ಅಸ್ಸಾಂ: ಎರಡು ಜೈಲುಗಳ 85 ಕೈದಿಗಳಿಗೆ HIV ಪಾಸಿಟಿವ್
ಮಧ್ಯ ಅಸ್ಸಾಂನ ನಾಗಾಂವ್ ಜಿಲ್ಲೆಯ ಎರಡು ಜೈಲುಗಳಲ್ಲಿ ಸುಮಾರು 85 ಜನರಿಗೆ HIV ಪಾಸಿಟಿವ್ ಇರುವುದು ದೃಢವಾಗಿದೆ. ಈ ಪ್ರಕರಣಗಳು ಕೇಂದ್ರೀಯ ಕಾರಾಗೃಹ ಮತ್ತು ವಿಶೇಷ ಜೈಲುಗಳಿಂದ ವರದಿಯಾಗಿದ್ದು, ಎರಡೂ ಕಾರಾಗೃಹಗಳು ಜಿಲ್ಲಾ ಕೇಂದ್ರ ನಾಗಾನ್ ನಲ್ಲಿ, ಗುವಾಹಟಿಯಿಂದ ಪೂರ್ವಕ್ಕೆ 125 ಕಿಮೀ ದೂರದಲ್ಲಿದೆ. ಆರೋಗ್ಯ ಸೇವೆಗಳ ಜಿಲ್ಲಾ ಜಂಟಿ ನಿರ್ದೇಶಕರಾದ ಅತುಲ್ ಪಾಟರ್ ಅವರು, ಹೆಚ್ಚಿನ ಕೈದಿಗಳನ್ನು ಕಂಬಿ ಹಿಂದೆ ಹಾಕುವ ಮೊದಲೇ ಅವರ ಮೇಲೆ ವೈರಸ್ ದಾಳಿ ನಡೆಸಿದೆ. ಅವರಲ್ಲಿರುವ ರೋಗವನ್ನು ಕೆಲವು ದಿನಗಳ ಹಿಂದೆ ಪತ್ತೆ ಮಾಡಲಾಯಿತು ಎಂದು ತಿಳಿಸಿದ್ದಾರೆ.
ರಷ್ಯಾದ ವಿಮಾನ ಪತನ : ಅಪಘಾತದಲ್ಲಿ 19 ಸಾವು
ಇನ್ನೂ ಈ ಪೈಕಿ ಬಹುತೇಕ ಕೈದಿಗಳು ನಾರ್ಕೋಟಿಕ್ ಡ್ರಗ್ಸ್ ಮತ್ತು ಸೈಕೋಟ್ರೋಪಿಕ್ ಸಬ್ಸ್ಟೆನ್ಸ್ ಆಕ್ಟ್, 1985 ರ ಅಡಿಯಲ್ಲಿ ಬಂಧನಕ್ಕೆ ಒಳಗಾಗಿದ್ದವರು ಎನ್ನಲಾಗಿದೆ. ನಾಗಾಂವ್ ಅಸ್ಸಾಂನ ಮಾದಕ ವ್ಯಸನದ ಅತ್ಯಂತ ಪರಿಣಾಮ ಬೀರುವ ಜಿಲ್ಲೆಗಳಲ್ಲಿ ಒಂದಾಗಿದೆ. ರೋಗಿಗಳು ಹೆಚ್ಚಾಗಿ ಇಂಟ್ರಾವೆನಸ್ ಡ್ರಗ್ ಬಳಕೆದಾರರು (ಸ್ವಯಂ ಇಂಜೆಕ್ಷನ್ ಮಾಡುವ ಜನರು) ಎಂದು ಹೇಳಲಾಗಿದೆ. ಸೆಂಟ್ರಲ್ ಜೈಲಿನಲ್ಲಿ 40 ಪ್ರಕರಣಗಳು ಪತ್ತೆಯಾಗಿವೆ ಎಂದು ಜೈಲರ್ ಪ್ರಬಿನ್ ಹಜಾರಿಕಾ ಹೇಳಿದ್ದಾರೆ.
ಮಾದಕ ದ್ರವ್ಯಗಳು ಮತ್ತು ಕಾನೂನುಬಾಹಿರ ಲೈಂಗಿಕ ಸಂಬಂಧಗಳು ಸೋಂಕಿಗೆ ಕಾರಣವಾಗುತ್ತಿವೆ ಎಂದು ನಾಗಾಂವ್ ಪೊಲೀಸ್ ವರಿಷ್ಠಾಧಿಕಾರಿ ಆನಂದ್ ಮಿಶ್ರಾ ಹೇಳಿದ್ದಾರೆ. ಅವರು ಉದ್ಯೋಗಗಳನ್ನು ಹುಡುಕುತ್ತಾ ವಿವಿಧ ಸ್ಥಳಗಳಿಗೆ ಹೋಗುತ್ತಾರೆ ಮತ್ತು ಕಾನೂನುಬಾಹಿರ ಲೈಂಗಿಕ ಚಟುವಟಿಕೆಗಳಲ್ಲಿ ಮತ್ತು ಬಹು ಜನರೊಂದಿಗೆ ಲೈಂಗಿಕ ಕ್ರಿಯೆ ನಡೆಸುತ್ತಾರೆ. ಇತ್ತೀಚೆಗೆ ಹಣವನ್ನು ತೆಗೆದುಕೊಂಡ ನಂತರ ಕೈದಿಗಳಿಗೆ ಮಾದಕ ದ್ರವ್ಯಗಳನ್ನು ಪೂರೈಸಿದ್ದಕ್ಕಾಗಿ ಒಬ್ಬ ಔಷಧಿಕಾರನನ್ನು ಪೊಲೀಸರು ಬಂಧಿಸಿದ್ದರು ಎಂದು ಮಿಶ್ರಾ ಅವರು ಇದೇ ವೇಳೆ ತಿಳಿಸಿದರು.
