Ind Vs WI T20I : ಟೀಂ ಇಂಡಿಯಾಗೆ ಗುಡ್ ನ್ಯೂಸ್..!!
ವೆಸ್ಟ್ ಇಂಡೀಸ್ ವಿರುದ್ಧದ ಟಿ 20 ಸರಣಿಗೆ ಆಯ್ಕೆಯಾದ ಟೀಂ ಇಂಡಿಯಾದ ಸ್ಪಿನ್ನರ್ ಕುಲ್ ದೀಪ್ ಯಾದವ್ ತಮ್ಮ ಫಿಟ್ ನೆಸ್ ಅನ್ನು ನಿರೂಪಿಸಿಕೊಂಡಿದ್ದಾರೆ.
ಇದರೊಂದಿಗೆ ಅವರು ಕೆರಿಬಿಯನ್ ನಾಡಿಗೆ ಪ್ರಯಾಣಿಸಿದ್ದಾರೆ. ಈ ವಿಷಯವನ್ನು ಕುಲ್ ದೀಪ್ ಯಾದವ್, ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಶೀಘ್ರದಲ್ಲಿಯೇ ಕೆರಿಬಿಯನ್ ನಾಡಿನಲ್ಲಿ ಸಿಗೋಣ, ನನ್ನ ಸಹ ಆಟಗಾರರನ್ನು ಸೇರಲು ಉತ್ಸುಕನಾಗಿದ್ದೇನೆ ಎಂದು ಇನ್ ಸ್ಟಾದಲ್ಲಿ ಬರೆದುಕೊಂಡಿದ್ದಾರೆ.
ಇನ್ನು ಸ್ವದೇಶದಲ್ಲಿ ನಡೆದ ದಕ್ಷಿಣ ಆಫ್ರಿಕಾ ಸಿರೀಸ್ ಗೂ ಮುನ್ನಾ ಕುಲ್ ದೀಪ್ ಯಾದವ್ ಗಾಯಗೊಂಡರು.
ಇದರೊಂದಿಗೆ ದಕ್ಷಿಣ ಆಫ್ರಿಕಾ ಸರಣಿ, ಇಂಗ್ಲೆಂಡ್ ಪ್ರವಾಸಕ್ಕೆ ಅವರು ದೂರವಾಗಿದ್ದರು.
ಆ ನಂತರ ಬೆಂಗಳೂರಿನ ನ್ಯಾಷನಲ್ ಕ್ರಿಕೆಟ್ ಅಕಾಡಮಿಗೆ ಸೇರಿಕೊಂಡ ಕುಲ್ ದೀಪ್, ಇದೀಗ ಫುಲ್ ಫಿಟ್ ಆಗಿದ್ದರು.
ಈ ಹಿನ್ನೆಲೆ ಅವರನ್ನ ವಿಂಡೀಸ್ ವಿರುದ್ದಧ ಟಿ 20 ಸರಣಿಗೆ ಆಯ್ಕೆ ಮಾಡಲಾಗಿತ್ತು.
ಆದ್ರೆ ಅವರು ಟಿ 20 ಸರಣಿಗೂ ಮುನ್ನವೇ ಫಿಟ್ ನೆಸ್ ಪರೀಕ್ಷೆ ಎದುರಿಸಬೇಕು ಎಂದು ಸೆಲೆಕ್ಷನ್ ಕಮಿಟಿ ಹೇಳಿತ್ತು.
ಸದ್ಯ ಕುಲ್ ದೀಪ್ ಯಾದವ್ ಸಂಪೂರ್ಣವಾಗಿ ಫಿಟ್ ಆಗಿದ್ದಾರೆ ಎಂದು ಬಿಸಿಸಿಐ ಅಧಿಕಾರಿ ತಿಳಿಸಿದ್ದಾರೆ.
ಭಾನುವಾರ ಕುಲ್ ದೀಪ್ ಯಾದವ್ ಫಿಟ್ ನೆಸ್ ಪರೀಕ್ಷೆ ಎದುರಿಸಿದ್ದು, ಅದರಲ್ಲಿ ಅವರು ಫುಲ್ ಫಿಟ್ ಆಗಿದ್ದಾರೆ ಎಂದು ತಿಳಿಸಿದ್ದಾರೆ.
ಸದ್ಯ ನಡೆಯುತ್ತಿರುವ ಟಿ 20 ಸರಣಿ ಬಳಿಕ ವೆಸ್ಟ್ ಇಂಡೀಸ್ ವಿರುದ್ಧ ಟಿ 20 ಸರಣಿ ಆರಂಭವಾಗಲಿದೆ.
