ಕೋವಿಡ್-19 ಸಾಂಕ್ರಾಮಿಕ ರೋಗದಿಂದ ಉಂಟಾಗಿರುವ ಆರ್ಥಿಕ ಕುಸಿತವನ್ನು ಎದುರಿಸುವ ಕ್ರಮವಾಗಿ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್.ಬಿ.ಐ) ಗವರ್ನರ್ ಶಕ್ತಿಕಾಂತ ದಾಸ್ ಮಾರ್ಚ್ 27 ರಂದು ಕೆಲವು ಮಹತ್ವದ ನಿರ್ಧಾರ ಪ್ರಕಟಿಸಿದ್ದರು. ಈಗಾಗಲೇ ದೇಶದ ಶ್ರಮ ಜೀವಿ ವರ್ಗದವರಿಗೆ ಅನೇಕ ರೀತಿಯ ಸಹಾಯ ಹಸ್ತವನ್ನು ಕೇಂದ್ರ ಸರಕಾರ ನಿನ್ನೆಯಷ್ಟೇ ಪ್ರಕಟಿಸಿತ್ತು. ಇದರ ಬೆನ್ನಲ್ಲೇ ಮಧ್ಯಮ ವರ್ಗದ ಮೇಲಿನ ಜನರ ಹೊರೆಯನ್ನು ಯಾವ ರೀತಿ ನಿಭಾಯಿಸಬಹುದು ಎನ್ನುವ ಅನೇಕ ಪ್ರಶ್ನೆಗಳಿಗೆ ಇಂದು ಉತ್ತರ ಸಿಕ್ಕಿದೆ.
ಹಾಗಾದರೆ ಆರ್ ಬಿ ಐ ಏನೆಲ್ಲಾ ಕ್ರಮ ಕೈಗೊಂಡಿದೆ ?
ರೆಪೊ ದರಗಳಲ್ಲಿ 75 ಬೇಸಿಸ್ ಪಾಯಿಂಟ್‌ಗಳನ್ನು 4.4% ಕ್ಕೆ ಕಡಿತಗೊಳಿಸುವುದಾಗಿ ಘೋಷಿಸಿದೆ.
ರಿವರ್ಸ್ ರೆಪೊ ದರವನ್ನು 100 ಬೇಸಿಸ್ ಪಾಯಿಂಟ್‌ಗಳಿಂದ 3% ಕ್ಕೆ ಇಳಿಸಲಾಗಿದೆ
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಗವರ್ನರ್ ಶುಕ್ರವಾರ ಎಲ್ಲಾ ವಾಣಿಜ್ಯ ಬ್ಯಾಂಕುಗಳು ಮತ್ತು ಬ್ಯಾಂಕೇತರ ಹಣಕಾಸು ಕಂಪನಿಗಳಿಗೆ ಬಾಕಿ ಕಂತನ್ನು ಪಾವತಿಸಲು ಮೂರು ತಿಂಗಳ ಅನುಮತಿ ನೀಡುವುದಾಗಿ ಘೋಷಿಸಿದ್ದಾರೆ.
ಹಾಗಾದರೆ ಇಎಂಐ ಕಟ್ಟಬಾರದೇ ?
ಇಲ್ಲ . ಆರ್‌ಬಿಐ ಬ್ಯಾಂಕ್‌ಗಳಿಗೆ, ಇಎಂಐಗಳ ಮೇಲಿನ ತನ್ನ ನಿಷೇಧವನ್ನು ರದ್ದುಪಡಿಸಿದೆಯೇ ಹೊರತು ಆರ್‌ಬಿಐ ಹೇಳಿದ ರೀತಿಯೇ ಬ್ಯಾಂಕ್ ನಡೆದುಕೊಳ್ಳಲೇಬೇಕೆಂದು ಇಲ್ಲ.
ಹಾಗಾದರೆ ಯಾರು ಇಎಂಐ ರದ್ದು ಮಾಡಬೇಕು ?
ದೇಶದ ಎಲ್ಲ ವೈಯಕ್ತಿಕ ಬ್ಯಾಂಕುಗಳು ಇಎಂಐಗಳನ್ನು ಅಮಾನತುಗೊಳಿಸಲು ತನ್ನ ಬ್ಯಾಂಕ್ ಮಂಡಳಿಯ ಅನುಮತಿ ಪಡೆಯತಕ್ಕದು .
ಇದರರ್ಥ ನಿಮ್ಮ ಬ್ಯಾಂಕಿನಿಂದ ನಿರ್ದಿಷ್ಟ ಅನುಮೋದನೆ ಇಲ್ಲದಿದ್ದರೆ, ನಿಮ್ಮ ಇಎಂಐಗಳನ್ನು ನಿಮ್ಮ ಖಾತೆಯಿಂದ ಕಡಿತಗೊಳಿಸಲಾಗುತ್ತದೆ.
ಹೀಗಿರುವ ಸಂದರ್ಭದಲ್ಲಿ ದೇಶದ ಯಾವುದೇ ಬ್ಯಾಂಕ್, ಸರಕಾರ ಮತ್ತು ಆರ್ ಬಿ ಐ ಆಜ್ಞೆ ಮೀರುವ ಲಕ್ಷಣ ಕಡಿಮೆ.
ನಿಮ್ಮ ಕ್ರೆಡಿಟ್ ಸ್ಕೋರ್ ಮೇಲೆ ಪರಿಣಾಮ ಬೀರುತ್ತಾ ?
ಇಲ್ಲ, ಖಂಡಿತ ಇದು ದೇಶದ ಜನರ ಕ್ರೆಡಿಟ್ ಸ್ಕೋರ್ ಮೇಲೆ ಯಾವುದೇ ಪರಿಣಾಮ ಬೀರಲ್ಲ.
ಯಾರಿಗೆ ಇದು ಅನ್ವಯ ಆಗುತ್ತೆ :
ಎಲ್ಲಾ ವಾಣಿಜ್ಯ ಬ್ಯಾಂಕುಗಳು (ಪ್ರಾದೇಶಿಕ ಗ್ರಾಮೀಣ ಬ್ಯಾಂಕುಗಳು, ಸಣ್ಣ ಹಣಕಾಸು ಬ್ಯಾಂಕುಗಳು ಮತ್ತು ಸ್ಥಳೀಯ ಪ್ರದೇಶ ಬ್ಯಾಂಕುಗಳು ಸೇರಿದಂತೆ), ಸಹಕಾರಿ ಬ್ಯಾಂಕುಗಳು, ಅಖಿಲ ಭಾರತ ಹಣಕಾಸು ಸಂಸ್ಥೆಗಳು ಮತ್ತು ಎನ್‌.ಬಿ.ಎಫ್‌.ಸಿಗಳು (ವಸತಿ ಹಣಕಾಸು ಕಂಪನಿಗಳು ಮತ್ತು ಸೂಕ್ಷ್ಮ ಹಣಕಾಸು ಸಂಸ್ಥೆಗಳು ಸೇರಿದಂತೆ) ಒಳಗೊಂಡಿವೆ.
ಯಾವ ರೀತಿಯ ಸಾಲಕ್ಕೆ ಅನ್ವಯ ಆಗುತ್ತದೆ ?
ಆರ್‌ಬಿಐ ನೀತಿ ಹೇಳಿಕೆಯಲ್ಲಿ ಟರ್ಮ್ ಸಾಲಗಳನ್ನು ಸ್ಪಷ್ಟವಾಗಿ ಉಲ್ಲೇಖಿಸಲಾಗಿದೆ,
ಗೃಹ ಸಾಲಗಳು,
ವೈಯಕ್ತಿಕ ಸಾಲಗಳು,
ಶಿಕ್ಷಣ ಸಾಲಗಳು,
ವಾಹನ ಸಾಲ ಮತ್ತು ನಿಗದಿತ ಅಧಿಕಾರಾವಧಿಯನ್ನು ಹೊಂದಿರುವ ಯಾವುದೇ ಸಾಲಗಳು ಸೇರಿವೆ. ಗ್ರಾಹಕರ ಬಳಕೆಯ ಸಾಲದ ಮೊಬೈಲ್‌, ಫ್ರಿಜ್, ಟಿವಿ ಇತ್ಯಾದಿಗಳ ಇಎಂಐಗಳು ಸೇರಿವೆ.
ಹಾಗಾದರೆ ಸಾಲದ ಅವಧಿ ವಿಸ್ತರಣೆ ಆಗುತ್ತಾ ?
ಖಂಡಿತ, ಇದು ಸಾಲ ಮನ್ನಾ ಅಲ್ಲ, ಮರುಪಾವತಿಯ ಅವಧಿಯ ವಿಸ್ತರಣೆ ಮಾಡಿದ ಕಾರಣ ಈಗ ಇರುವ ಸಾಲದ ಅವಧಿ ವಿಸ್ತರಣೆ ಆಗುತ್ತದೆ.
ಮೂರು ತಿಂಗಳ ಬಡ್ಡಿ ಅನ್ವಯ ಆಗುತ್ತದೆಯಾ ?
ಇಲ್ಲ, ಇನ್ನು ಮೂರು ತಿಂಗಳು ಸಾಲದ ಮೇಲಿನ ಬಡ್ಡಿ ವಿಧಿಸುವಂತಿಲ್ಲ.
ಇತರ ಕ್ರಮ :
ಟರ್ಮ್ ಸಾಲಗಳ ಮೇಲಿನ ನಿಷೇಧ ಮತ್ತು ಕಾರ್ಯನಿರತ ಬಂಡವಾಳದ ಮೇಲಿನ ಬಡ್ಡಿ ಪಾವತಿಗಳನ್ನು ಮುಂದೂಡುವುದು ಆಸ್ತಿ ವರ್ಗೀಕರಣ ಡೌನ್‌ ಗ್ರೇಡ್‌ಗೆ ಕಾರಣವಾಗುವುದಿಲ್ಲ ಎಂದು ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಸ್ಪಷ್ಟಪಡಿಸಿದ್ದಾರೆ.
ಕ್ರೆಡಿಟ್ ಕಾರ್ಡ್ ಅನ್ವಯ ಆಗುತ್ತದೆಯಾ ?
ಇಲ್ಲ, ಕ್ರೆಡಿಟ್ ಕಾರ್ಡ್ ಮೇಲಿನ ಸಾಲಕ್ಕೆ ಯಾವುದೇ ರೀತಿಯ ರಿಯಾಯಿತಿ ದೊರಕಿಲ್ಲ .
ಒಟ್ಟಿನಲ್ಲಿ ಬ್ಯಾಂಕ್ ಸುಧಾರಣೆಗೆ ಸುಮಾರು 1 .37 ಲಕ್ಷ ಕೋಟಿಯ ಯಷ್ಟು ಭಾರಿ ಪ್ರಮಾಣದ ಹಣವನ್ನು ಬ್ಯಾಂಕ್ ಗಳಿಗೆ ಆರ್ ಬಿ ಐ ರೆಪೊ ದರವನ್ನು ಕಡಿತಗೊಳಿಸಿ ಹಣಕಾಸಿನ ವ್ಯವಸ್ಥೆ ಕಲ್ಪಿಸಿದೆ .
ವಿತ್ತ ಸಚಿವ ನಿರ್ಮಲಾ ಸೀತಾರಾಮನ್ ಅವರು 1.7 ಲಕ್ಷ ಕೋಟಿ ರೂ.ಗಳ ಪರಿಹಾರ ಪ್ಯಾಕೇಜ್ ಘೋಷಿಸಿದ ಒಂದು ದಿನದ ನಂತರ ಆರ್.ಬಿ.ಐ ದರ ಕಡಿತಗೊಳಿಸಿದೆ ಮತ್ತು ಹಲವಾರು ಕ್ರಮಗಳನ್ನು ಕೈಗೊಂಡಿದೆ.
ಕೊರೊನಾವೈರಸ್ (ಸಿಒವಿಐಡಿ -19) ಸಾಂಕ್ರಾಮಿಕ ರೋಗದಿಂದ ದೇಶದ ಆರ್ಥಿಕತೆಯು ಜರ್ಜರಿತವಾಗಿದೆ ಮತ್ತು ಪ್ರಪಂಚದಾದ್ಯಂತದ ಸರ್ಕಾರಗಳು ಇದರ ಪರಿಣಾಮವನ್ನು ಎದುರಿಸಲು ಕ್ರಮಗಳನ್ನು ಕೈಗೊಳ್ಳುತ್ತಿವೆ.
