ಖಡಾ ಟೀ – ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಪಾನೀಯ
ಮಂಗಳೂರು, ಜುಲೈ 11: ನಾವು ಜನರು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಖಡಾ ಆಯುರ್ವೇದ ಪಾನೀಯ ಕುಡಿಯುವುದು ಉತ್ತಮ ಎಂದು ಹೇಳುವುದನ್ನು ಕೇಳಿರುತ್ತೇವೆ. ಕೋವಿಡ್-19 ಸೇರಿದಂತೆ ವೈರಲ್ ಸೋಂಕುಗಳನ್ನು ಎದುರಿಸಲು ಆರೋಗ್ಯಕರ ರೋಗನಿರೋಧಕ ಶಕ್ತಿಯನ್ನು ಕಾಪಾಡಿಕೊಳ್ಳುವುದು ಅತ್ಯಗತ್ಯ ಎಂದು ಸಂಶೋಧನೆ ತೋರಿಸಿದೆ. ಕೊರೊನಾ ಚಿಕಿತ್ಸೆಗೆ ರೋಗನಿರೋಧಕ ಶಕ್ತಿ ಸಹಾಯ ಮಾಡುತ್ತದೆಯೇ ಎಂಬುವುದು ಸಾಬೀತಾಗಿಲ್ಲವಾದರೂ ಕೊರೊನಾ ಸೋಂಕಿನಿಂದ ದೂರವಿರಲು ಸಹಾಯ ಮಾಡುತ್ತದೆ ಎಂದು ಹೇಳಲಾಗುತ್ತದೆ. ಪ್ರಧಾನಿ ನರೇಂದ್ರ ಮೋದಿ ಅವರು ಈ ಹಿಂದೆ ರಾಷ್ಟ್ರವನ್ನುದ್ದೇಶಿಸಿ ಮಾತನಾಡಿದ ಸಂದರ್ಭದಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಸಹಾಯ ಮಾಡುವ ತುಳಸಿ, ದಾಲ್ಚಿನಿ, ಕಾಲಿಮಿರ್ಚ್, ಒಣ ಶುಂಠಿ, ಮುನಕ್ಕಾದಿಂದ ತಯಾರಿಸಿದ ಗಿಡಮೂಲಿಕೆ ಚಹಾ / ಕಷಾಯವನ್ನು (ಖಡಾ) ಕುಡಿಯಲು ಸಲಹೆ ನೀಡಿದ್ದರು.
ಮೂಲತಃ, ಖಡಾ ಎಂಬುದು ಗಿಡಮೂಲಿಕೆಗಳ ಮಿಶ್ರಣವಾಗಿದ್ದು, ಇದು ರೋಗ ನಿರೋಧಕ ಶಕ್ತಿಯನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ತುಳಸಿ , ಡಾಲ್ಚಿನಿ (ದಾಲ್ಚಿನ್ನಿ), ಕಾಲಿಮಿರ್ಚ್ (ಕರಿಮೆಣಸು), ಶುಂತಿ (ಒಣ ಶುಂಠಿ) ಮತ್ತು ಮುನಕ್ಕಾ (ಒಣದ್ರಾಕ್ಷಿ) ಸೇರಿದಂತೆ ಗಿಡಮೂಲಿಕೆಗಳು ಮತ್ತು ಮಸಾಲೆಗಳನ್ನು ಬಳಸಿ ಇದನ್ನು ಸಾಮಾನ್ಯವಾಗಿ ತಯಾರಿಸಲಾಗುತ್ತದೆ. ಆಯುರ್ವೇದದ ಪ್ರಕಾರ, ಈ ಗಿಡಮೂಲಿಕೆಗಳು ಮತ್ತು ಮಸಾಲೆಗಳು ಹಲವಾರು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಗುಣಲಕ್ಷಣಗಳು ಮತ್ತು ಇತರ ಗುಣಪಡಿಸುವ ಸಂಯುಕ್ತಗಳನ್ನು ಒಳಗೊಂಡಿರುತ್ತದೆ. ಆದ್ದರಿಂದ, ನಿಮ್ಮ ಆಹಾರದಲ್ಲಿ ಈ ಪಾನೀಯವನ್ನು ಸೇರಿಸುವುದರಿಂದ ನೀವು ಆರೋಗ್ಯವಾಗಿರಲು ಮತ್ತು ಕೆಲವು ಸೋಂಕುಗಳಿಗೆ ತುತ್ತಾಗುವ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಖಡಾ ಪಾನೀಯವನ್ನು ಹೇಗೆ ತಯಾರಿಸುವುದು
ತುಳಸಿ ಎಲೆಗಳು 8-10
ಲವಂಗ 10-12
ದಾಲ್ಚಿನ್ನಿ 4-5 ತುಂಡು
ಶುಂಠಿ 1 ಇಂಚು
ಕರಿಮೆಣಸು 10-12
ಒಣದ್ರಾಕ್ಷಿ ಕೆಲವು ತುಂಡುಗಳು
ನೀರು 8-10 ಕಪ್
ರುಚಿಗೆ ಹನಿ ಅಥವಾ ಬೆಲ್ಲ
ತಾಜಾ ನಿಂಬೆ ರಸ
ಅರಿಶಿನ – 1 ಇಂಚು
ಕರಿಮೆಣಸು ಮತ್ತು ದಾಲ್ಚಿನ್ನಿ ಪುಡಿಮಾಡಿ, ಪಾತ್ರೆಯಲ್ಲಿ ನೀರನ್ನು ತೆಗೆದುಕೊಂಡು ಅದನ್ನು ಕುದಿಸಿ. ಬಳಿಕ ತುಳಸಿ ಎಲೆಗಳನ್ನು ನೀರಿಗೆ ಸೇರಿಸಿ. ಸುಮಾರು 5 ನಿಮಿಷಗಳ ಬಳಿಕ ಕರಿಮೆಣಸು ಮತ್ತು ದಾಲ್ಚಿನ್ನಿ ಪುಡಿ, ಅರಿಶಿನ, ಲವಂಗ, ಶುಂಠಿಯನ್ನು ನೀರಿಗೆ ಸೇರಿಸಿ ಕುದಿಸಿ. ಸ್ವಲ್ಪ ಸಮಯದ ನಂತರ ಒಣದ್ರಾಕ್ಷಿ ತುಂಡುಗಳನ್ನು ಸೇರಿಸಿ ಮತ್ತು ಮಿಶ್ರಣವನ್ನು ಅರ್ಧಕ್ಕೆ ಬರುವವರೆಗೆ ಕುದಿಸಿ ನೀವು ರುಚಿಯನ್ನು ಹೆಚ್ಚಿಸಲು ಜೇನುತುಪ್ಪ / ಬೆಲ್ಲ ಮತ್ತು ತಾಜಾ ನಿಂಬೆ ರಸವನ್ನು ಕೂಡ ಸೇರಿಸಬಹುದು.
ಈಗ ಮನೆಯಲ್ಲಿ ತಯಾರಿಸಿದ ರೋಗನಿರೋಧಕ ಶಕ್ತಿ ಹೆಚ್ಚಿಸುವ ಪಾನೀಯವು ಸೇವಿಸಲು ಸಿದ್ಧವಾಗಿದೆ.
