ಧರ್ಮಸ್ಥಳದ ಧರ್ಮಾಧಿಕಾರಿಗಳಾದ ಶ್ರೀ ವೀರೇಂದ್ರ ಹೆಗ್ಗಡೆ ಅವರಿಂದ “ಹರೀಶ ವಯಸ್ಸು 36”ರ ಪೋಸ್ಟರ್ ರಿಲೀಸ್
ವಿಭಿನ್ನ ಹೆಸರು , ಫ್ಯಾಮಿಲಿ ಓರಿಯೆಂಟೆಡ್ ಕಥೆ ಹೊಂದಿರುವ ಸ್ಯಾಂಡಲ್ ವುಡ್ ನ ಹೊಸ ಸಿನಿಮಾ “ಹರೀಶ ವಯಸ್ಸು 36”ರ ಪೋಸ್ಟರ್ ಅನ್ನ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿಗಳಾದ ಶ್ರೀ ವೀರೇಂದ್ರ ಹೆಗ್ಗಡೆ ಅವರು ರಿಲೀಸ್ ಮಾಡಿದರು.. ಬಳಿಕ ಸಿನಿಮಾಗೆ ಶುಭ ಹಾರೈಸಿದರು.. ಹರೀಶ ಎಂಬ ಪಾತ್ರಧಾರಿ 36 ವರ್ಷವಾದ್ರೂ ಮದುವೆಯಾಗದೇ ಇರುವ ಅಂಶವನ್ನಿಟ್ಟುಕೊಂಡು ಸಿನಿಮಾದ ಕಥೆಯನ್ನ ಹೆಣೆಯಲಾಗಿದೆ..
ಸ್ಯಾಂಡಲ್ ವುಡ್ ನಲ್ಲಿ ಇತ್ತೀಚೆಗೆ ಹೊಸ ಹೊಸ ಸಿನಿಮಾಗಳು ಪ್ರೇಕ್ಷರನ್ನ ಮೋಡಿ ಮಾಡುತ್ತಿದೆ.. ಅದೇ ರೀತಿ ಮತ್ತೆ ಸಿನಿ ಪ್ರೇಕ್ಷಕರನ್ನು ಮೋಡಿ ಮಾಡಲು ಬರುತ್ತಿದೆ “ಹರೀಶ ವಯಸ್ಸು 36” ಸಿನಿಮಾ ತಂಡ.. ವಿಶೇಷ ಕಥಾ ಹಂದರ ಹೊಂದಿರುವ , ವಿಭಿನ್ನ ಟೈಟಲ್ ಮೂಲಕವೇ ಜನರ ಗಮನ ಸೆಳೆದಿರುವ ಈ ಸಿನಿಮಾದ ಶೂಟಿಂಗ್ ಈಗಾಗಲೇ ಮುಗಿದಿದೆ. ಕರಾವಳಿ ಭಾಗದಲ್ಲಿ ಚಿತ್ರೀಕರಣ ನಡೆದಿದೆ.. 
ಸಿನಿಮಾದಲ್ಲಿ ಸೈಮಾ ಪ್ರಶಸ್ತಿ ವಿಜೇತ ಪ್ರಕಾಶ್ ತಾಮಿನಾಡು , ಹಿರಿಯ ಕಲಾವಿದ ಉಮೇಶ್ , ಯೋಗೇಶ್ ಶೆಟ್ಟಿ, ಶ್ವೇತಾ ಅರೆಹೊಳೆ , ಉಮೇಶ್ ಮಿಜಾರ್, ಶೋಭಾ ಶೆಟ್ಟಿ , ಮಂಜುಳಾ ಜನಾರ್ಧನ್ , ರಾಜೇಶ್ ಸ್ಕೈಲಾರ್ಕ್ , ರಕ್ಷಣ್ ಮಾಡೂರ್ ಸೇರಿದಂತೆ ಅನೇಕರ ತಾರಾಬಳಗವಿದೆ.. ಈ ಸಿನಿಮಾ ಗುರುರಾಜ್ ಜೇಷ್ಠ ಅವರ ನಿರ್ದೇಶನದ ಚೊಚ್ಚಲ ಸಿನಿಮಾವಾಗಿದೆ.. ಜೊತೆಗೆ ಅವರದ್ದೇ ಸಂಗೀತ ಸಿನಿಮಾಗಿರೋದು ವಿಶೇಷ.. ಸಿನಿಮಾಗೆ ಮೋಹನ್ ಪಡ್ರೆ , ಪಾಲಕ್ಕಾಡ್ ಅವರ ಛಾಯಾಗ್ರಹಣವಿದೆ..
