ಐಪಿಎಲ್ 2021 – ಗೆಲುವಿನ ಕನಸಿನಲ್ಲಿ ಕೆಕೆಆರ್.. ಅಗ್ರ ಸ್ಥಾನಕ್ಕೇರಲು ಡೆಲ್ಲಿ ಕ್ಯಾಪಿಟಲ್ಸ್ ತವಕ..!
ಡೆಲ್ಲಿ ಕ್ಯಾಪಿಟಲ್ಸ್ ಈಗಾಗಲೇ ಪ್ಲೇ-ಆಫ್ ಪ್ರವೇಶಿಸಿದೆ. ಇನ್ನೊಂದು ಮ್ಯಾಚ್ ಗೆದ್ದರೆ ಮೊದಲೆರಡು ಸ್ಥಾನದಲ್ಲಿ ಒಂದು ಸ್ಥಾನ ಖಚಿತ.
ಮತ್ತೊಂದು ಕಡೆಯಲ್ಲಿ ಕೊಲ್ಕತ್ತಾ ನೈಟ್ ರೈಡರ್ಸ್. ಪ್ಲೇ-ಆಫ್ ಆಸೆ ಜೀವಂತ ಆಗಿರಬೇಕು ಅಂದರೆ ಈ ಪಂದ್ಯವನ್ನು ಗೆಲ್ಲಲೇಬೇಕು.
ಡೆಲ್ಲಿ ಕ್ವಾಲಿಫೈಯರ್ ಆಡುವ ಕಡೆ ಗಮನ ಕೊಟ್ಟಿದ್ದರೆ, ಕೊಲ್ಕತ್ತಾ ಕನಿಷ್ಠ ಪ್ಲೇ-ಆಫ್ ಅರ್ಹತೆ ಕಡೆ ದೃಷ್ಟ ನೆಟ್ಟಿದೆ.
ಕೊಲ್ಕತ್ತಾ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಮುಂಬೈ ಇಂಡಿಯನ್ಸ್ ವಿರುದ್ಧ ಸುಲಭವಾಗಿ ಚೇಸ್ ಮಾಡಿತ್ತು.
ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಪಂದ್ಯವನ್ನು ಕೆಕೆಆರ್ ಕೊನೆಯ ಎಸೆತದಲ್ಲಿ ಕಂಡುಕೊಂಡಿತ್ತು. ಹೀಗಾಗಿ ಕೆಕೆಆರ್ಗೆ ಗೆಲುವು ಅನಿವಾರ್ಯವಾಗಿದೆ.
ಉಳಿದ 4 ಪಂದ್ಯಗಳಲ್ಲಿ ಕನಿಷ್ಠ 3 ಪಂದ್ಯ ಗೆದ್ದರೆ ಪ್ಲೇ-ಆಫ್ ಕನಸು ನನಸಾಗಬಹುದು.
ಕೆಕೆಆರ್ ತಂಡದಲ್ಲಿಎಲ್ಲವೂ ಬಹುತೇಕ ಸರಿಯಾಗಿದೆ. ಇಯಾನ್ ಮೊರ್ಗಾನ್ ಬ್ಯಾಟಿಂಗ್ ಫಾರ್ಮ್ ಮತ್ತು ಆಲ್ರೌಂಡರ್ ಆಂಡ್ರೆ ರಸೆಲ್ ಫಿಟ್ನೆಸ್ ಕೊಂಚ ಚಿಂತೆಗೆ ಕಾಣವಾಗಿದೆ.
ಉಳಿದಂತೆ ವೆಂಕಟೇಶ್ ಅಯ್ಯರ್ರಿಂದ ಹಿಡಿದು ದಿನೇಶ್ ಕಾರ್ತಿಕ್ ತನಕ ಬ್ಯಾಟಿಂಗ್ ಸೊಗಸಾಗಿದೆ. ಸುನೀಲ್ ನರೈನ್ರಿಂದ ಹಿಡಿದು ವರುಣ್ ಚಕ್ರವರ್ತಿ, ಪ್ರಸಿಧ್ ಕೃಷ್ಣ ತನಕ ಬೌಲಿಂಗ್ ಕೂಡ ತಂಡಕ್ಕೆ ನೆಮ್ಮದಿ ಕೊಟ್ಟಿದೆ.
ಡೆಲ್ಲಿ ಕ್ಯಾಪಿಟಲ್ಸ್ ಹೆಚ್ಚು ಚಿಂತೆ ಮಾಡುತ್ತಿಲ್ಲ. ಬ್ಯಾಟಿಂಗ್ ಸೂಪರ್ ಅನ್ನುವ ಹಾಗಿದ್ದರೆ, ಬೌಲಿಂಗ್ ಅದ್ಭುತ ಅನ್ನುವ ಮಟ್ಟಿಗೆ ಇದೆ.
ಕಳೆದ ಪಂದ್ಯದಲ್ಲಿ ಮೂರೇ ಮೂರು ವಿದೇಶಿ ಆಟಗಾರರನ್ನು ಆಡಿಸಿದ್ದ ಡೆಲ್ಲಿ ಕೆಕೆಆರ್ ವಿರುದ್ಧದ ಪಂದ್ಯದಲ್ಲಿ ಏನು ಮಾಡುತ್ತೆ ಅನ್ನುವುದು ಕೂಡ ಕುತೂಹಲಕ್ಕೆ ಕಾರಣವಾಗಿದೆ.
ಶಾರ್ಜಾದಲ್ಲಿ ಮ್ಯಾಚ್ ನಡೆಯುತ್ತಿರುವುದರಿಂದ ಸ್ಪಿನ್ನರ್ಗಳಗೆ ಹೆಚ್ಚು ಕೆಲಸವಿದೆ. ಪಿಚ್ ಸ್ಪೋ ಆಗಿರುವ ಕಾರಣದಿಂದಾಗಿ ರನ್ ಹೊಳೆ ಹರಿಯುವುದು ಕೂಡ ಕಷ್ಟವೇ.
ಸಂಭಾವ್ಯ XI
ಡೆಲ್ಲಿ ಕ್ಯಾಪಿಟಲ್ಸ್:
1. ಪೃಥ್ವಿ ಷಾ, 2. ಶಿಖರ್ ಧವನ್, 3. ಶ್ರೇಯಸ್ ಅಯ್ಯರ್, 4. ರಿಷಭ್ ಪಂತ್, 5. ಲಲಿತ್ ಯಾದವ್, 6. ಶಿಮ್ರನ್ ಹೆಟ್ಮಯರ್, 7. ಅಕ್ಸರ್ ಪಟೇಲ್, 8. ಆರ್.ಅಶ್ವಿನ್, 9. ಕಗಿಸೊ ರಬಾಡಾ, 10. ಅನ್ರಿಚ್ ನೋರ್ಟ್ಜೆ, 11. ಆವೇಶ್ ಖಾನ್
ಕೊಲ್ಕತ್ತಾ ನೈಟ್ ರೈಡರ್ಸ್
1. ಶುಭ್ಮನ್ ಗಿಲ್, 2. ವೆಂಕಟೇಶ್ ಅಯ್ಯರ್, 3. ರಾಹುಲ್ ತ್ರಿಪಾಠಿ, 4. ಶಕಿಬ್ ಅಲ್ ಹಸನ್, 5. ನಿತಿಶ್ ರಾಣಾ, 6. ಇಯನ್ ಮೊರ್ಗಾನ್, 7. ದಿನೇಶ್ ಕಾರ್ತಿಕ್, 8. ಸುನೀಲ್ ನರೈನ್, 9. ಲೊಕಿ ಫರ್ಗ್ಯೂಸನ್, 10. ಪ್ರಸಿಧ್ ಕೃಷ್ಣ, 11. ವರುಣ್ ಚಕ್ರವರ್ತಿ
