IPL 2022 | ಹೀಗೆ ಇದ್ರೆ 156.. 256 ಆಗುತ್ತೆ.. ಮಲ್ಲಿಕ್ ಗೆ ರವಿಶಾಸ್ತ್ರಿ ವಾರ್ನಿಂಗ್
ಟೀಂ ಇಂಡಿಯಾದ ಮಾಜಿ ಮುಖ್ಯ ಕೋಚ್ ರವಿಶಾಸ್ತ್ರಿ ಎಸ್ಆರ್ಎಚ್ ಸೂಪರ್ಫಾಸ್ಟ್ ಎಕ್ಸ್ಪ್ರೆಸ್ ಬೌಲರ್ ಉಮ್ರಾನ್ ಮಲಿಕ್ ಗೆ ತಮ್ಮದೇ ಶೈಲಿಯಲ್ಲಿ ಎಚ್ಚರಿಕೆ ನೀಡಿದ್ದಾರೆ.
ಋತುವಿನ ಆರಂಭದಿಂದಲೂ ಅತ್ಯಂತ ವೇಗದ ಎಸೆತಗಳನ್ನು ಹಿಡಿದು ನಿರ್ಣಾಯಕ ಕ್ಷಣಗಳಲ್ಲಿ ವಿಕೆಟ್ ಪಡೆಯುತ್ತಿರುವ ಉಮ್ರಾನ್ ಪ್ರತಿ ಪಂದ್ಯದಲ್ಲೂ ಗಂಟೆಗೆ 150 ಕಿ.ಮೀ ವೇಗದಲ್ಲಿ ಬೌಲಿಂಗ್ ಮಾಡುತ್ತಾರೆ. ಈ ಋತುವಿನ ಅತ್ಯಂತ ವೇಗದ ಎಸೆತ ಉಮ್ರಾನ್ ಹೆಸರಲ್ಲಿದೆ.
ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಉಮ್ರಾನ್ ಸುಮಾರು 157 ಕಿ.ಮೀ ವೇಗದಲ್ಲಿ ಚೆಂಡನ್ನು ಎಸೆದಿದ್ದರು.
RCB ವಿರುದ್ಧದ ಇತ್ತೀಚಿನ ಪಂದ್ಯದಲ್ಲಿ, ಅವರು ಮತ್ತೊಮ್ಮೆ 156 kmph ವೇಗದಲ್ಲಿ ಚೆಂಡುಗಳನ್ನು ಎಸೆದಿದ್ದರು. ಈ ಸೀಸನ್ ನಲ್ಲಿ ಏಳು ಬಾರಿ ಫಾಸ್ಟೆಸ್ಟ್ ಡೆಲಿವರಿ ಪ್ರಶಸ್ತಿ ಪಡೆದಿರುವ ಉಮ್ರಾನ್ ಮಲಿಕ್ ಸಾಕಷ್ಟು ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
ಮುಂಬರುವ ಟಿ20 ವಿಶ್ವಕಪ್ಗೆ ಉಮ್ರಾನ್ ಅವರನ್ನು ಆಯ್ಕೆ ಮಾಡಬೇಕು ಎಂದು ಹಲವು ಮಾಜಿ ಆಟಗಾರರು ಸೇರಿದಂತೆ ಅಭಿಮಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.
ಆದರೆ, ಕಳೆದ ಮೂರು ಪಂದ್ಯಗಳನ್ನು ನೋಡಿದಾಗ ಉಮ್ರಾನ್ ಮಲಿಕ್ ಬೌಲಿಂಗ್ ಹಳಿ ತಪ್ಪಿದೆ.
ಮೂರು ಪಂದ್ಯಗಳಲ್ಲಿ ಒಂದೇ ಒಂದು ವಿಕೆಟ್ ಪಡೆಯದೇ 125 ರನ್ಗಳನ್ನು ಬಿಟ್ಟುಕೊಟ್ಟಿದ್ದಾರೆ. ಈ ವಿಚಾರವಾಗಿ ಟೀಂ ಇಂಡಿಯಾದ ಮಾಜಿ ಹೆಡ್ ಕೋಚ್ ರವಿಶಾಸ್ತ್ರಿ ಪ್ರತಿಕ್ರಿಯೆ ನೀಡಿದ್ದಾರೆ.
‘‘ಉಮ್ರಾನ್ ಮಲಿಕ್ ಬೌಲಿಂಗ್ ಉತ್ತಮವಾಗಿದೆ. ಪ್ರತಿ ಪಂದ್ಯದಲ್ಲೂ ಪ್ರತಿ ಗಂಟೆಗೆ 156 ಮತ್ತು 157 ಕಿ.ಮೀ ವೇಗದಲ್ಲಿ ಚೆಂಡುಗಳನ್ನು ಎಸೆಯುವುದು ಸಾಮಾನ್ಯ ವಿಷಯವಲ್ಲ.
ಈ ರೀತಿ ಪ್ರದರ್ಶನ ನೀಡಬೇಕಾದರೆ ಫಿಟ್ನೆಸ್ ಬೇಕಿರುತ್ತದೆ. ಈ ಋತುವಿನ ಆರಂಭದಿಂದಲೂ ಅವರು ಉತ್ತಮ ಲೈನ್ ಮತ್ತು ಲೆಂಗ್ತ್ ಜೊತೆಗೆ ಉತ್ತಮ ವೇಗದೊಂದಿಗೆ ಬೌಲಿಂಗ್ ಮಾಡುತ್ತಿದ್ದಾರೆ. ಇವರು ನಮಗೆ ಮತ್ತೊಂದು ಭವಿಷ್ಯದ ಭರವಸೆ ಎಂದು ಎಲ್ಲರೂ ಮೆಚ್ಚುತ್ತಾರೆ.
ಆದರೆ ಅದೇ ಉಮ್ರಾನ್ ಈಗ ಸತತ ಮೂರು ಪಂದ್ಯಗಳಲ್ಲಿ ಕಳಪೆ ಪ್ರದರ್ಶನ ನೀಡಿದ್ದಾರೆ. ಹಾಗಿದ್ದಲ್ಲಿ, 156 ಖಂಡಿತವಾಗಿಯೂ 256 ಆಗುತ್ತದೆ.
ಇದರರ್ಥ ಅವರು ಮುಂದಿನ ಪಂದ್ಯಗಳಲ್ಲಿ ವಿಕೆಟ್ ಪಡೆಯಲು ಸಾಧ್ಯವಿಲ್ಲದೇ ರನ್ ಗಳನ್ನು ಬಿಟ್ಟುಕೊಡುತ್ತಾರೆ. ಉಮ್ರಾನ್ ಇದನ್ನು ಆದಷ್ಟು ಬೇಗ ಸರಿಪಡಿಸಬೇಕು..
ಇಲ್ಲದಿದ್ದರೆ ಅವರಿಗೆ ನಷ್ಟವಾಗುತ್ತದೆ. ಉತ್ತಮ ವೇಗ ಒಂದೇ ವಿಷಯವಲ್ಲ, ಲೈನ್ ಅಂಡ್ ಲೆಂಥ್ ಕೂಡ ಮುಖ್ಯ ಎಂದಿದ್ದಾರೆ ರವಿಶಾಸ್ತ್ರಿ. ipl-2022-ravi-shastri-stern-warning-srh-umran-malik
