ನಿಮ್ಮ ಫೋನ್ ಹ್ಯಾಕ್ ಆಗಿದೆಯೇ? ಅದರಿಂದ ರಕ್ಷಿಸಿಕೊಳ್ಳುವುದು ಹೇಗೆ- ಇಲ್ಲಿದೆ ಮಾಹಿತಿ
ಇಮೇಲ್ನಿಂದ ಬ್ಯಾಂಕಿಂಗ್ವರೆಗೆ, ನಮ್ಮ ಆನ್ಲೈನ್ ಜೀವನದ ಪ್ರಮುಖ ಕೇಂದ್ರವೆಂದರೆ ನಮ್ಮ ಸ್ಮಾರ್ಟ್ಫೋನ್ಗಳು. ಹಾಗಾಗಿ ಆನ್ಲೈನ್ ಹ್ಯಾಕರ್ಗಳು ಕಂಪ್ಯೂಟರ್ಗಳ ಜೊತೆಗೆ ಸ್ಮಾರ್ಟ್ಫೋನ್ಗಳು ಮೇಲೆ ಕೂಡ ಕಣ್ಣಿಟ್ಟಿರುತ್ತಾರೆ. ಐಫೋನ್ಗಳನ್ನು ಸಹ ಹ್ಯಾಕ್ ಮಾಡಬಹುದಾದರೂ, ಹೆಚ್ಚಿನ ಮಾಲ್ವೇರ್ ಆ್ಯಂಡ್ರಾಯ್ಡ್ ಸಾಧನಗಳನ್ನು ಗುರಿಯಾಗಿಸುತ್ತದೆ. ತನ್ನ 2020 ಸ್ಟೇಟ್ ಆಫ್ ಮಾಲ್ವೇರ್ ವರದಿಯಲ್ಲಿ, ಮಾಲ್ವೇರ್ಬೈಟ್ಸ್ ಡೇಟಾವನ್ನು ಕದಿಯಲು ವಿನ್ಯಾಸಗೊಳಿಸಲಾದ ಆಂಡ್ರಾಯ್ಡ್ ಸಾಧನಗಳಲ್ಲಿ ಆಕ್ರಮಣಕಾರಿ ಆಡ್ವೇರ್ ಮತ್ತು ಮೊದಲೇ ಸ್ಥಾಪಿಸಲಾದ ಮಾಲ್ವೇರ್ ಹೆಚ್ಚಳವನ್ನು ವರದಿ ಮಾಡಿದೆ.
ಇಮೇಲ್ ಅಥವಾ ಸಂದೇಶದ ಮೂಲಕ ಕಳುಹಿಸಲಾದ ಫಿಶಿಂಗ್ ಲಿಂಕ್ಗಳು ಮತ್ತು ದುರುದ್ದೇಶಪೂರಿತ ವೆಬ್ಸೈಟ್ಗಳು ಸೇರಿದಂತೆ ಅಧಿಕೃತೇತರ ಮೂಲಗಳಿಂದ ಇದನ್ನು ಹೆಚ್ಚಾಗಿ ಡೌನ್ಲೋಡ್ ಮಾಡಲಾಗುತ್ತದೆ. (ಆಪಲ್ ಆಪ್ ಸ್ಟೋರ್ ಅಥವಾ ಗೂಗಲ್ ಪ್ಲೇನಂತಹ ಅಧಿಕೃತ ಅಪ್ಲಿಕೇಶನ್ ಸ್ಟೋರ್ಗಳಿಂದ ಯಾವಾಗಲೂ ಡೌನ್ಲೋಡ್ ಮಾಡಲು ಭದ್ರತಾ ತಜ್ಞರು ಶಿಫಾರಸು ಮಾಡುವಾಗ – ಕೆಲವು ದೇಶಗಳಿಗೆ ಈ ಮೂಲಗಳಿಂದ ಕೆಲವು ಅಪ್ಲಿಕೇಶನ್ಗಳನ್ನು ಪ್ರವೇಶಿಸಲು ಸಾಧ್ಯವಾಗುವುದಿಲ್ಲ.) ಅಥವಾ ಇನ್ನಿತರ ಅಪ್ಲಿಕೇಶನ್ ಮುಖಾಂತರ ಪ್ರವೇಶಿಸಬಹುದು ಮತ್ತು ಮೊಬೈಲ್ ನಲ್ಲಿ ನಡೆಯುವ ಎಲ್ಲವನ್ನೂ ಮೇಲ್ವಿಚಾರಣೆ ಮಾಡಬಹುದು. ನಿಮ್ಮ ಮೊಬೈಲ್ ನಲ್ಲಿರುವ ಇಮೇಲ್’ಗಳು, ಎಸ್.ಎಂ.ಎಸ್, ಬ್ಯಾಂಕಿಂಗ್ ವಹಿವಾಟುಗಳು, ಫೋಟೋ-ವಿಡಿಯೋ, ಸಾಮಾಜಿಕ ಜಾಲತಾಣ ಖಾತೆಗಳ ಮಾಹಿತಿಗಳು ಹ್ಯಾಕರ್ ಗಳ ಸರ್ವರ್’ಗೆ ರವಾನೆಯಾಗಬಹುದು.
ನಿಮ್ಮ ಫೋನ್ ಹ್ಯಾಕ್ ಆಗಿದೆಯೇ ಎಂದು ಹೇಗೆ ತಿಳಿಯುವುದು ಮತ್ತು ಅದರಿಂದ ರಕ್ಷಿಸಿಕೊಳ್ಳಲು ನೀವು ತೆಗೆದುಕೊಳ್ಳಬಹುದಾದ ಕ್ರಮಗಳನ್ನು ನಾವು ಇಲ್ಲಿ ವಿವರಿಸಿದ್ದೇವೆ.
ಬ್ಯಾಟರಿ ಜೀವಿತಾವಧಿಯಲ್ಲಿ ಗಮನಾರ್ಹ ಇಳಿಕೆ
ಫೋನ್ನ ಬ್ಯಾಟರಿ ಅವಧಿಯು ಗಮನಾರ್ಹವಾಗಿ ಇಳಿಕೆ ಯಾದರೆ, ಮಾಲ್ವೇರ್ ನಿಮ್ಮ ಸ್ಮಾರ್ಟ್ಫೋನ್ ಅನ್ನು ಪ್ರವೇಶಿಸಿರುವ ಸಾಧ್ಯತೆ ಇದೆ. ಏಕೆಂದರೆ ಮಾಲ್ವೇರ್ ಅಪ್ಲಿಕೇಶನ್ ನಿಮ್ಮ ಮೊಬೈಲ್ ಅನ್ನು ಸ್ಕ್ಯಾನ್ ಮಾಡಲು ಮತ್ತು ಮಾಹಿತಿಯನ್ನು ಕ್ರಿಮಿನಲ್ ಸರ್ವರ್ಗೆ ರವಾನಿಸಲು ಫೋನ್ ನನ್ನು ಬಳಸಿಕೊಳ್ಳುತ್ತಿರಬಹುದು.
ನಿಧಾನಗತಿಯ ಕಾರ್ಯಕ್ಷಮತೆ
ನಿಮ್ಮ ಫೋನ್ ನಿಧಾನವಾಗಿ ಕಾರ್ಯ ನಿರ್ವಹಿಸುತ್ತಿದೆ ಎಂದು ನೀವು ಭಾವಿಸಿದರೆ, ಅಥವಾ ಕೆಲವು ಅಪ್ಲಿಕೇಶನ್ಗಳು ಕ್ರ್ಯಾಶ್ ಆಗುತ್ತಿದೆ ಎಂದು ನಿಮಗೆ ಅನಿಸಿದರೆ ನಿಮ್ಮ ಮೊಬೈಲ್ ಗೆ ಮಾಲ್ವೇರ್ ವೈರಸ್ ನುಸುಳಿರುವ ಸಾಧ್ಯತೆ ಇದೆ.
ಮಾಲ್ವೇರ್ ವೈರಸ್ ಗಳು ನುಸುಳಿದ್ದರೆ ಮೊಬೈಲ್ ಸ್ಲೋ ಆಗುವ ಸಾಧ್ಯತೆ ಹೆಚ್ಚು. ಯಾಕೆಂದರೇ ಇದು ಬ್ಯಾಕ್ ಗ್ರೌಂಡ್ ನಲ್ಲಿ ಕಾರ್ಯನಿರ್ವಹಿಸುತ್ತಿರುತ್ತದೆ. ಕೆಲ ಆಯಪ್ಗಳು ನೀವು ಡೌನ್ ಲೋಡ್ ಮಾಡದಿದ್ದರೂ ನಿಮ್ಮ ಗಮನಕ್ಕೆ ಬಾರದೆ ಇನ್ ಸ್ಟಾಲ್ ಆಗಿರುವ ಸಂಭವವಿರುತ್ತದೆ. ಅಂದರೇ ಇಲ್ಲಿ ಮಾಲ್ವೇರ್ ವೈರಸ್ ಗಳು ಪರ್ಮಿಷನ್ ಇಲ್ಲದೆ ಆಯಪ್ ಗಳನ್ನು ಇನ್ ಸ್ಟಾಲ್ ಮಾಡಿರುತ್ತದೆ.
ಮಾಲ್ವೇರ್ ವೈರಸ್ ಗಳು ನಿಮ್ಮ ಪೋನ್ ನ ಓವರ್ ಲೋಡ್ ಮಾಡುವ ಸಂಭವ ಅಥವಾ ಇತರ ಅಪ್ಲಿಕೇಶನ್ಗಳೊಂದಿಗೆ ಘರ್ಷಣೆಯಾಗಿ ಕ್ರ್ಯಾಶ್ ಆಗುವ ಅಥವಾ ಪದೇ ಪದೇ ಮರುಪ್ರಾರಂಭಿಸಬಹುದಾದ ಸಂಭವವಿದೆ.
ಹೆಚ್ಚಿನ ಡೇಟಾ ಬಳಕೆ
ಫೋನ್ ಹ್ಯಾಕ್ ಆಗಿದ್ದರೆ, ನಿಮ್ಮ ಡೇಟಾ ಪ್ಯಾಕ್ ನಿಗದಿತ ಸಮಯಕ್ಕೆ ಮೊದಲು ಮುಗಿಯುವ ಸಂಭವ ಜಾಸ್ತಿಯಿದ್ದು, ಹ್ಯಾಕರ್ ನಿಮ್ಮ ಡೇಟಾ ಬಳಸಿಕೊಳ್ಳುತ್ತಿರಬಹುದು. ನಿಮ್ಮ ಮೊಬೈಲ್ ನಲ್ಲಿನ ಮಾಹಿತಿಯನ್ನು ಅದರ ಸರ್ವರ್ಗೆ ಕಳುಹಿಸುತ್ತಿರಬಹುದು.
ನಿಮ್ಮ ಮೊಬೈಲ್ ನಿಂದ ನಿಮಗೆ ಗೊತ್ತಿಲ್ಲದ ಸಂಖ್ಯೆಗೆ ಕರೆಗಳು ಹೋಗಿದ್ದರೆ, ಅಥವಾ ಎಸ್.ಎಂ.ಎಸ್.ಗಳು ಹೋಗಿದ್ದರೆ, ನಿಮ್ಮ ಫೋನ್ ಹ್ಯಾಕ್ ಆಗಿದೆ ಎಂದರ್ಥ.
ಫೋನ್ ಹ್ಯಾಕಿಂಗ್ ನಿಂದ ರಕ್ಷಿಸಿಕೊಳ್ಳಲು ನೀವು ತೆಗೆದುಕೊಳ್ಳಬಹುದಾದ ಕೆಲವೊಂದು ಕ್ರಮಗಳು
1. ನಿಮ್ಮ ಪೋನ್ ಹ್ಯಾಕ್ ಆಗಿದೆ ಎಂದು ನಿಮಗೆ ಸಂದೇಹವಿದ್ದರೆ, ಮೊಬೈಲ್ ಗೆ ಭದ್ರತಾ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡಿಕೊಳ್ಳಿ.
2. ನಿಮಗೆ ಗೊತ್ತಿಲ್ಲದ ಸಂಖ್ಯೆಗಳಿಂದ ಬಂದಿರುವ ಲಿಂಕ್ಗಳನ್ನು ಕ್ಲಿಕ್ ಮಾಡುವುದನ್ನು ತಪ್ಪಿಸಿ.
ನಿಮ್ಮ ಪರಿಚಿತರಿಂದ ಬಂದಿರುವ ಅಸ್ಪಷ್ಟ ಸಂದೇಶಗಳು ಅಥವಾ ಲಿಂಕ್ ಅನ್ನು ನೀವು ಕ್ಲಿಕ್ ಮಾಡಿದಾಗ ಅನಧಿಕೃತ ಅಪ್ಲಿಕೇಶನ್ ಡೌನ್ಲೋಡ್ ಆಗಲು ಪ್ರಯತ್ನಿಸಿದರೆ, ಅದನ್ನು ಸ್ಥಾಪಿಸುವ ಮೊದಲು ನಿಮ್ಮ ಆಂಡ್ರಾಯ್ಡ್ ಭದ್ರತೆಯ ಸೂಚನೆ ನೀಡುತ್ತದೆ. ಕೂಡಲೇ ಆ ಅಪ್ಲಿಕೇಶನ್ ನನ್ನು ಅಳಿಸಿ ಮತ್ತು ಮೊಬೈಲ್ ಭದ್ರತಾ ಸ್ಕ್ಯಾನ್ ಅನ್ನು ಚಾಲನೆ ಮಾಡಿ.
3. ನಿಮ್ಮ ಪೋನ್ ಪಾಸ್-ವರ್ಡ್ ಇರಬಹುದು ಅಥವಾ ನಿಮ್ಮ ಇಮೇಲ್ ಪಾಸ್-ವರ್ಡ್ ಇರಬಹುದು ಅಥವಾ ಇನ್ನಿತರ ಪ್ರಮುಖ ಖಾತೆಗಳಿಗಾಗಿ ಬಲವಾದ ಪಾಸ್ವರ್ಡ್ ರಚಿಸಿ. ಎರಡು ಅಂಶಗಳ ದೃಢಿಕರಣವನ್ನು ಸಕ್ರಿಯಗೊಳಿಸಿ ಇದರಿಂದ ಯಾರಾದರೂ ನಿಮ್ಮ ಪಾಸ್ವರ್ಡ್ ಅನ್ನು ಕಂಡುಹಿಡಿದರೂ ಸಹ, ಅವರು ನಿಮ್ಮ ಫೋನ್ ಗೆ ಪ್ರವೇಶವಿಲ್ಲದೆ ನಿಮ್ಮ ಖಾತೆಯನ್ನು ಪ್ರವೇಶಿಸಲು ಸಾಧ್ಯವಿಲ್ಲ.
4. ನಿಮ್ಮ ಪಾಸ್ವರ್ಡ್ ಅನ್ನು ಯಾರಾದರೂ ಮರುಹೊಂದಿಸುವುದನ್ನು ತಡೆಯಲು, ಪಾಸ್ವರ್ಡ್ ಭದ್ರತಾ ಪ್ರಶ್ನೆಗಳನ್ನು ಹೊಂದಿಸುವಾಗ ಸುಳ್ಳು ಮಾಹಿತಿ ನೀಡಿ.
5. ಯಾವುದೇ ವೈರ್-ಲೆಸ್ ಸಂಪರ್ಕವು ಸೈಬರ್-ಸ್ನೂಪ್ಗಳಿಗೆ ಗುರಿಯಾಗಬಹುದು. ಈ ವರ್ಷದ ಆರಂಭದಲ್ಲಿ, ಭದ್ರತಾ ಸಂಶೋಧಕರು ಆಂಡ್ರಾಯ್ಡ್ 9 ಮತ್ತು ಹಳೆಯ ಸಾಧನಗಳಲ್ಲಿ ಹ್ಯಾಕರ್ಗಳು ಬ್ಲೂಟೂತ್ ಮೂಲಕ ರಹಸ್ಯವಾಗಿ ಸಂಪರ್ಕ ಸಾಧಿಸಲು ಅನುವು ಮಾಡಿಕೊಡುತ್ತದೆ ಎಂದು ತಿಳಿಸಿದ್ದಾರೆ.
ದಾಳಿಕೋರರು ನಿಮ್ಮ ಬ್ಲೂಟೂತ್ ಸಂಪರ್ಕದಿಂದ ನಿಮ್ಮ ಪೋನ್ ನನ್ನು ಹ್ಯಾಕ್ ಮಾಡಲು ಸಾಧ್ಯವಾಗುತ್ತದೆ. ಇದರಿಂದ ನಿಮ್ಮ ವೈಯಕ್ತಿಕ ಮಾಹಿತಿಗಳು ಅಪಾಯಕ್ಕೆ ಸಿಲುಕುವ ಸಂಭವವಿದೆ.
ಬ್ಲೂಟೂತ್ ನಿಂದ ನಿಮ್ಮ ಪೋನ್ ಹ್ಯಾಕ್ ಆಗುವುದನ್ನು ತಪ್ಪಿಸಲು ನೀವು ಬ್ಲೂಟೂತ್ ಬಳಸುತ್ತಿರುವಾಗ ಮಾತ್ರ ಅದನ್ನು ಆನ್ ಮಾಡಿ
