ಪತ್ರ ಮುಖಕ್ಕೆ ಎಸೆದ್ರು, ಸ್ಮಾರಕ ಮಾಡಿದ್ದು ಹೆಚ್ಡಿಕೆಯಲ್ಲ : ದೊಡ್ಡಣ್ಣ
ಬೆಂಗಳೂರು : ಅಂಬರೀಶ್ ಸ್ಮಾರಕ ಮಾಡಿದ್ದು ಹೆಚ್ ಡಿ ಕುಮಾರಸ್ವಾಮಿಯಲ್ಲ. ಈಗೀನ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅಂತ ಸಾರಿ ಸಾರಿ ಹೇಳುತ್ತೇನೆ ಎಂದು ಹಿರಿಯ ನಟ ದೊಡ್ಡಣ್ಣ ಹೇಳಿದ್ದಾರೆ.
ನಗರದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ದೊಡ್ಡಣ್ಣ, ಸ್ಮಾರಕ ವಿಚಾರಕ್ಕೆ ಮನವಿ ಪತ್ರ ಕೋಡೋಕೆ ಹೋಗಿದ್ದು ನಿಜ. ನಾನು ಹೀಗಿದ್ದಾಗ ಕೆಲವು ರಾಜಕಾರಣಿಗಳು ಇದ್ರು. ನಾವು ಸ್ಮಾರಕದ ಕುರಿತು ಲೇಟರ್ ಕೊಟ್ಟಾಗ ಕುಮಾರಸ್ವಾಮಿ ಅಹಸ್ಯ ಪಟ್ಟರು. ನನ್ನ ನೋಡಿ ಇವನು ಏನು ಸಾಧನೆ ಮಾಡಿದ್ದಾನೆ ಅಂತ ಸ್ಮಾರಕ ಮಾಡ್ತಿರೀ..? ಅಂತ ಪೇಪರ್ ತಟ್ಟಂತ ಎಸೆದ್ರು. ಆಗ ನಾನೇನು ಮಾತನಾಡಲಿಲ್ಲ. ಆಮೇಲೆ ಆ ಲೇಟರ್ ಆಯ್ದುಕೊಂಡು ಜೇಬಿನಲ್ಲಿ ಇಟ್ಟುಕೊಂಡು ಬಂದೆ. ಬಳಿಕ ಸುಮಲತಾ ಬಳಿ ಕಣ್ಣೀರಿಟ್ಟುಕೊಂಡು ಹೋದೆ ಎಂದರು.
ಇನ್ನು ಅಂಬರೀಷ್ ನಿಧನರಾಗಿದ್ದಾನ ಇದ್ದಿದ್ದು ನಾವು ನಾಲ್ಕು ಜನ ಮಾತ್ರ.ಅಭಿ ಹಠ ಮಾಡಿದ್ದಕ್ಕೆ ಬಾಡಿ ಮಂಡ್ಯಕ್ಕೆ ಕೊಂಡೊಯ್ದೆವು. ಮುಖ್ಯಮಂತ್ರಿ ಆಗಿದ್ದ ನೀವು ಏರ್ ಲಿಫ್ಟ್ ಮಾಡಲು ಏರ್ ಫೋರ್ಸ್ ಬಳಿ ಮಾತನಾಡಿದ್ರಿ. ಅಂಬರೀಷ್ ಸ್ಮಾರಕ ನಿರ್ಮಿಸಿದ್ದು ಕುಮಾರಸ್ವಾಮಿ ಅಲ್ಲ. ಸಿಎಂ ಯಡಿಯೂರಪ್ಪ ಎಂದು ದೊಡ್ಡಣ್ಣ ಹೇಳಿದರು.
