India Vs Ireland : ಹೊಸಬರಿಗೆ ಅವಕಾಶ ಸಿಗುತ್ತಾ..?
ಐರ್ಲೆಂಡ್ ವಿರುದ್ಧದ ಎರಡು ಟಿ 20 ಪಂದ್ಯಗಳ ಸರಣಿಯ ಭಾಗವಾಗಿ ಇಂದು ಮೊದಲ ಮ್ಯಾಚ್ ನಡೆಯಲಿದೆ.
ದಕ್ಷಿಣ ಆಫ್ರಿಕಾ ವಿರುದ್ಧ ತವರಿನಲ್ಲಿ ನಡೆದ ಸರಣಿಯಲ್ಲಿ ಆಡಿದ ತಂಡವೇ ಇಂದು ಕಣಕ್ಕಿಳಿಯುವ ಸಾಧ್ಯತೆಗಳಿವೆ.
ಆಲ್ ರೌಂಡರ್ ಹಾರ್ದಿಕ್ ಪಾಂಡ್ಯ ಇದೇ ಮೊದಲ ಬಾರಿಗೆ ಟೀಂ ಇಂಡಿಯಾವನ್ನು ಮುನ್ನಡೆಸುತ್ತಿದ್ದಾರೆ.
ರಾಹುಲ್ ದ್ರಾವಿಡ್ ಪ್ರಧಾನ ತಂಡದ ಜೊತೆ ಇರುವುದರಿಂದ ವಿವಿಎಸ್ ಲಕ್ಷ್ಮಣ್ ಈ ಸಿರೀಸ್ ಗೆ ತಾತ್ಕಾಲಿಕ ಕೋಚ್ ಆಗಿದ್ದಾರೆ.
ಬಲಾಬಲ, ರಿಕಾರ್ಡ್ಗಳನ್ನು ನೋಡಿದ್ರೆ ಐರ್ಲೆಂಡ್ ಮೇಲೆ ಟೀಂ ಇಂಡಿಯಾ ಸ್ಪಷ್ಟವಾಗಿ ಮೇಲುಗೈ ಸಾಧಿಸಿದೆ.
ಸ್ಯಾಮ್ಸನ್ ಗೆ ಅವಕಾಶ..?
ದಕ್ಷಿಣ ಆಫ್ರಿಕಾ ನಡೆದ ಸರಣಿಯಲ್ಲಿ ಮೊದಲ ಪಂದ್ಯದಿಂದ ಹಿಡಿದು ಕೊನೆಯ ಪಂದ್ಯದವರಗೂ ಟೀಂ ಇಂಡಿಯಾದಲ್ಲಿ ಯಾವುದೇ ಬದಲಾವಣೆಗಳು ಇಲ್ಲದೇ ಅದೇ 11 ಮಂದಿಗೆ ಅವಕಾಶ ನೀಡಲಾಗಿತ್ತು.
ಆದ್ರೆ ಈ ಬಾರಿ ಟೀಂ ಇಂಡಿಯಾ ಮ್ಯಾನೇಜ್ ಮೆಂಟ್ ಹೊಸ ಪ್ರಯತ್ನಗಳನ್ನು ಮಾಡಬಹುದು.
ವೇಗಿಗಳಾದ ಅರ್ಷ್ ದೀಪ್, ಉಮ್ರಾನ್ ಮಲಿಕ್ ಅಂತರಾಷ್ಟ್ರೀಯ ಕ್ರಿಕೆಟ್ ಗೆ ಪದಾರ್ಪಣೆ ಮಾಡುವ ಸಾಧ್ಯತೆಗಳಿವೆ.
ಬ್ಯಾಟಿಂಗ್ ವಿಭಾಗದಲ್ಲಿ ಪಂತ್, ಶ್ರೇಯಸ್ ಸ್ಥಾನ ಖಾಲಿ ಇದ್ದು, ರಾಹುಲ್ ತ್ರಿಪಾಠಿ ಟಿ 20 ಕ್ಯಾಪ್ ಪಡೆಯುವ ಸಾಧ್ಯತೆಗಳಿವೆ.
ಸ್ಯಾಮ್ ಸನ್ ಗೆ ಮತ್ತೊಂದು ಚಾನ್ಸ್ ಸಿಗುವ ಸಾಧ್ಯತೆಗಳಿವೆ.
ಚುಟುಕು ಕ್ರಿಕೆಟ್ ನಲ್ಲಿ ಟೀಂ ಇಂಡಿಯಾ – ಐರ್ಲೆಂಡ್ ಹೆಡ್ ಟು ಹೆಡ್ ರಿಕಾರ್ಡ್ ನೋಡೋದಾದ್ರೆ ಈ ಎರಡು ತಂಡಗಳು ಮೂರು ಬಾರಿ ಮುಖಾಮುಖಾಗಿದ್ದು,ಮೂರು ಬಾರಿ ಟೀಂ ಇಂಡಿಯಾ ಗೆಲುವು ಸಾಧಿಸಿದೆ.
ಉಭಯ ತಂಡಗಳು ಮೊದಲು ಐಸಿಸಿ ಟಿ 20 ವಿಶ್ವಕಪ್ 2009ರಲ್ಲಿ ಮುಖಾಮುಖಿಯಾಗಿದ್ದವು. ಆಗ ಟೀಂ ಇಂಡಿಯಾ ಎಂಟು ವಿಕೆಟ್ ಗಳಿಂದ ಜಯ ಸಾಧಿಸಿತ್ತು.
18 ಓವರ್ ಗಳಿಗೆ ಸೀಮಿತ ಆಗಿದ್ದ ಅಂದಿನ ಪಂದ್ಯದಲ್ಲಿ ಮೊದಲ ಬ್ಯಾಟಿಂಗ್ ಮಾಡಿದ ಐರ್ಲೆಂಡ್ ಎಂಟು ವಿಕಟ್ ಗಳ ನಷ್ಟಕ್ಕೆ 112 ರನ್ ಗಳಿಸಿತ್ತು.
ಈ ಗುರಿ ಬೆನ್ನಟ್ಟಿದ ಟೀಂ ಇಂಡಿಯಾ 15 ಎಸೆತಗಳು ಬಾಕಿ ಇರುವಂತೆ ಜಯ ಸಾಧಿಸಿತ್ತು.
ಈ ಪಂದ್ಯದಲ್ಲಿ ಜಹೀರ್ ಖಾನ್ ಮ್ಯಾಚ್ ಆಫ್ ದಿ ಮ್ಯಾಚ್ ಆದ್ರೆ, ರೋಹಿತ್ ಶರ್ಮಾ 52 ರನ್ ಗಳಿಸಿದ್ದತು.
ಇನ್ನು ಎರಡು ತಂಡಗಳ ನಡುವೆ ಕೊನೆಯದಾಗಿ 2018 ರಲ್ಲಿ ಡಬ್ಲಿನ್ ವೇದಿಕೆಯಾಗಿ ಪಂದ್ಯ ನಡೆದಿತ್ತು. ಆಗಲೂ ಟೀಂ ಇಂಡಿಯಾ ಗೆಲುವು ಸಾಧಿಸಿತ್ತು.