್ನು ನಿಗದಿಪಡಿಸಿಲ್ಲ ಮತ್ತು ಅವರು ಮಾಡುವ ವೈಯಕ್ತಿಕ ಆರೋಗ್ಯ ತಪಾಸಣೆಯ ಆಧಾರದ ಮೇಲೆ ಶುಲ್ಕವನ್ನು ಎಂದಿಗೂ ಕೋರಿಲ್ಲ. ಅವರು ಕಳೆದ ಮೂರು ದಶಕಗಳಿಂದ ಗುರುವಾಯನಕೆರೆಯಲ್ಲಿ ವೈದ್ಯರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಕೊರೋನಾ ಅವಧಿಯಲ್ಲಿ ಸಹ ಅವರು ಬಡವರಿಗೆ ಹತ್ತು ರೂಪಾಯಿ ವಿಧಿಸುತ್ತಾರೆ.
1989 ರಲ್ಲಿ ಉಡುಪಿ ಆಯುರ್ವೇದ ಕಾಲೇಜಿನಲ್ಲಿ ಶಸ್ತ್ರಚಿಕಿತ್ಸಾ ಪದವಿ ಮುಗಿಸಿ ತಮ್ಮ ಅಭ್ಯಾಸವನ್ನು ಪ್ರಾರಂಭಿಸಿರುವುದಾಗಿ ಡಾ.ವೇಣುಗೋಪಾಲ್ ಶರ್ಮಾ ಹೇಳುತ್ತಾರೆ. ನಾನು ಯಾವತ್ತೂ ರೋಗಿಗೆ ಇಂತಿಷ್ಟು ಎಂದು ದರ ವಿಧಿಸಿದ್ದು ಇಲ್ಲ. ರೋಗಿಗಳು ನನಗೆ ಆರಂಭದಲ್ಲಿ ಎರಡು ರೂಪಾಯಿ ಪಾವತಿಸುತ್ತಿದ್ದರು ಮತ್ತು ನಂತರ ಅವರು ಅದನ್ನು ಐದು ರೂಪಾಯಿಗೆ ಹೆಚ್ಚಿಸಿ ನನ್ನನ್ನು ಐದು ರೂಪಾಯಿ ವೈದ್ಯರೆಂದು ಕರೆದರು. ಈಗ ಅವರು ನನಗೆ ಹತ್ತು ರೂಪಾಯಿಗಳನ್ನು ನೀಡುತ್ತಿದ್ದಾರೆ. ರಕ್ತದೊತ್ತಡ, ಸಕ್ಕರೆ ಇತ್ಯಾದಿಗಳನ್ನು ಪರೀಕ್ಷಿಸಲು ನಾನು ಯಾವುದೇ ಶುಲ್ಕವನ್ನು ಸಂಗ್ರಹಿಸುವುದಿಲ್ಲ. ಆದರೆ ಜನರು ನನಗೆ ಪಾವತಿಸುತ್ತಾರೆ ಎಂದು ಅವರು ವಿವರಿಸುತ್ತಾರೆ.
ಮಾಜಿ ಸಚಿವ, ದಿವಂಗತ ಡಾ.ವಿ.ಎಸ್. ಆಚಾರ್ಯ ಮತ್ತು ಕಾಸರಗೋಡಿನಲ್ಲಿರುವ ಅವರ ಕುಟುಂಬ ವೈದ್ಯರಾದ ಡಾ.ಪಿ.ಎಸ್. ಶಾಸ್ತ್ರಿ ಅವರ ಆದರ್ಶಗಳಿಂದ ಅವರು ಪ್ರೇರಿತರಾಗಿರುವುದಾಗಿ ಡಾ.ವೇಣುಗೋಪಾಲ್ ಶರ್ಮಾ ಹೇಳುತ್ತಾರೆ.
ಡಾ.ಶರ್ಮಾ ದಿನಕ್ಕೆ ಸುಮಾರು ನೂರು ರೋಗಿಗಳನ್ನು ಪರೀಕ್ಷಿಸುತ್ತಾರೆ. ಅವರು ಒಂದೇ ದಿನದಲ್ಲಿ 250 ರೋಗಿಗಳನ್ನು ಪರೀಕ್ಷಿಸಿದ ದಿನಗಳು ಇವೆ. ಆದರೆ, ಅವರಿಗೆ ಸಹಾಯ ಮಾಡಲು ಯಾವುದೇ ಸಹಾಯಕರನ್ನು ನೇಮಿಸಿಲ್ಲ. ರೋಗಿಗಳ ಕ್ಯೂ ಖಾಲಿಯಾದ ನಂತರ ಊಟ. ಬೆಳಗ್ಗಿನಿಂದಲೇ ಚಿಕಿತ್ಸೆ ಆರಂಭಿಸುವ ಅವರು ಊಟವಾದ ನಂತರ ಮತ್ತೆ ಸಂಜೆ ತನ್ನ ಚಿಕಿತ್ಸಾಲಯಕ್ಕೆ ಬಂದು ತನ್ನ ರೋಗಿಗಳಿಗೆ ಸೇವೆ ಮಾಡಲು ಪ್ರಾರಂಭಿಸುತ್ತಾರೆ.
ತಾನು ಸರಳ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡುತ್ತೇನೆ ಮತ್ತು ರೋಗಲಕ್ಷಣಗಳನ್ನು ಅವಲಂಬಿಸಿ ರೋಗಿಗಳನ್ನು ಇತರ ಆಸ್ಪತ್ರೆಗಳಿಗೆ ಶಿಫಾರಸು ಮಾಡುತ್ತೇನೆ ಎಂದು ಅವರು ಹೇಳುತ್ತಾರೆ. ರೋಗಿಗಳು ಕಫವನ್ನು ಹೊಂದಿದ್ದರೆ, ಆರ್ಟಿ-ಪಿಸಿಆರ್ ಪರೀಕ್ಷೆಗಳನ್ನು ಶಿಫಾರಸು ಮಾಡುತ್ತಾರೆ ಮತ್ತು ಸಕಾರಾತ್ಮಕ ಫಲಿತಾಂಶವಿದ್ದರೆ, ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯಬೇಕೆಂದು ಡಾ.ಶರ್ಮಾ ಹೇಳುತ್ತಾರೆ.
ವೈದ್ಯರೂ ಹವ್ಯಾಸಿ ಛಾಯಾಗ್ರಾಹಕರೂ ಆಗಿದ್ದಾರೆ. ಅವರ ಸೇವಾ ಮನೋಭಾವವನ್ನು ಗುರುತಿಸಿ ವಿವಿಧ ಸಂಸ್ಥೆಗಳು ಅವರನ್ನು ಸನ್ಮಾನಿಸಿವೆ. ಕಳೆದ ವರ್ಷ ಅವರಿಗೆ ‘ರಾಜ್ಯೋತ್ಸವ’ ಪ್ರಶಸ್ತಿಯನ್ನೂ ಸಹ ನೀಡಲಾಗಿದೆ.
ಎಚ್ಚರಿಕೆ – ದೇಶದಲ್ಲಿ ಕೊರೋನಾ ಸೋಂಕಿನ ಹಾವಳಿ ಕಡಿಮೆಯಾಗಿದ್ದರೂ ಸಂಪೂರ್ಣವಾಗಿ ನಿಂತಿಲ್ಲ. ಆದ್ದರಿಂದ ಪ್ರತಿಯೊಬ್ಬರೂ ಕಡ್ಡಾಯವಾಗಿ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ ಮತ್ತು ಕೊರೋನಾ ಮುನ್ನೆಚ್ಚರಿಕೆ ಕ್ರಮಗಳನ್ನು ಪಾಲಿಸಿ. ಜೊತೆಗೆ ವ್ಯಾಕ್ಸಿನೇಷನ್ ಪಡೆಯುವುದನ್ನು ಮರೆಯದಿರಿ. ಇದು ಸಾಕ್ಷಾಟಿವಿ ಕಳಕಳಿ.
ಮಳೆಗಾಲದಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸೇವಿಸಬೇಕಾದ ಹಣ್ಣು ಮತ್ತು ತರಕಾರಿಗಳು#immunity #rainseason https://t.co/Gu4P3MbPKT
— Saaksha TV (@SaakshaTv) June 28, 2021
ನೇಂದ್ರ ಬಾಳೆಕಾಯಿ ಸಿಪ್ಪೆಯ ಬಜ್ಜಿ#Saakshatv #cooking #recipe https://t.co/JzmosmX0TY
— Saaksha TV (@SaakshaTv) July 1, 2021
ಸಾಸಿವೆ ಎಣ್ಣೆಯ ಆರೋಗ್ಯ ಪ್ರಯೋಜನಗಳು#Saakshatv #healthtips #Mustardoil https://t.co/Wq9REM7Arz
— Saaksha TV (@SaakshaTv) June 27, 2021
ವೈಟ್ ರೈಸ್ Vs ಬ್ರೌನ್ ರೈಸ್ – ಯಾವುದು ದೇಹಕ್ಕೆ ಉತ್ತಮ – ಇಲ್ಲಿದೆ ಪೌಷ್ಟಿಕತಜ್ಞೆ ನೀಡಿರುವ ಮಾಹಿತಿ#Saakshatv #healthtips #rice https://t.co/tCTUXeFGEs
— Saaksha TV (@SaakshaTv) July 1, 2021
ಬ್ಯಾಂಕಿನ ಯಾವ ಕೆಲಸಗಳನ್ನು ವಾಟ್ಸಾಪ್ ಮೂಲಕ ನಿಭಾಯಿಸಬಹುದು ಮತ್ತು ಅದರ ಪ್ರಕ್ರಿಯೆ ಏನು#WhatsApp #chat https://t.co/0yPB6IOm6y
— Saaksha TV (@SaakshaTv) June 26, 2021
#Guruvayanakere
