‘ಐಐಟಿ ಬಾಬಾ’ ಎಂದೇ ಖ್ಯಾತಿ ಪಡೆದ ಮಾಜಿ ಏರೋಸ್ಪೇಸ್ ಇಂಜಿನಿಯರ್ ಅಭಯ್ ಗ್ರೆವಾಲ್ ತಮ್ಮ ವೈಯಕ್ತಿಕ ಜೀವನದ ಕುರಿತು ಮಹತ್ವದ ಮಾಹಿತಿ ಹಂಚಿಕೊಂಡಿದ್ದಾರೆ.
ನಿನ್ನೆ ಹರಿಯಾಣದಲ್ಲಿರುವ ತಮ್ಮ ನಿವಾಸಕ್ಕೆ ಭೇಟಿ ನೀಡಿದ ಅವರು, ಕರ್ನಾಟಕದ ಇಂಜಿನಿಯರ್ ಪದವೀಧರೆ ಪ್ರೀತಿಕಾ ಜೊತೆ ಆಗಮಿಸಿದ್ದರು. ಇದೇ ವೇಳೆ, ಇಬ್ಬರೂ ತಮ್ಮ ವಿವಾಹದ ವಿಷಯವನ್ನು ಬಹಿರಂಗಪಡಿಸಿದರು.
ಇವರು ಹಿಮಾಚಲ ಪ್ರದೇಶದ ಅಘಂಜರ್ ಮಹಾದೇವ್ ದೇವಸ್ಥಾನದಲ್ಲಿ ಸಾಂಪ್ರದಾಯಿಕವಾಗಿ ವಿವಾಹವಾಗಿರುವುದಾಗಿ ತಿಳಿಸಿದ್ದಾರೆ. ಈ ವಿವಾಹವು ಖಾಸಗಿ ರೀತಿಯಲ್ಲಿ ನಡೆದಿದ್ದು, ಈಗ ಮಾತ್ರ ಸಾರ್ವಜನಿಕವಾಗಿ ತಿಳಿದುಬಂದಿದೆ.
ಇನ್ನೂ ಮಾತನಾಡಿದ ಪ್ರೀತಿಕಾ, ತಮ್ಮ ಪತಿ ಸನಾತನ ವಿಶ್ವವಿದ್ಯಾಲಯವನ್ನು ಸ್ಥಾಪಿಸುವ ಗುರಿಯೊಂದಿಗೆ ಕೆಲಸ ಮಾಡುತ್ತಿದ್ದಾರೆ ಎಂದು ಹೇಳಿದ್ದಾರೆ. ಈ ಹೇಳಿಕೆ ಸಾಮಾಜಿಕ ಮಾಧ್ಯಮಗಳಲ್ಲಿ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ.
‘ಐಐಟಿ ಬಾಬಾ’ ಜೀವನಶೈಲಿ ಹಾಗೂ ಅವರ ನಿರ್ಧಾರಗಳು ಈಗಾಗಲೇ ಜನರ ಗಮನ ಸೆಳೆದಿದ್ದು, ಇದೀಗ ಅವರ ವಿವಾಹ ಸುದ್ದಿಯೂ ಹೆಚ್ಚಿನ ಕುತೂಹಲ ಮೂಡಿಸಿದೆ.








