ಪ್ರಮುಖ ಇಂಟರೆಸ್ಟಿಂಗ್ ಸುದ್ದಿಗಳು…! ಪ್ರಪಂಚದ ಸುತ್ತ..!
ಪೂರ್ಣ ಸುದ್ದಿಗಳಿಗಾಗಿ ಲಿಂಕ್ ಗಳನ್ನ ಕ್ಲಿಕ್ ಮಾಡಿ..!
ಮಾಸ್ತಿಫ್ ಬಲಿಷ್ಠ ಶ್ವಾನ ತಳಿಗಳು : ಈ ಶ್ವಾನಗಳ ಬಗ್ಗೆ ನಿಮಗೆಷ್ಟು ಗೊತ್ತು?
Mastiff ಎಂದರೆ ಇಂಗ್ಲೀಷಿನಲ್ಲಿ ಬಲಿಷ್ಠ ದವಡೆ ಉಳ್ಳ, ಹೆಚ್ಚು ತೂಕವುಳ್ಳ, ಇಳಿಬಿದ್ದ ಕಿವಿಗಳುಳ್ಳ ಬಲಿಷ್ಠ ನಾಯಿ ಜಾತಿ ಎಂದರ್ಥ. ಇಂದು ವಿಶ್ವದಾದ್ಯಂತ ಅನೇಕಾರು ಮಾಸ್ಟಿಫ್ ತಳಿಗಳಿವೆ. ಅವುಗಳಲ್ಲೆಲ್ಲ ಹೆಚ್ಚು ದೊಡ್ಡ ಜಾತಿ ಎಂದರೆ ಅದು ಇಂಗ್ಲೆಂಡ್ ಮೂಲದ ಇಂಗ್ಲೀಷ್ ಮ್ಯಾಸ್ತಿಫ್ ! ಇದು 30 ಇಂಚಿನವರೆಗು ಬೆಳೆದು 200 ಪೌಂಡ್ ಗಳವರೆಗು ತೂಗಬಲ್ಲುದು. ಇದನ್ನ ಬುಲ್ ಡಾಗ್ ಎಂದೂ ಕರೆಯುತ್ತಾರೆ. ಕೆಲವು ಜಾತಿಯ ಪಿಟ್ ಬುಲ್ ಗಳೂ ಸಹ ಇದರ ಅಡಿ ಬರುತ್ತವೆ.
ಎರಡನೆಯದ್ದು ಸೌತ್ ಆಫ್ರಿಕನ್ ಮ್ಯಾಸ್ತಿಫ್ ! ಇದರ ಮೂಲ ದಕ್ಷಿಣ ಆಫ್ರಿಕಾ. ದಕ್ಷಿಣ ಆಫ್ರಿಕಾ ಖಂಡದ ಈ ತಳಿಯೂ ಸಹ ಅತ್ಯಂತ ಕಷ್ಟಸಹಿಷ್ಣು ಆಗಿದ್ದು ಕೆಲವೊಮ್ಮೆ ಇಂಗ್ಲೀಷ್ ಮ್ಯಾಸ್ತಿಫ್ ಗಿಂತಲು ಹೆಚ್ಚು ರೋಷದ ನಾಯಿಯಾಗಬಲ್ಲುದು. ಮೂರನೆಯದ್ದು ಔಚಾರ್ಕಾ ಕಕೇಶಿಯನ್ ಮೌಟೇನ್ ಡಾಗ್. ಇದನ್ನ ಕಕೇಶಿಯನ್ ಮ್ಯಾಸ್ತಿಫ್ ಎಂದೂ ಸಹ ಕರೆಯುತ್ತಾರೆ. ಇದರ ಮೂಲ ರಷ್ಯಾ ದೇಶ. ಹಾಗೂ ಕಕೇಶಿಯನ್ ಪ್ರಾಂತ್ಯದ ಅಡಿ ಬರುವ ಜಾರ್ಜಿಯಾ, ಅಜರ್ಬೈಜಾನ್, ಅರ್ಮೇನಿಯಾ, ಡಜೆಸ್ತಾನ್ ಮುಂತಾದೆಡೆಯೂ ಸಹ ಇವು ಕಂಡು ಬರುತ್ತವೆ.
ಇವು ಜೂಲು ಕೂದಲಿನ ಬಲಿಷ್ಠ ದವಡೆಯ ನಾಯಿಗಳು. ಒಂದು ಥಿಯರಿಯ ಪ್ರಕಾರ ಇವು ಸಿಂಹವನ್ನೂ ಸಹ ಮಣಿಸುತ್ತವೆ. ಸಂದರ್ಭ ಒದಗಿದರೆ ಸಿಂಹದಂತಹ ಮೃಗವನ್ನೂ ಸಹ ದಾಳಿ ಮಾಡಿ ಕೊಲ್ಲಬಲ್ಲವು. ಮ್ಯಾಸ್ತಿಫ್ ಎಂಬ ಪದ ಲ್ಯಾಟಿನ್ ಹಾಗೂ ರೋಮನ್ ಭಾಷೆಗಳಿಂದ ಬಂದಿದೆ. ವಿಶ್ವದಲ್ಲಿ ಹತ್ತಾರು ಬಗೆಯ ಮ್ಯಾಸ್ತಿಫ್ ಗಳಿವೆ. ಬ್ರೆಜಿಲಿಯನ್, ಫ್ರೆಂಚ್, ಅಮೇರಿಕನ್, ಜರ್ಮನ್, ಸ್ಪ್ಯಾನಿಷ್, ಆಫ್ರಿಕನ್ ಹೀಗೆ. ಜರ್ಮನ್ ಹಾಗೂ ಅಮೇರಿಕನ್ ಮೂಲದ ರಾಟ್ವೈಲರ್ ಸಹ ಪ್ರಾಚೀನ ಮ್ಯಾಸ್ತಿಫ್ ತಳಿಗಳಲ್ಲೊಂದು.
ಅಮೇರಿಕನ್ ಯಾತ್ರೆ; ವಿಶ್ವವಿಖ್ಯಾತ ನಯಾಗರಾ ಜಲಪಾತದ ಕುರಿತು ನಿಮಗೆ ತಿಳಿದಿರದ ಕೆಲವು ಕೌತುಕದ ಸಂಗತಿಗಳು:
ನಯಾಗರಾ ಜಲಪಾತವು ಎಷ್ಟು ಸುಂದರವೋ ಅಷ್ಟೇ ಆಸಕ್ತಿಕರ ಅಂಶಗಳನ್ನ ಹೊಂದಿದೆ. ಕುದುರೆಲಾಳದ ಜಲಪಾತದಲ್ಲಿ ನಯಾಗರ ೯೦% ನೀರು ಸುರಿದರೆ ಉಳಿದ ೧೦% ನೀರು ಅಮೆರಿಕಾದ ಜಲಪಾತ ಮತ್ತು ಮದುವಣಗಿತ್ತಿಯಮುಸುಕಿನ ಜಲಪಾತಗಳಲ್ಲಿ ಸುರಿಯುತ್ತದೆ. ಹಾಗೇ ಈ ಕುದುರೆಲಾಳದ ಜಲಪಾತ ೯೦ ಪ್ರತಿಶತಃ ಕೆನಡಾದಲ್ಲಿದ್ದರೆ ೧೦ ಪ್ರತಿಶತಃ ಅಮೆರಿಕಾದಲ್ಲಿದೆ.
ಅಮೆರಿಕಾದ ಜಲಪಾತದ ಮೂಲೆಯಲ್ಲೆಲ್ಲೋ ಕಂಡೂ ಕಾಣದಂತಿರುವುದು ಮದುವಣಗಿತ್ತಿಯ ಮುಸುಕಿನ ಜಲಪಾತ. ಕ್ರೈಸ್ತ ಸಂಪ್ರದಾಯದಲ್ಲಿ ಮದುಮಗಳು ಧರಿಸುವ ತೆಳುವಾದ ಬಿಳಿ ಮುಸುಕಿನಂತೆ ಯಾರಿಗೋ ಕಂಡಿರಬೇಕು ಅದಕ್ಕೇ ಈ ಹೆಸರು. ಉಳಿದೆರಡು ದೈತ್ಯರ ಮುಂದೆ ಇದು ಪ್ರಪಂಚದ ಪಾಲಿಗೆ ಬಹುಪಾಲು ಅಜ್ಞಾತವಾಗಿಯೇ ಇದೆ.
ಅಮೆರಿಕಾ ಈ ಜಲಪಾತದ ಸುತ್ತ ಕೈಗಾರಿಕಾ ಅವಕಾಶಗಳನ್ನ ಹುಡುಕ ಹೊರಟರೆ ಕೆನಡಾ ಪ್ರವಾಸೋದ್ಯಮದತ್ತ ಗಮನ ಹರಿಸಿತು. ಅಮೆರಿಕಾದ ಪರಿಸರ ಹೋರಾಟಗಾರರಿಗೆ ಇಲ್ಲಿನ ಉದ್ಯಮ ಲಾಬಿಯ ಎದುರು ಹೋರಾಡಿ ಗೆಲ್ಲಲು ಬಹಳ ಸಮಯ ಬೇಕಾಯಿತು.ಈಗಲೂ ಅಮೆರಿಕಾ ಭಾಗದ ಬಹುಪಾಲು ನೀರು ಜಲವಿದ್ಯುತ್ ಸ್ಥಾವರಕ್ಕೆ ಹರಿವುದರಿಂದ ಜಲಪಾತಕ್ಕೆ ಪ್ರವಹಿಸುವ ನೀರಿನ ಅಗಾಧತೆ ಕಮ್ಮಿಯೇ. ಹಾಗೇ ಕೈಗಾರಿಕೆಗಳಿಂದಾದ ಹಾನಿಯಿಂದ ನಯಾಗರಾ ಪೂರ್ಣ ಚೇತರಿಸಿಕೊಂಡಿಲ್ಲ ಅನ್ನುವುದು ಕೂಡಾ ಸತ್ಯ.
ಪೂರ್ಣ ಸುದ್ದಿಗಳಿಗಾಗಿ ಲಿಂಕ್ ಗಳನ್ನ ಕ್ಲಿಕ್ ಮಾಡಿ..!
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
