ಸೊಳ್ಳೆಗಳಿಂದ ಕೋವಿಡ್-19 ಸೋಂಕು ಹರಡುವುದಿಲ್ಲ
ವಾಷಿಂಗ್ಟನ್, ಜುಲೈ 20: ಕೋವಿಡ್-19 ಸಾಂಕ್ರಾಮಿಕವು ಇತರ ವೈರಲ್ ಸಾಂಕ್ರಾಮಿಕ ರೋಗಗಳಂತೆ ಸೊಳ್ಳೆಗಳಿಂದ ಜನರಿಗೆ ಹರಡಲು ಸಾಧ್ಯವಿಲ್ಲ ಎಂದು ವಿಜ್ಞಾನಿಗಳು ಮೊದಲ ಬಾರಿಗೆ ದೃಢ ಪಡಿಸಿದ್ದಾರೆ. ಈ ಕಾಯಿಲೆಯು ಸೊಳ್ಳೆಯಿಂದ ಹರಡುವುದಿಲ್ಲ ಎಂಬ ಡಬ್ಲ್ಯೂಎಚ್.ಒ ಹೇಳಿಕೆಗೆ ಇದು ಪುರಾವೆಗಳನ್ನು ಒದಗಿಸಿದೆ.
ಸೈಂಟಿಫಿಕ್ ರಿಪೋರ್ಟ್ಸ್ ಜರ್ನಲ್ ನಲ್ಲಿ ಪ್ರಕಟವಾದ ಈ ಸಂಶೋಧನೆಯು ಕೋವಿಡ್-19 ಕಾಯಿಲೆಗೆ ಕಾರಣವಾಗುವ ಸಾರ್ಸ್ -ಕೋವ್-2, ವೈರಸ್, ಸೊಳ್ಳೆಗಳಿಂದ ಸೋಂಕು ತಗಲುವ ಮತ್ತು ಹರಡುವ ಸಾಮರ್ಥ್ಯದ ಬಗ್ಗೆ ಮೊದಲ ಪ್ರಾಯೋಗಿಕ ಸಾಕ್ಷ್ಯವನ್ನು ಒದಗಿಸಿತು. ಸೊಳ್ಳೆಗಳಿಂದ ಸೋಂಕು ಹರಡುವ ಸಾರ್ಸ್ -ಕೋವ್-2 ನ ಸಾಮರ್ಥ್ಯವನ್ನು ತನಿಖೆ ಮಾಡಲು ನಾವು ಇಲ್ಲಿ ಮೊದಲ ಪ್ರಾಯೋಗಿಕ ಡೇಟಾವನ್ನು ಒದಗಿಸುತ್ತೇವೆ” ಎಂದು ಅಧ್ಯಯನವು ತಿಳಿಸಿದೆ.
ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್‌ಒ) ಸೊಳ್ಳೆಗಳು ವೈರಸ್ ಹರಡಲು ಸಾಧ್ಯವಿಲ್ಲ ಎಂದು ಖಚಿತವಾಗಿ ಹೇಳಿದ್ದರೂ, ನಮ್ಮ ಅಧ್ಯಯನವು ಅದನ್ನು ದತ್ತಾಂಶಗಳ ಸಹಾಯದಿಂದ ಆಧಾರ ಸಹಿತವಾಗಿ ನಿರೂಪಿಸಿದ ಮೊದಲನೆಯ ಸಂಶೋಧನೆಯಾಗಿದೆ ಎಂದು ಯುಎಸ್‌ ನ ಕಾನ್ಸಾಸ್ ಸ್ಟೇಟ್ ಯೂನಿವರ್ಸಿಟಿಯ ಸಂಶೋಧನೆಯ ಸ್ಟೀಫನ್ ಹಿಗ್ಸ್ ಹೇಳಿದ್ದಾರೆ.
ವಿಶ್ವವಿದ್ಯಾನಿಲಯದ ಬಯೋಸೆಕ್ಯೂರಿಟಿ ರಿಸರ್ಚ್ ಇನ್ಸ್ಟಿಟ್ಯೂಟ್‌ ನಲ್ಲಿ ನಡೆಸಿದ ಅಧ್ಯಯನದ ಪ್ರಕಾರ, ಈಡಿಸ್ ಈಜಿಪ್ಟಿ, ಈಡಿಸ್ ಅಲ್ಬೋಪಿಕ್ಟಸ್ ಮತ್ತು ಕುಲೆಕ್ಸ್ ಕ್ವಿನ್ಕ್ಫಾಸಿಯಾಟಸ್ ಎಂಬ ಮೂರು ಸೊಳ್ಳೆಗಳಲ್ಲಿ ವ್ಯಾಪಕವಾಗಿ ಹರಡುವ ವೈರಸ್ ಪುನರಾವರ್ತಿಸಲು ಸಾಧ್ಯವಿಲ್ಲ, ಆದ್ದರಿಂದ ಮನುಷ್ಯರಿಗೆ ಹರಡಲು ಸಾಧ್ಯವಿಲ್ಲ ಎಂದು ಹೇಳಿದರು.
ರಕ್ತದಲ್ಲಿ ವೈರಸ್ ಇರುವ ವ್ಯಕ್ತಿಗೆ ಸೊಳ್ಳೆ ಕಚ್ಚಿ ಇತರರಿಗೆ ಕಚ್ಚಿದರೂ ಸಹ ವೈರಸ್ ಹರಡಲು ಸಾಧ್ಯವಿಲ್ಲ ಎಂದು ವಿಜ್ಞಾನಿಗಳು ಅಧ್ಯಯನದಿಂದ ಕಂಡು‌ಹಿಡಿದಿದ್ದಾರೆ.
