IPL Auction Live : ಆರ್ ಸಿಬಿಗೆ ಬಂದ ಮತ್ತೊಬ್ಬ `ರಸೆಲ್’
ಚೆನ್ನೈ : 14ನೇ ಆವೃತ್ತಿಯ ಐಪಿಎಲ್ ಗಾಗಿ ಹರಾಜು ಪ್ರಕ್ರಿಯೆ ಬಿರುಸಿನಿಂದ ಸಾಗಿದ್ದು, ಫ್ರಾಂಚೈಸಿಗಳು ಪಕ್ಕಾ ಲೆಕ್ಕಾಚಾರ ಹಾಕಿ ಆಟಗಾರರ ಖರೀದಿಗೆ ಮುಂದಾಗಿದ್ದಾರೆ. ಇತ್ತ ಆರಂಭದಿಂದಲೂ ಪಕ್ಕಾ ಪ್ಲಾನಿಂಗ್ ನಿಂದ ಆಟಗಾರರ ಖರೀದಿ ಮಾಡುತ್ತಿರುವ ಆರ್ ಸಿಬಿ ತಂಡ ನ್ಯೂಜಿಲೆಂಡ್ ನ ವೇಗದ ಬೌಲರ್ 6.8 ಅಡಿ ಎತ್ತರ ಕೈಲ್ ಜೆಮಿಸನ್ ಅವರನ್ನು ಬರೋಬ್ಬರಿ 15 ಕೋಟಿ ರುಪಾಯಿಗೆ ಖರೀದಿ ಮಾಡಿದೆ.
ಜೆಮಿಸನ್ ಕೇವಲ ಬೌಲಿಂಗ್ ಅಲ್ಲದೇ ಬ್ಯಾಟಿಂಗ್ ನಲ್ಲೂ ಉಪಯುಕ್ತ ಆಟವಾಡುವ ಸಾಮಥ್ರ್ಯ ಹೊಂದಿದ್ದಾರೆ. ಇವರನ್ನ ಮತ್ತೊಬ್ಬ ರಸೆಲ್ ಅಂತಾನೇ ಗೌತಮ್ ಗಂಭೀರ್ ಹೇಳಿದ್ದಾರೆ. ಆರು ಟೆಸ್ಟ್ ಮ್ಯಾಚ್ ಗಳಲ್ಲಿ ಇವರು 36 ವಿಕೆಟ್, 2 ಏಕದಿನ ಪಂದ್ಯಗಳಲ್ಲಿ 3 ವಿಕೆಟ್, ನಾಲ್ಕು ಟಿ 20 ಮ್ಯಾಚ್ ಗಳಲ್ಲಿ 3 ನಾಲ್ಕು ವಿಕೆಟ್ ಪಡೆದಿದ್ದಾರೆ.
ಇನ್ನು ಭಾರತ ಟೆಸ್ಟ್ ತಂಡದ ಆಧಾರ ಸ್ತಂಭ ಚೇತೇಶ್ವರ ಪೂಜಾರಾ ಚೆನ್ನೈ ತಂಡ ಸೇರಿದ್ದಾರೆ. ಅವರನ್ನು ಸಿಎಸ್ ಕೆ 50 ಲಕ್ಷ ನೀಡಿ ಖರೀದಿ ಮಾಡಿದೆ.
ಇನ್ನುಳಿದಂತೆ ಪವನ್ ನೇಗಿ, ಮಾರ್ಟಿನ್ ಗುಪ್ಟಿಲ್, ಡೆರಾನ್ ಬ್ರಾವೊ, ಕೊರಿ ಅಂಡರ್ ಸನ್ ಅನ್ ಸೋಲ್ಡ್ ಆಗಿದ್ದಾರೆ.
ಇತ್ತ ಆರ್ ಸಿಬಿ ಹೊಸ ಮುಖಗಳಿಗೆ ಮಣೆ ಹಾಕಿದ್ದು, ದೇಸಿ ಟೂರ್ನಿಯಲ್ಲಿ ಅದ್ಭುತ ಪ್ರದರ್ಶನ ನೀಡಿ ಕ್ರಿಕೆಟ್ ದಿಗ್ಗಜರ ಪ್ರಶಂಸೆ ಪಾತ್ರರಾಗುತ್ತಿರುವ ಮೊಹಮ್ಮದ್ ಅಜರುದ್ದೀನ್ ಅವರನ್ನ ತಂಡಕ್ಕೆ ಸೇರಿಸಿಕೊಂಡಿದೆ.
ಕನ್ನಡಿಗ ಕೆ ಗೌತಮ್ ಬಂಪರ್ ಮೊತ್ತಕ್ಕೆ ಸೇಲ್ ಆಗಿದ್ದಾರೆ. 9.25 ಕೋಟಿಗೆ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಅವರನ್ನು ಖರೀದಿ ಮಾಡಿದೆ.
ಯುವ ಪ್ರತಿಭೆಗಳಿಗೆ ಮಣೆ ಹಾಕುತ್ತಿರುವ ಪಂಜಾಬ್ ಇದೀಗ ಶಾರೂಕ್ ಖಾನ್ ಗೆ ಮಣೆ ಹಾಕಿದೆ. ಶಾರೂಕ್ ಗೆ ಮೂಲ ಬೆಲೆ 20 ಲಕ್ಷ ಇತ್ತು. ಭಾರಿ ಪೈಪೋಟಿ ನಡುವೆ ಪಂಜಾಬ್ 5.25ಕೋಟಿ ಕೊಟ್ಟ ಶಾರೂಕ್ ಅವರನ್ನ ಖರೀದಿ ಮಾಡಿದೆ.
ಇನ್ನ ಆರಂಭದಲ್ಲಿ ಗೂಳಿಯಂತೆ ಮುನ್ನುಗಿದ್ದ ಆರ್ ಸಿಬಿ ಸದ್ಯ ಯೋಚನೆ ಮಾಡಿ ಆಟಗಾರರನ್ನು ಖರೀದಿ ಮಾಡುತ್ತಿದೆ. ಈ ಹಿಂದೆ ಆರ್ ಸಿಬಿ ಪರ ಆಡಿದ್ದ ಸಚಿನ್ ಬೇಬಿಗೆ ಮತ್ತೆ ತಂಡ ಮಣೆ ಹಾಕಿದೆ. ಇದಲ್ಲದೇ ಹೊಸ ಪ್ರತಿಭೆ ರಜತ್ ಪಟೀಧಾರ್ ಗೆ ತಲಾ 20 ಲಕ್ಷ ನೀಡಿ ಖರೀದಿ ಮಾಡಿದೆ.
ಆಸೀಸ್ ನ ಯುವ ರೈಟ್ ಹ್ಯಾಂಡ್ ಫಾಸ್ಟ್ ಬೌಲರ್ ಜೆಯ್ ರಿಚರ್ಡ್ ಸನ್ ಗೆ ಪಂಜಾಬ್ ತಂಡ 14 ಕೋಟಿ ನೀಡಿ ಖರೀದಿ ಮಾಡಿದೆ. ರಿಚರ್ಡ್ ಸನ್ ಬಿಬಿಎಲ್ ನಲ್ಲಿ ಅತ್ಯದ್ಭುತ ಪ್ರದರ್ಶನ ನೀಡಿದ್ದರು. ಆಸೀಸ್ ಪರ 9 ಟಿ 20 ಪಂದ್ಯಗಳನ್ನಾಡಿರುವ ರಿಚರ್ಡ್ ಸನ್ 9 ವಿಕೆಟ್ ಕಬಳಿಸಿದ್ದಾರೆ.
ಇನ್ನು ಹರಾಜಿನಲ್ಲಿ ಲೆಗ್ ಸ್ಪಿನ್ನರ್ ಪಿಯೂಷ್ ಚಾವ್ಲಾ 2.40 ಕೋಟಿಗೆ ಮುಂಬೈ ತಂಡ ಸೇರಿದ್ದಾರೆ.
ಹರಾಜಿನಲ್ಲಿ ಟೀಂ ಇಂಡಿಯಾದ ಹಿರಿಯ ಆಟಗಾರ ಹರ್ಭಜನ್ ಸಿಂಗ್ ಅನ್ ಸೋಲ್ಡ್ ಆಗಿದ್ದಾರೆ. ಈ ಮೂಲಕ ಐಪಿಎಲ್ ಇತಿಹಾಸದಲ್ಲೇ ಇದೇ ಮೊದಲ ಬಾರಿಗೆ ಭಜ್ಜಿ ಟೂರ್ನಿ ಹೊರಬಿದ್ದಂತಾಗಿದೆ. ಇನ್ನು ವೇಗಿ ಉಮೇಶ್ ಯಾದವ್ ಡೆಲ್ಲಿ ತಂಡಕ್ಕೆ ಒಂದು ಕೋಟಿಗೆ ಸೇಲ್ ಆಗಿದ್ದಾರೆ.
ನಾಥನ್ ಕೌಲ್ಟರ್-ನೈಲ್ ಅವರನ್ನು ಮುಂಬೈ ತಂಡ ಐದು ಕೋಟಿಗೆ ಖರೀದಿ ಮಾಡಿದೆ. ಇನ್ನು ವೆಸ್ಟ್ ಇಂಡೀಸ್ ನ ಸೆಲ್ಯೋಟ್ ಬೌಲರ್ ಕಾಟ್ರೆಲ್ ಅನ್ ಸೋಲ್ಡ್ ಆಗಿದ್ದಾರೆ.
ಇನ್ನು ನ್ಯೂಜಿಲೆಂಡ್ ವೇಗಿ ಆಡಂ ಮಿಲಾನ್ ಮುಂಬೈ ತಂಡ ಸೇರಿದ್ದಾರೆ, ಅವರಿಗೆ 3.2 ಕೋಟಿ ಕೊಟ್ಟ ಮುಂಬೈ ಖರೀದಿ ಮಾಡಿದೆ. ಇನ್ನು ಬಾಂಗ್ಲಾ ವೇಗಿ ಮುಸ್ತಾಫಿಜುರ್ ರಹಮಾನ್ ಗೆ ಆರ್ ಆರ್ ತಂಡ 1 ಕೋಟಿ ಕೊಟ್ಟು ಖರೀದಿ ಮಾಡಿದೆ. ಇದಕ್ಕೂ ಮುನ್ನ ಕುಶಾಲ್ ಪೆರೇರಾ, ಕ್ಯಾರಿ, ಸ್ಯಾಮ್ ಬಿಲ್ಲಿಂಗ್ಸ್ ಅನ್ ಸೋಲ್ಡ್ ಆಗಿದ್ದಾರೆ.
ಭಾರಿ ಕುತೂಹಲಕ್ಕೆ ಕಾರಣವಾಗಿದ್ದ ಡೆವಿಡ್ ಮಲನ್ ಕೇವಲ ಒಂದು 1.50 ಕೋಟಿಗೆ ಪಂಜಾಬ್ ತಂಡವನ್ನ ಸೇರಿಕೊಂಡಿದ್ದಾರೆ.
ಇನ್ನ ಕಳೆದ ವರ್ಷ ಆರ್ ಸಿಬಿ ಪರ ಆಡಿದ್ದ ಕ್ರಿಸ್ ಮೋರಿಸ್ ದಾಖಲೆ ಮೊತ್ತಕ್ಕೆ ರಾಜಸ್ಥಾನ್ ರಾಯಲ್ಸ್ ಪಾಲಾಗಿದ್ದಾರೆ. ಅವರು 16.25 ಕೋಟಿಗೆ ಆರ್ ಆರ್ ಬಳಗ ಸೇರಿದ್ದಾರೆ.
ಶಿವಂ ದುಬೆ ರಾಜಸ್ಥಾನ ತೆಕ್ಕೆಗೆ ಸೇರಿದ್ದಾರೆ. ಅವರಿಗೆ 4 ಕೋಟಿ ಕೊಟ್ಟ ಆರ್ ಆರ್ ಖರೀದಿ ಮಾಡಿದೆ.
ಇಂಗ್ಲೆಂಡ್ ತಂಡ ಸ್ಟಾರ್ ಆಟಗಾರ ಮೊಯೀನ್ ಅಲಿ ಚೆನ್ನೈ ತಂಡಕ್ಕೆ ಸೇಲ್ ಆಗಿದ್ದಾರೆ. ಅವರಿಗೆ ಚೆನ್ನೈ 7 ಕೋಟಿ ನೀಡಿದೆ.
ಬಾಂಗ್ಲಾ ಆಲ್ ರೌಂಡರ್ ಶಖೀಬ್ ಅಲ್ ಹಸನ್ ಕೆಕೆಆರ್ ತಂಡಕ್ಕೆ ಮರಳಿದ್ದಾರೆ. ಇತ್ತ ಕಳೆದ ಐಪಿಎಲ್ ನಲ್ಲಿ ಠುಸ್ ಆಗಿದ್ದ ಕೇಧಾರ್ ಜಾಧವ್ ಅಲ್ ಸೋಲ್ಡ್ ಆಗಿದ್ದಾರೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಆಸೀಸ್ ಆಲ್ ರೌಂಡರ್ ಮ್ಯಾಕ್ಸ್ ವೆಲ್ ಗೆ14.25 ಕೋಟಿ ಕೊಟ್ಟು ಖರೀದಿ ಮಾಡಿದೆ.
ಮ್ಯಾಕ್ಸಿಗಾಗಿ ಆರ್ ಸಿಬಿ ಕೆಕೆ ಆರ್ ಚೆನ್ನೈ ಭಾರಿ ಪೈಪೋಟಿ ನಡೆಸಿದವು. ಕೊನೆಗೆ ಆರ್ ಸಿಬಿ 14.25 ಕೋಟಿಗೆ ಮ್ಯಾಕ್ಸಿಯನ್ನು ತನ್ನ ತೆಕ್ಕೆಗೆ ಹಾಕಿಕೊಂಡಿದೆ
ಕನ್ನಡಿಗ ಕರುಣ್ ನಾಯರ್ ಅನ್ ಸೋಲ್ಡ್ ಆಗಿದ್ದಾರೆ. ಸ್ಟೀವ್ ಸ್ಮಿತ್ 2.2 ಕೋಟಿಗೆ ಡೆಲ್ಲಿ ಕ್ಯಾಪಿಟಲ್ಸ್ ಗೆ ಸೇಲ್ ಆಗಿದ್ದಾರೆ.
ಅಲೆಕ್ಸ್ ಹಾಲ್ಸ್ ಅನ್ ಸೋಲ್ಡ್ ಆಗಿದ್ದಾರೆ.
ಜಾಸನ್ ರೋಯ್ ಕೂಡ ಅನ್ ಸೋಲ್ಡ್ ಆಗಿದ್ದಾರೆ.
ಆರೋನ್ ಫಿಂಚ್ ಅನ್ ಸೋಲ್ಡ್ ಆಗಿದ್ದಾರೆ.
ಹನುಮ ವಿಹಾರಿ ಅನ್ ಸೋಲ್ಡ್ ಆಗಿದ್ದಾರೆ.
