Jacqueline Fernandiz : ‘ರಕ್ಕಮ್ಮ’ಗೆ ತಪ್ಪದ 200 ಕೋಟಿ ಸಂಕಷ್ಟ..!! ಮತ್ತೆ ವಿಚಾರಣೆಗೆ ಹಾಜರಾದ ಜಾಕ್ವೆಲಿನ್..!!
ವಿಕ್ರಾಂತ್ ರೋಣ ಸಿನಿಮಾದಲ್ಲಿ ರಾ.. ರಾ.. ರಕ್ಕಮ್ಮ ಅಂತ ಕಿಚ್ಚನ ಜೊತೆಗೆ ಸಖತ್ ಸ್ಟೆಪ್ಸ್ ಹಾಕಿದ್ದ ಬಾಲಿವುಡ್ ನ ಬೆಡಗಿ , ಲಂಕಾ ಸುಂದರಿಗೆ ಸಂಕಷ್ಟದ ಮೇಲೆ ಸಂಕಷ್ಟ ಎದುರಾಗುತ್ತಲೇ ಇದೆ… ವಂಚನೆ ಪ್ರಕರಣದ ಪ್ರಮುಖ ಆರೋಪಿಯಾಗಿ ಜೈಲಿನಲ್ಲಿ ಕಂಬಿ ಎಣಿಸುತ್ತಿರುವ ಸುಕೇಶ್ ಜೊತೆಗೆ ಆತ್ಮೀಯತೆಯೇ ಜಾಕ್ವೆಲಿನ್ ಗೆ ಮುಳುವಾಗಿದೆ..
200 ಕೋಟಿ ಹಗರಣದಲ್ಲಿ ನಟಿಯನ್ನ ಆರೋಪಿ ಎಂದು ಹೆಸರಿಸಲಾಗಿದೆ.. ಜಾಕ್ವೆಲಿನ್ ಗೆ ಸುಕೇಶ್ ಕೋಟಿ ಕೋಟಿ ಮೌಲ್ಯದ ಗಿಫ್ಟ್ ಗಳನ್ನ ಉಡುಗೊರೆಯಾಗಿ ನೀಡಿದ್ದಾನೆ..
ಇದೇ ಪ್ರಕರಣದಲ್ಲಿ ಜಾಕ್ವೆಲಿನ್ ರನ್ನ ಆರೋಪಿಯೆಂದು ಗುರುತಿಸಲಾಗಿದೆ.. ಇದೇ ಪ್ರಕರಣದ ವಿಚಾರಣಾ ಭಾಗವಾಗಿ ಇಂದು ದೆಹಲಿ ಪೊಲೀಸರ ಆರ್ಥಿಕ ಅಪರಾಧ ವಿಭಾಗದ ವಿಚಾರಣೆಗೆ ಹಾಜರಾಗಿದ್ದಾರೆ ಲಂಕಾ ಸುಂದರಿ.
ಇಂದು ದೆಹಲಿ ಪೊಲೀಸ್ ಇಲಾಖೆಯ ಆರ್ಥಿಕ ಅಪರಾಧ ವಿಭಾಗದ ಕಚೇರಿಗೆ ಆಗಮಿಸಿದ ನಟಿ ಜಾಕ್ವೆಲಿನ್ ಫರ್ನಾಂಡೀಸ್ ಅಧಿಕಾರಿಗಳೆದುರು ವಿಚಾರಣೆಗೆ ಹಾಜರಾಗಿದ್ದಾರೆ.
ಜೊತೆಗೆ ಜಾಕ್ವೆಲಿನ್ ಅನ್ನು ಸುಕೇಶ್ ಗೆ ಪರಿಚಯಿಸಿದ ಪಿಂಕಿ ಇರಾನಿ ಸಹ ವಿಚಾರಣೆಗೆ ಹಾಜರಾಗಿದ್ದಾರೆ. ಈ ಹಿಂದೆ ಇಡಿ ಅಧಿಕಾರಿಗಳು ಈ ಪ್ರಕರಣ ತನಿಖೆ ನಡೆಸಿ ಜಾಕ್ವೆಲಿನ್ ಫರ್ನಾಂಡೀಸ್ ಅನ್ನು ಆರೋಪಿಯಾಗಿಸಿ ದೋಷಾರೋಪ ಪಟ್ಟಿ ಸಲ್ಲಿಕೆ ಮಾಡಿದ್ದರು..
