ಕೊರೊನಾ ಬಿಕ್ಕಟ್ಟಿನಿಂದಾಗಿ ಬಹುನಿರೀಕ್ಷಿತ ಚಿತ್ರವಾದ ಕೆಜಿಫ್ ಚಾಪ್ಟರ್ 2 ಶೂಟಿಂಗ್ ಸದ್ಯಕ್ಕೆ ಸ್ಥಗಿತವಾಗಿದ್ದು, ಶೀಘ್ರದಲ್ಲೇ ಪುನಃ ಆರಂಭವಾಗುವ ಲಕ್ಷಣಗಳು ಕಾಣ್ತಿಲ್ಲ. ಇದರ ನಡುವೆ ಯಶ್ ಅಭಿಮಾನಿಗಳು ಚಿತ್ರದ ಅಪ್ ಡೇಟ್ಸ್ ಗಳಿಗಾಗಿ ಒತ್ತಾತಿಸಿದ್ದು, ಅಭಿಮಾನಿಗಳ ಒತ್ತಾಯಕ್ಕೆ ಮಣಿದ ನಿರ್ದೇಶಕ ಪ್ರಶಾಂತ್ ನೀಲ್ ಅವರು ಜುಲೈ 29.ರಂದು ಹೊಸ ಅಪ್ ಡೇಟ್ ನೀಡುವ ಭರವಸೆ ನೀಡಿದ್ದಾರೆ. ಜುಲೈ. 29ರಂದು ಚಿತ್ರದಲ್ಲಿ ಅಧೀರನಾಗಿ ಕಾಣಿಸಿಕೊಳ್ಳಲಿರುವ ಸಂಜಯ್ ದತ್ ಅವರ ಜನ್ಮದಿನ. ಹೀಗಾಗಿ ಅಂದೇ ಒಂದು ಹೊಸ ಅಪ್ ಡೇಟ್ ನೀಡುವ ಸುಳಿವು ಕೊಟ್ಟಿದ್ದಾರೆ. ಈ ಚಿತ್ರದಲ್ಲಿ ಸಂಜು ಲುಕ್ ಹೇಗಿರಲಿದೆ ಎಂಬ ಕ್ಯೂರಿಸಿಯಾಸಿಟಿ ಅಭಿಮಾನಿಗಳಲ್ಲಿದ್ದು, ಇನ್ನೂವರೆಗೂ ಈ ಬಗೆಗಿನ ಯಾವುದೇ ಸುಳಿವು ಬಿಟ್ಟುಕೊಡದೆ ಚಿತ್ರತಂಡ ಅಭಿಮಾನಿಗಳ ಕುತೂಹಲ ಹೆಚ್ಚಿಸಿದೆ.
ಇದರ ನಡುವೆ ಜುಲೈ 29.ರಂದು ಹೊಸ ಉಡುಗೊರೆ ನೀಡಲಿದ್ದಾರೆ. ಆದ್ರೆ ಅಭಿಮಾನಿಗಳ ಕ್ಯೂರಿಯಾಸಿಟಿ ಹೆಚ್ಚು ಮಾಡಿರುವುದು ಪ್ರಶಾಂತ್ ನೀಲ್ ಅವರ ಪೋಸ್ಟ್. ಹೌದು ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿರುವ ಪ್ರಶಾಂತ್ ನೀಲ್ ಅವರು ‘ಇರುವುದೊಂದೇ ದಾರಿ, ಕ್ರೂರ ಮಾರ್ಗ’..! ಎಂಬ ಕ್ಯಾಪ್ಷನ್ ಮೂಲಕ ಸಂಜಯ್ ದತ್ ಅವರ ಪಾತ್ರ ಚಿತ್ರದಲ್ಲಿ ಅತ್ಯಂತ ಕ್ರೂರವಾಗಿರಲಿದೆ ಎಂದು ತಿಳಿಸಿದ್ದಾರೆ. ಅಲ್ಲದೇ ಜುಲೈ 29ರಂದು ಕ್ರೌರ್ಯದ ಅನಾವರಣ ಎಂದು ಚಿತ್ರತಂಡ ಒಂದು ಪೋಸ್ಟರ್ ಅನಾವರಣಗೊಳಿಸಿದ್ದು, ಸಂಜಯ್ ದತ್ ಈ ಪೋಸ್ಟರ್ ಅನ್ನು ಶೇರ್ ಮಾಡಿಕೊಂಡಿದ್ದಾರೆ.
