Karnataka Election 2023| ಸಿ.ಎಂ.ಇಬ್ರಾಹಿಂ ಎಲ್ಲಿ ಇರುತ್ತಾರೋ ಆ ಪಕ್ಷ ಅಧಿಕಾರಕ್ಕೆ ಬರುತ್ತೆ
ಬೆಂಗಳೂರು : ಸಿ.ಎಂ ಇಬ್ರಾಹಿಂ ಎಲ್ಲಿ ಇರುತ್ತಾರೋ ಆ ಪಕ್ಷ ಅಧಿಕಾರಕ್ಕೆ ಬರುತ್ತೆ ಎಂದು ಮಾಜಿ ಸಚಿವ ಹೆಚ್ ಡಿ ರೇವಣ್ಣ ಹೇಳಿದ್ದಾರೆ. ಹಾಸನದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಸಿ.ಎಂ.ಇಬ್ರಾಹಿಂ ಎಲ್ಲಿ ಇರುತ್ತಾರೋ ಆ ಪಕ್ಷ ಅಧಿಕಾರಕ್ಕೆ ಬರುತ್ತೆ. ಈ ಬಾರೀ ಜೆಡಿಎಸ್ ಅಧಿಕಾರಕ್ಕೆ ಬರುವುದನ್ನು ಯಾರು ತಪ್ಪಿಸಲು ಸಾಧ್ಯವಿಲ್ಲ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
ಅಲ್ಲದೆ ಎರಡು ರಾಷ್ಟ್ರೀಯ ಪಕ್ಷಗಳಿಗೆ ಮಾನ ಮಾರ್ಯದೆ ಇದ್ರೆ ವೋಟ್ ಕೇಳಲು ಹೋಗಬಾರದು ಎಂದ ರೇವಣ್ಣ, ನಾನು ಕೂಡ ಮಂತ್ರಿಯಾಗಿ ಕೆಲಸ ಮಾಡಿದ್ದೇನೆ. ಈ ಸರ್ಕಾರದಲ್ಲಿ ಕರೆಂಟ್ ರೇಟ್ ಹೆಚ್ಚಾದ ರೀತಿ ಯಾವುದೇ ಸರ್ಕಾರದಲ್ಲಿ ಆಗಿಲ್ಲ. ಕುಮಾರಸ್ವಾಮಿ 14 ತಿಂಗಳಲ್ಲಿ ಮಂಡ್ಯದಿಂದ 250 ಕೋಟಿ ಇಂಧನ ಇಲಾಖೆಯಿಂದ ಬಂದಿತ್ತು. ಶಿಕ್ಷಣ ಇಲಾಖೆ ಏನ್ ಆಗಿತ್ತು. 48 ತಾಲ್ಲೂಕಿನಲ್ಲಿ PU ಕಾಲೇಜುಗಳು ಇಲ್ಲ. 50 ವಿಧಾನಸಭಾ ಕೇಂದ್ರಗಳಲ್ಲಿ ಪದವಿ ಕಾಲೇಜುಗಳು ಇಲ್ಲ. ಇವತ್ತು ಸರಿಯಾದ ಶಾಲಾ ಕಟ್ಟಡಗಳು ಇಲ್ಲ ಎಂದು ರಾಜ್ಯ ಸರ್ಕಾರದ ವಿರುದ್ಧ ಕಿಡಿಕಾರಿದರು.
ಇನ್ನು ಜಿಲ್ಲೆಯಲ್ಲಿ 7ಕ್ಕೆ 7 ಸೀಟು ಗೆಲ್ಲಬೇಕು ಎಂದು ನಮ್ಮ ಆಶಯ. ನನಗೆ ಜಿಲ್ಲೆ ಬಗ್ಗೆ ಗೊತ್ತಿದೆ. ಮಂತ್ರಿ ಮತ್ತು ಶಾಸಕರಾಗಿ ಕೆಲಸ ಮಾಡಿದ್ದೇನೆ ಎಂದು ಹಾಸನ ಟಿಕೆಟ್ ವಿಚಾರವಾಗಿ ಪ್ರತಿಕ್ರಿಯೆ ನೀಡಿದರು.
