Bollywood : ವಂಚಕ ಸುಕೇಶ್ ಜೊತೆಗೆ ಐವರು ಬಾಲಿವುಡ್ ಸುಂದರಿಯರ ಹೆಸರು…!!!!
ಬಾಲಿವುಡ್ ನಟಿ ಜಾಕ್ವೆಲಿನ್ ಇಷ್ಟು ದಿನಗಳಿಂದ ವಂಚಕ ಸುಕೇಶ್ ನಿಂದಾಗಿ ಸಂಕಷ್ಟಕ್ಕೆ ಸಿಲುಕಿದ್ದರು.. ಇದೀಗ ಈ ಲಿಸ್ಟ್ ಗೆ ಒಟ್ಟು ಐವರು ಬಾಲಿವುಡ್ ಸುಂದರಿಯರ ಹೆಸರು ಸೇರಿಕೊಂಡಿದ್ದು , ಅವರಿಗೂ ಕೂಡ ಕಾನೂನಿನ ಸಂಕಷ್ಟ ಎದುರಾಗಿದೆ… ಪ್ರಮುಖವಾಗಿ ಶ್ರೀದೇವಿ ಪುತ್ರಿ ಯುವ ನಟಿ ಜಾಹ್ನವಿ ಹೆಸರು ಈಗ ಸುಕೇಶ್ ಜೊತೆಗೆ ತಳುಕುಹಾಕಿಕೊಂಡಿದೆ…
ಜಾಹ್ನವಿ ಕಪೂರ್ , ಭೂಮಿ ಪಡ್ನೇಕರ್ , ಸಾರಾ ಅಲಿ ಖಾನ್ , ನೋರಾ ಫತೇಹಿ ಅವರನ್ನೂ ಸುಕೇಶ್ ಟಾರ್ಗೆಟ್ ಮಾಡಿದ್ದ.. ಜೊತೆಗೆ ಅವರೆಲ್ಲರಿಗೂ ದುಬಾರಿ ಉಡುಗೊರೆಗಳನ್ನ ನೀಡಿದ್ದ ಎಂದು ರಾಷ್ಟ್ರೀಯ ಮಾಧ್ಯಮ ವರದಿ ಮಾಡಿದೆ. ಹೌದು… ಪ್ರಸ್ತುತ 35 ವರ್ಷದ ಸುಕೇಶ್ 200 ಕೋಟಿಗೂ ಅಧಿಕ ರೂಪಾಯಿ ವಂಚನೆ ಪ್ರಕರಣದಲ್ಲಿ ಬಂಧಿತನಾಗಿ ತಿಹಾರ್ ಜೈಲಿನಲ್ಲಿದ್ದಾನೆ.. ಈತ ಐಶಾರಾಮಿ ಜೀವನಕ್ಕಾಗಿಯೇ ವಂಚನೆ ಹಾದಿಗೆ ಇಳಿದಿದ್ದ , ಶೋಕಿಗಾಗಿ ನಟಿಯರನ್ನ ಟಾರ್ಗೆಟ್ ಮಾಡುತ್ತಿದ್ದ ಎನ್ನಲಾಗಿದೆ…
2021 ರಲ್ಲಿ ಈತ ಸಾರಾಗೆ ಬೇರೆ ಹೆಸರಿನಿಂದ ಪರಿಚಯ ಮಾಡಿಕೊಂಡಿದ್ದು , ಆಗ ಕಾರ್ ಗಿಫ್ಟ್ ಕೊಡುವ ಆಫರ್ ಮಾಡಿದ್ದನಂತೆ. ಆದ್ರೆ ಅದಕ್ಕೆ ಸಾರಾ ಒಪ್ಪದೇ ಗಿಫ್ಟ್ ತೆಗೆದುಕೊಳ್ಳಲು ಬಲವಂತ ಮಾಡಿದ ನಂತರ ಕೇವಲ ಒಂದು ಚಾಕೊಲೇಟ್ ಬಾಕ್ಸ್ ಕೇಳಿದ್ರಂತೆ.. ಆದ್ರೆ ಚಾಕೊಲೇಟ್ ಜೊತೆಗೆ ಸುಕೇಶ್ ಫ್ರಾಂಕ್ ಮುಲ್ಲರ್ ಕಂಪನಿಯ ದುಬಾರಿ ಬೆಲೆಯ ವಾಚ್ ಸಹ ಕಳುಹಿಸಿದ್ದರಂತೆ.
ನಂತರದ ದಿನಗಳಲ್ಲಿ ಸಾರಾ ಅಲಿಖಾನ್ ರನ್ನೂ ಪರಿಚಯ ಮಾಡಿಕೊಂಡಿದ್ದ ವಂಚಕ 18 ಲಕ್ಷಕ್ಕೂ ಹೆಚ್ಚು ಮೌಲ್ಯದ ವಸ್ತುಗಳನ್ನು ಉಡುಗೊರೆಯಾಗಿ ನೀಡಿದ್ದಾನೆ ಎಂಬುದು ತನಿಖೆ ವೇಳೆ ಬಹಿರಂಗವಾಗಿದೆ…
ಬಾಲಿವುಡ್ನ ಮತ್ತೋರ್ವ ನಟಿಯನ್ನು ತನ್ನ ಸಹಾಯಕಿ ಪಿಂಕಿ ಇರಾನಿ ಮೂಲಕ ಸುಕೇಶ್ ಸಂಪರ್ಕಿಸಿದ್ದ. ಭೂಮಿ ಬಳಿ ಸುಕೇಶ್ ಶೇಖರ್ ಎಂದು ಪರಿಚಯಿಸಿಕೊಂಡಿದ್ದ.
ನಟಿಗೂ ಕಾರನ್ನು ಉಡುಗೊರೆ ಕೊಡುವುದಾಗಿ ತಿಳಿಸಿದ್ದ. ಆದರೆ ಇಡಿಗೆ ಮಾಹಿತಿ ನೀಡಿರುವ ಭೂಮಿ, ಯಾವುದೇ ಉಡುಗೊರೆ ಪಡೆದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಹೀಗೆಯೇ ಈತ ಜಾಕ್ವೆಲಿನ್ ಹಾಗೂ ನೋರಾ ಫತೇಹಿರನ್ನೂ ಟಾರ್ಗೆಟ್ ಮಾಡಿದ್ದ… ಈತನ ಜಾಲಕ್ಕೆ ಸಿಲುಕಿ ಹೆಚ್ಚು ಸಂಕಷ್ಟ ಅನುಭವಿಸುತ್ತಿರುವುದು ಜಾಕ್ವೆಲಿನ್ ಫರ್ನಾಂಡಿಸ್
