Krishna : ಟಾಲಿವುಡ್ ನ ಸ್ಟಾರ್ ನಟ , ಮಹೇಶ್ ಬಾಬು ತಂದೆ ಕೃಷ್ಣ ವಿಧಿವಶ…
ಒಂದು ಕಾಲದಲ್ಲಿ ಟಾಲಿವುಡ್ ನ ಸೂಪರ್ ಸ್ಟಾರ್ ಆಗಿದ್ದ ಹಿರಿಯ ನಟ , ಸ್ಟಾರ್ ನಟ ಮಹೇಶ್ ಬಾಬು ಅವರ ತಂದೆ ಕೃಷ್ಣ ಅವರು ನಿಧನರಾಗಿದ್ದಾರೆ..
ನಿನ್ನೆ ಆರೋಗ್ಯದಲ್ಲಿ ಏರುಪೇರುಂಟಾಗಿದ್ದ ಕಾರಣ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿತ್ತು.. ಇಂದು ಚಿಕಿತ್ಸೆ ಫಲಿಸದೇ ಕೊನೆಯುಸಿರೆಳೆದಿದ್ದಾರೆ..
ಹೃದಯಾಘಾತದಿಂದ ಕೃಷ್ಣ ಅವರು ನಿಧನರಾಗಿದ್ದಾರೆ.
80 ವರ್ಷದ ಕೃಷ್ಣ ಅವರು ವಯೋಸಹಜ ಕಾಯಿಲೆಗಳಿಂದ ಬಳಲುತ್ತಿದ್ದರು ಎಂದು ಹೇಳಲಾಗುತ್ತಿದೆ.
ತೀವ್ರ ನಿಗಾಘಟದಲ್ಲಿ ಸ್ಥಳಾಂತರಿಸಿದ ಚಿಕಿತ್ಸೆ ನೀಡಲಾಗುತ್ತಿತ್ತು. ವೆಂಟಿಲೇಟರ್ ಮೂಲಕವೇ ಅವರು ಉಸಿರಾಡುತ್ತಿದ್ದರು. ಆದರೆ ಇಂದು ಮುಂಜಾನೆ 4 ಗಂಟೆಗೆ ಸುಮಾರಿಗೆ ಚಿಕಿತ್ಸೆ ಫಲಕಾರಿಯಾಗದೇ ಇಹಲೋಕ ತ್ಯಜಿಸಿದ್ದಾರೆ..
ಇತ್ತೀಚೆಗಷ್ಟೇ ಅವರ ಪತ್ನಿ ಇಂದಿರಾ ದೇವಿ ಅವರು ನಿಧನರಾಗಿದ್ದರು.. ಆ ನಂತರ ಕೃಷ್ಣ ಅವರು ತೀವ್ರವಾಗಿ ಕುಗ್ಗಿ ಹೋಗಿದ್ದರು ಎನ್ನಲಾಗಿದೆ..
ವಿಪರ್ಯಾಸವೆಂದ್ರೆ ಮಹೇಶ್ ಬಾಬು ಅವರು ಒಂದೇ ವರ್ಷದಲ್ಲೇ ಮೂವರು ಅತ್ಯಾಪ್ತರನ್ನ ಕಳೆದುಕೊಂಡಿದ್ದಾರೆ.. ಇತ್ತೀಚೆಗಷ್ಟೇ ತಾಯಿಯನ್ನ ಕಳೆದುಕೊಂಡಿದ್ದರೀಗ ಪಿತೃ ವಿಯೋಗದ ದುಃಖದಲ್ಲಿದ್ದಾರೆ.. ಅದಕ್ಕೂ ಮೊದಲು ಈ ವರ್ಷಾರಂಭದಲ್ಲಿ ಮಹೇಶ್ ಬಾಬು ಅವರ ಅಣ್ಣ ಕೂಡ ಹಲೋಕ ತ್ಯಜಿಸಿದ್ದರು..
ರಮೇಶ್ ಬಾಬು ಜನವರಿ 8ರಂದು ಅನಾರೋಗ್ಯ ಕಾರಣದಿಂದ ಕೊನೆಯುಸಿರೆಳೆದಿದ್ದರು. ರಮೇಶ್ ಬಾಬು ಹಲವು ದಿನಗಳಿಂದ ಲಿವರ್‌ ಸಂಬಂಧಿ ಸಮಸ್ಯೆಯಿಂದ ಬಳಲುತ್ತಿದ್ದರು. ಆದರೆ, ದಿಢೀರನೇ ಆರೋಗ್ಯದಲ್ಲಿ ಏರು-ಪೇರಾಗಿದ್ದರಿಂದ ಆಸ್ಪತ್ರೆ ದಾಖಲಿಸಿದರೂ, ಬದುಕುಳಿಯಲಿಲ್ಲ. ಆ ವೇಳೆ ಮಹೇಶ್ ಬಾಬುಗೆ ಕೋವಿಡ್ ಸೋಂಕು ಕೂಡ ತಗುಲಿತ್ತು..
