Jio 5G | ದೀಪಾವಳಿಗೆ ಜಿಯೋ 5G ಸೇವೆ ಆರಂಭ
ದೀಪಾವಳಿಗೆ ನಾಲ್ಕು ನಗರದಲ್ಲಿ 5ಜಿ ಸೇವೆ
ಉದ್ಯಮಿ ಮುಕೇಶ್ ಅಂಬಾನಿ ಘೋಷಣೆ
ದೆಹಲಿ, ಮುಂಬೈ, ಚೆನ್ನೈ, ಕೊಲ್ಕತ್ತದಲ್ಲಿ 5ಜಿ ಸೇವೆ
2023ರ ಡಿಸೆಂಬರ್ ಗೆ ಇಡೀ ದೇಶದಲ್ಲಿ 5ಜಿ ಸೇವೆ
ಮುಂಬೈ : ರಿಲಿಯನ್ಸ್ ಜಿಯೋದ ಷೇರುದಾರರ 45ನೇ ವಾರ್ಷಿಕ ಸಮಾವೇಶದಲ್ಲಿ ಉದ್ಯಮಿ ಮುಖೇಶ್ ಅಂಬಾನಿ ಮಹತ್ವದ ಘೋಷಣೆ ಮಾಡಿದ್ದಾರೆ.
ದೀಪಾವಳಿ ವೇಳೆಗೆ ದೇಶದ ನಾಲ್ಕು ನಗರಗಳಲ್ಲಿ ರಿಲಯನ್ಸ್ ಜಿಯೋ 5 ಜಿ ಸೇವೆ ಆರಂಭವಾಗಲಿದ್ದೇವೆ ಎಂದು ತಿಳಿಸಿದ್ದಾರೆ.
ರಿಲಿಯನ್ಸ್ ಜಿಯೋದ ಷೇರುದಾರರ 45ನೇ ವಾರ್ಷಿಕ ಸಮಾವೇಶದಲ್ಲಿ ಮಾತನಾಡಿದ ಅಂಬಾನಿ, ದೀಪಾವಳಿ ವೇಳೆಗೆ ದೆಹಲಿ, ಮುಂಬೈ, ಕೊಲ್ಕತ್ತಾ, ಚೆನ್ನೈ ನಗರಗಳಲ್ಲಿ ರಿಲಯನ್ಸ್ ಜಿಯೋ 5ಜಿ ಸೇವೆ ಆರಂಭವಾಗಲಿದೆ.
ಅಲ್ಲದೇ 2023ರ ಡಿಸೆಂಬರ್ ಒಳಗಾಗಿ ಇಡೀ ದೇಶದಲ್ಲಿ 5ಜಿ ಸೇವೆ ಒದಗಿಸಲಿದ್ದೇವೆ ಎಂದು ಮಾಹಿತಿ ನೀಡಿದರು.
ಅಲ್ಲದೇ 5ಜಿ ಬಳಸಿಕೊಂಡು ಉತ್ತಮ ಗುಣಮಟ್ಟದ, ಕೈಗೆಟಕುವ ದರದ ಸ್ಥಿರ ಬ್ರಾಡ್ ಬ್ರ್ಯಾಂಡ್ ಸೇವೆಗಳ ವೇಗ ವೃದ್ಧಿಸಬಹುದು ಎಂದಿರುವ ಅಂಬಾನಿ, ಜಾಗತಿಕ ಮಟ್ಟದಲ್ಲಿ ಆರ್ಥಿಕತೆಯ ಮೇಲೆ ಒತ್ತಡವಿದ್ದು, ಈ ಬಿಕ್ಕಟ್ಟಿನ ಸನ್ನಿವೇಶದಲ್ಲಿಯೂ ದೇಶ ಸ್ಥಿರ ಬೆಳವಣಿಗೆ ಕಾಣುತ್ತಿದೆ ಎಂದಿದ್ದಾರೆ.
