KGF 2 | ಯಶ್ ಈ ಜಮಾನದ ಆಂಗ್ರಿ ಯಂಗ್ ಮ್ಯಾನ್
ನಟ ಯಶ್ ಅಭಿನಯದ ಬ್ಲಾಕ್ಬಸ್ಟರ್ ಕೆಜಿಎಫ್ ಅಧ್ಯಾಯ 1 ರ ಸೀಕ್ವೆಲ್ ಆಗಿ ತೆರೆ ಮೇಲೆ ಬಂದ ಕೆಜಿಎಫ್ ಚಾಪ್ಟರ್ 2 ಗೂ ಭರ್ಜರಿ ರೆಸ್ಪಾನ್ಸ್ ಸಿಗುತ್ತಿದೆ. ಏಪ್ರಿಲ್ 14 ರಂದು ಬಿಡುಗಡೆಯಾಗಿರುವ ಈ ಚಿತ್ರ ತೆಲುಗು, ತಮಿಳು, ಮಲಯಾಳಂ, ಕನ್ನಡ ಮತ್ತು ಹಿಂದಿ ಭಾಷೆಗಳಲ್ಲಿ ಕೋಟಿ ಕೋಟಿ ಗಳಿಕೆ ಮಾಡುತ್ತಿದೆ.
ಕಾಮ್‌ಸ್ಕೋರ್ ವರದಿಯ ಪ್ರಕಾರ ಕೆಜಿಎಫ್‌ನ ಚಾಪ್ಟರ್ 2 ವಾರಾಂತ್ಯದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರ ಎಂದ ದಾಖಲೆ ಬರೆದಿದೆ. ಏಪ್ರಿಲ್ 15 ರಿಂದ 17 ರ ನಡುವೆ ಅತ್ಯಧಿಕ ಕಲೆಕ್ಷನ್ ಮಾಡಿದ ಸಿನಿಮಾಗಳಲ್ಲಿ ವಿಶ್ವದಲ್ಲಿಯೇ 2ನೇ ಸ್ಥಾನದಲ್ಲಿದೆ. ಮೂರೇ ದಿನದಲ್ಲಿ ಮುನ್ನೂರು ಕೋಟಿ ಗಳಿಸಿದ್ದ ಕೆಜಿಎಫ್ ಸಿನಿಮಾ ಇದೀಗ 500 ಕೋಟಿ ಕ್ಲಬ್ ಸೇರಿದೆ. ಇದುವರೆಗೆ ಚಿತ್ರ 552 ಕೋಟಿ ರೂ.ಗೂ ಅಧಿಕ ಗಳಿಕೆ ಮಾಡಿದೆ. ಈ ಹಿನ್ನೆಲೆಯಲ್ಲಿ ಬಾಲಿವುಡ್ ಫೈರ್ ಬ್ರಾಂಡ್ ಕಂಗನಾ ರಣಾವತ್ ಯಶ್ ಬಗ್ಗೆ ಇಂಟ್ರೆಸ್ಟಿಂಗ್ ಕಾಮೆಂಟ್ ಮಾಡಿದ್ದಾರೆ..
ಈ ನಿಟ್ಟಿನಲ್ಲಿ ಅವರು ಕೆಜಿಎಫ್ ಚಾಪ್ಟರ್ 2 ಪೋಸ್ಟರ್ ಅನ್ನು Instagram ನಲ್ಲಿ ಹಂಚಿಕೊಂಡಿದ್ದಾರೆ. ಅಲ್ಲದೆ “ಆಂಗ್ರಿ ಯಂಗ್ ಮ್ಯಾನ್” ಎಂಬ ಅಡಿಬರಹ ಕೊಟ್ಟಿದ್ದಾರೆ. ಅಮಿತಾಬ್ ಬಚ್ಚನ್ ನಂತರ ಹಲವು ವರ್ಷಗಳ ಕಾಲ ಭಾರತೀಯ ಚಿತ್ರರಂಗದಿಂದ ಆಂಗ್ರಿ ಯಂಗ್ ಮ್ಯಾನ್ ಅನ್ನೋ ಟ್ಯಾಗ್ ಕಾಣೆಯಾಗಿದೆ. ಸುಮಾರು 1970 ರಿಂದ ಆ ಸ್ಥಾನ ಖಾಲಿಯಾಗಿದೆ. ಈಗ ಯಶ್ ಆ ಕೊರತೆಯನ್ನು ತುಂಬಿದ್ದಾರೆ ಎಂದು ಕಂಗನಾ ಹೇಳಿದ್ದಾರೆ. kgf-2-kangana-ranaut-compares-hero-yash-amitabh
