ಅಬುಧಾಭಿಯಲ್ಲಿ ಚೆನ್ನೈ- ಕೊಲ್ಕತ್ತಾ ನಡುವೆ ಸೂಪರ್ ಫೈಟ್
ಎರಡೂ ತಂಡಗಳಲ್ಲಿ ಟಿ20ಗೆ ಬೇಕಾಗಿರುವ ಬ್ಯಾಟ್ಸ್ಮನ್ಗಳಿದ್ದಾರೆ. ಸ್ಪೋಟಕ ಆರಂಭ ಒದಗಿಸಬಲ್ಲ ಓಪನರ್ಗಳಿದ್ದಾರೆ. ಮಧ್ಯಮ ಕ್ರಮಾಂಕದಲ್ಲೂ ರನ್ ಮಳೆ ಹರಿಸುವ ತಾಕತ್ತಿರುವ ಆಟಗಾರರಿದ್ದಾರೆ.
ಫಾಸ್ಟ್ ಬೌಲಿಂಗ್, ಸ್ಪಿನ್ ಬೌಲಿಂಗ್ ಎಲ್ಲಾ ವಿಭಾಗದಲ್ಲೂ ಒಂದು ತಂಡಕ್ಕೆ ಮತ್ತೊಂದು ತಂಡ ಫೈಟ್ ನೀಡುವ ಶಕ್ತಿ ಇದೆ. ಆಲ್ರೌಂಡರ್ಗಳಂತೂ ಸೂಪರ್ ಸ್ಟಾರ್.
ಎಲ್ಲಕ್ಕಿಂತ ಮಿಗಿಲಾಗಿ ಎರಡೂ ತಂಡಗಳು ಕೂಡ ಅದ್ಭುತ ಫಾರ್ಮ್ನಲ್ಲಿವೆ. ಐಪಿಎಲ್ 2ನೇ ಆವೃತ್ತಿಯಲ್ಲಿ ಎರಡೂ ತಂಡಗಳು ಕೂಡ ಮುಂಬೈ ಮತ್ತು ಆರ್ಸಿಬಿ ತಂಡಗಳನ್ನು ಸೋಲಿಸಿವೆ.
ಹೀಗಾಗಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಕೊಲ್ಕತ್ತಾ ನೈಟ್ ರೈಡರ್ಸ್ ನಡುವಿನ ಪಂದ್ಯ ಕುತೂಹಲಕ್ಕೆ ಕಾರಣವಾಗಿದೆ.
ಭಾರತದಲ್ಲಿ ನಡೆದ ಐಪಿಎಲ್ ಟೂರ್ನಿಯಲ್ಲಿ ಕೆಕೆಆರ್ ಪ್ರದರ್ಶನ ಕಳೆಗುಂದಿತ್ತು. ಆದರೆ ಯುಎಇನಲ್ಲಿ ಕೊಲ್ಕತ್ತಾದ್ದೇ ಆಟವಾಗಿದೆ. ಎರಡೂ ಪಂದ್ಯಗಳಲ್ಲೂ ಚೇಸ್ ಮಾಡಿ ಗೆದ್ದಿರುವ ಕೆಕೆಆರ್ ರನ್ರೇಟ್ ಕೂಡ ಹೆಚ್ಚಿಸಿಕೊಂಡಿದೆ.
ಹೊಸದಾಗಿ ತಂಡ ಸೇರಿಕೊಂಡಿರುವ ವೆಂಕಟೇಶ್ ಅಯ್ಯರ್ ತನ್ನ ಸ್ಪೋಟಕ ಬ್ಯಾಟಿಂಗ್ನಿಂದ ತಂಡದ ಅದೃಷ್ಟವನ್ನೇ ಬದಲಿಸಿದ್ದಾರೆ. ಎರಡೂ ಪಂದ್ಯಗಳಲ್ಲೂ ಕೊಲ್ಕತ್ತಾ ನೈಟ್ ರೈಡರ್ಸ್ನ ಮಧ್ಯಮ ಕ್ರಮಾಂಕದ ಆಟಗಾರರಿಗೆ ಹೆಚ್ಚಿನ ಅವಕಾಶ ಸಿಕ್ಕಿಲ್ಲ.
ಬೌಲಿಂಗ್ನಲ್ಲೂ ಕೊಲ್ಕತ್ತಾ ಅದ್ಭುತ ಪ್ರದರ್ಶನವನ್ನೇ ನೀಡಿದೆ. ಸ್ಪಿನ್ ಇರಬಹುದು, ವೇಗದ ಬೌಲಿಂಗ್ ಇರಬಹುದು ಸದ್ಯದ ಮಟ್ಟಿಗೆ ಕೆಕೆಆರ್ಗೆ ಹೆಚ್ಚಿನ ತಲೆನೋವು ಕಾಣುತ್ತಿಲ್ಲ.
ಇನ್ನು ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಹೇಗಿರಬೇಕೋ ಹಾಗೇಯೇ ಇದೆ. ಆರಂಭಿಕರಿಂದ ರನ್ಗಳು ಬರುತ್ತಿವೆ. ಮಧ್ಯಮ ಕ್ರಮಾಂಕವೂ ಲಯ ಕಂಡುಕೊಂಡಿದೆ.
ಬದಲಾವಣೆಯ ಅವಶ್ಯಕತೆ ಎಲ್ಲೂ ಕಾಣುತ್ತಿಲ್ಲಿ. ಬೌಲಿಂಗ್ ವಿಭಾಗದಲ್ಲೂ ಅಷ್ಟೇ ಕಂಡೀಷನ್ಗೆ ತಕ್ಕಂತೆ ಹೊಂದಿಕೊಂಡು ಬೌಲಿಂಗ್ ಮಾಡಬಲ್ಲ ಬೌಲರ್ಗಳಿದ್ದಾರೆ.
ಬ್ರಾವೋ ಮತ್ತು ಜಡೇಜಾ ಆಲ್ರೌಂಡ್ ಆಟ ಚೆನ್ನೈ ತಂಡದ ವಿಶ್ವಾಸವನ್ನು ಮತ್ತಷ್ಟು ಮೇಲಕ್ಕೆತ್ತಿದೆ.
ಅಬುಧಾಭಿ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಈ ಮಧ್ಯ ನಡೆಯುತ್ತಿದೆ. ಮಧ್ಯಾಹ್ನದ ಪಂದ್ಯ ಇದಾಗಿರುವುದರಿಂದ ಸಹಜವಾಗಿಯೇ ಆಟಗಾರರ ಫಿಟ್ನೆಸ್ ಟೆಸ್ಟ್ ನಡೆಯಲಿದೆ. ಒಟ್ಟಿನಲ್ಲಿ ಅಬುಧಾಭಿ ಕ್ರೀಡಾಂಗಣದಲ್ಲಿ ಸೋಲೇ ಕಾಣದ ಎರಡು ತಂಡಗಳು ಕಣಕ್ಕಿಳಿಯುತ್ತಿವೆ.
ಸಂಭಾವ್ಯ XI
ಚೆನ್ನೈ ಸೂಪರ್ ಕಿಂಗ್ಸ್
1. ರುತುರಾಜ್ ಗಾಯಕ್ವಾಡ್, 2. ಫಾಫ್ ಡುಪ್ಲಿಸ್, 3. ಮೊಯಿನ್ ಅಲಿ,4.ಸುರೇಶ್ ರೈನಾ, 5.ಅಂಬಟಿ ರಾಯುಡು , 6. ಎಂ.ಎಸ್.ಧೋನಿ, 7. ರವೀಂದ್ರ ಜಡೇಜಾ, 8. ಡ್ವೈನ್ ಬ್ರಾವೋ, 9.ಶಾರ್ದೂಲ್ ಠಾಕೂರ್, 10. ದೀಪಕ್ ಚಹರ್, 11. ಜೋಶ್ ಹ್ಯಾಜಲ್ವುಡ್/ ಸ್ಯಾಮ್ ಕರ್ರನ್
ಕೊಲ್ಕತ್ತಾ ನೈಟ್ ರೈಡರ್ಸ್
1. ಶುಭ್ಮನ್ ಗಿಲ್, 2. ವೆಂಕಟೇಶ್ ಅಯ್ಯರ್, 3. ರಾಹುಲ್ ತ್ರಿಪಾಠಿ, 4. ನಿತಿಶ್ ರಾಣಾ, 5.ಇಯನ್ ಮೊರ್ಗಾನ್, 6. ದಿನೇಶ್ ಕಾರ್ತಿಕ್, 7. ಆಂಡ್ರೆ ರಸೆಲ್, 8 ಸುನೀಲ್ ನರೈನ್, 9 ಲೊಕಿ ಫರ್ಗ್ಯೂಸನ್, 10. ಪ್ರಸಿಧ್ ಕೃಷ್ಣ, 11. ವರುಣ್ ಚಕ್ರವರ್ತಿ
