24 ಬೌಂಡರಿ 10 ಸಿಕ್ಸರ್ – ಕಿಶಾನ್ ಸ್ಪೋಟಕ ದ್ವಿ ಶತಕ…
ಬಾಂಗ್ಲಾ ವಿರುದ್ಧದ ಸರಣಿಯಲ್ಲಿ ಎರಡು ಪಂದ್ಯಗಳ ಸತತ ಸೋಲಿನ ನಂತರ ಗೆಲ್ಲಲೇ ಬೇಕಾದ ಒತ್ತಡದಲ್ಲಿ ಆಡುತ್ತಿತ್ತು ಭಾರತ. ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಗಾಯದ ಸಮಸ್ಯೆಯಿಂದ ಹೊರಗುಳಿದಿದ್ದ ಕಾರಣ ಇಶಾನ್ ಕಿಶಾನ್ ಗೆ ಅವಕಾಶ ನೀಡಲಾಗಿತ್ತು.
ಟಾಸ್ ಗೆದ್ದ ಬಾಂಗ್ಲಾದೇಶ ಬೌಲಿಂಗ್ ಆಯ್ಕೆ ಮಾಡಿಕೊಂಡು ಭಾರತವನ್ನ ಬ್ಯಾಟಿಂಗ್ ಗೆ ಆಹ್ವಾನಿಸಿತು. ಇಶಾನ್ ಕಿಶಾನ್ ಮತ್ತು ಶಿಖರ್ ಧವನ್ ಕ್ರಿಸ್ ಗೆ ಇಳಿದರಾದರೂ ಧವನ್ ವಿಕೆಟ್ ಕಾಯ್ದುಕೊಳ್ಳುವಲ್ಲಿ ವಿಫಲರಾದರು. ಆನಂತರ ಇಶಾನ್ ಗೆ ಕೂಡಿಕೊಂಡಿದ್ದು ವಿರಾಟ್ ಕೊಹ್ಲಿ.
ಇಲ್ಲಿಂದ ಶುರುವಾದದ್ದೆಲ್ಲ ಅಕ್ಷರಶಃ ಚಂಡಮಾರುತ. ಇಶಾನ್ – ವಿರಾಟ್ ಜುಗಲ್ಬದಿಗೆ ಬಾಂಗ್ಲಾ ಬೌಲರ್ ಗಳು ತತ್ತರಿಸಿದರು. ಇವರಿಬ್ಬರನ್ನ ಕಡಿವಾಣ ಹಾಕಲು ಮಾಡಿದ ಯಾವ ಪ್ರಯತ್ನ ಗಳು ಕೈಗೂಡಲಿಲ್ಲ.
ಕೇವಲ 81 ಎಸೆತಗಳಲ್ಲಿ ತನ್ನ ಚೊಚ್ಚಲ ODI ಶತಕವನ್ನ ದಾಖಲಿಸಿದ ಇಶಾನ್ ಕೇವಲ 14 ಎಸೆತಗಳಲ್ಲಿ 100 ರಿಂದ 150 ರನ್ ಗಳ ಗಡಿ ದಾಟಿದರು. ಅಂತಿಮವಾಗಿ 126 ಎಸೆತಗಳಲ್ಲಿ 24 ಬೌಂಡರಿ 10 ಸಿಕ್ಸರ್ ಸಹಿತ ಏಕದಿನ ಕ್ರಿಕೆಟ್ ನಲ್ಲಿ ಅತಿ ವೇಗದ ಮತ್ತು ಚೊಚ್ಚಲ ದ್ವಿ ಶತಕವನ್ನ ಚ್ಚಚ್ಚಿ ಹಾಕಿದರು.
ಈ ಮೂಲಕ ಏಕದಿನ ಕ್ರಿಕೆಟ್ ನಲ್ಲಿ ವೇಗದ ದ್ವಿ ಶತಕ ಸಿಡಿಸಿದ ಕ್ರಿಸ್ ಗೇಲ್ ಹೆಸರಿನಲ್ಲಿದ್ದ ದಾಖಲೆಯನ್ನ ಕಿಶನ್ ಮುರಿದು ಹಾಕಿದರು. ಗೇಲ್ 2015 ರ ICC ವಿಶ್ವಕಪ್ ನಲ್ಲಿ ಜಿಂಬಾಬ್ವೆ ವಿರುದ್ಧ ದ್ವಿಶತಕ ಗಳಿಸಲು 138 ಎಸೆತಗಳನ್ನ ಎದುರಿಸಿದ್ದರು. ಕಿಶನ್ ಇನ್ನೂ 12 ಎಸೆತಗಳನ್ನ ಕಡಿಮೆ ತೆಗೆದುಕೊಂಡು ಈ ದಾಖಲೆ ಬರೆದಿದ್ದಾರೆ. ಮತ್ತು ODIಗಳಲ್ಲಿ 200 ರನ್ ಗಡಿ ದಾಟಿದ ಅತ್ಯಂತ ಕಿರಿಯ ಕ್ರಿಕೆಟಿಗ ಎಂಬ ಖ್ಯಾತಿಗೂ ಪಾತ್ರರಾಗಿದ್ದಾರೆ.
ಈ ಸ್ಮರಣೀಯ ಇನ್ನಿಂಗ್ಸ್ ನೊಂದಿಗೆ ಇಶಾನ್ ಕಿಶಾನ್ ಏಕದಿನ ಕ್ರಿಕೆಟ್ ನಲ್ಲಿ ದ್ವಿಶತಕ ಭಾರಿಸಿದ ನಾಲ್ಕನೇ ಭಾರತೀಯರಾಗಿದ್ದಾರೆ. ಈ ಹಿಂದೆ ವೀರೇಂದ್ರ ಸೆಹ್ವಾಗ್ ಸಚಿನ್ ತೆಂಡೂಲ್ಕರ್ ರೋಹಿತ್ ಶರ್ಮಾ ಏಕದಿನ ಪಂದ್ಯಗಳಲ್ಲಿ ಭಾರತದ ಪರ ದ್ವಿ ಶತಕ ಭಾರಿಸಿದ್ದರು.
ಇಶಾನ್ ಕಿಶಾನ್ ಈ ಅಬ್ಬರದ ದ್ವಿ ಶತಕದಿಂದ 2023ರ ODI ವಿಶ್ವಕಪ್ ಗಾಗಿ ತನ್ನದೊಂದಿ ಸೀಟ್ ಕಾಯ್ದಿರಿಸಲು ಸಜ್ಜಾಗಿದ್ದಾರೆ..
Ishan kishan : 24 boundaries 10 sixes – Kishan’s explosive double century…
