ಎಲ್ರಿಗೂ ಗೊತ್ತಿದೆ ಈಗ ಬಾಲಿವುಡ್ ಮುಂದೆ ಸೌತ್ ಅಬ್ಬರ ಹೇಗಿದೆ… KGF 2 ಮುಂದೆ ಬಾಲಿವುಡ್ ನ ಸ್ಟಾರ್ ಸಿನಿಮಾಗಳು ಅದ್ಹೇಗೆ ಹೇಳ ಹೆಸರಿಲ್ಲದಂತೆ ಹೋಯ್ತು ಅನ್ನೋದು.. ಹಾಗೆಯೇ KGF 2 ಬಾಲಿವುಡ್ ನ ಸ್ಟಾರ್ ನಟ ಅಮಿರ್ ಖಾನ್ ರ ಲಾಲ್ ಸಿಂಗ್ ಚಡ್ಡಾ ಸಿನಿಮಾ ಟಕ್ಕರ್ ಕೊಡೋದಕ್ಕೂ ರೆಡಿಯಾಗಿದ್ದು , ಆ ನಂತರ ಸಿನಿಮಾದ ಕ್ರೇಜ್ ನೋಡಿ ಹಿಂದೆ ಸರಿದ ವಿಚಾರವೂ ಎಲ್ರಿಗೂ ಗೊತ್ತಿದೆ..
ಇದೀಗ ಲಾಲ್ ಸಿಂಗ್ ಚಡ್ಡಾ ಪ್ರಮೋಷನ್ ನಲ್ಲಿ ಅಮಿರ್ ಖಾನ್ ಬ್ಯುಸಿಯಾಗಿದ್ದಾರೆ.. ಅಂದ್ಹಾಗೆ ಒಂದು ಆಶ್ಚರ್ಯಕರ ಹೇಳಿಕೆ ನೀಡಿರುವ ಅಮಿರ್ KGF 2 ಸಿನಿಮಾದ ಜೊತೆಗೆ ಲಾಲ್ ಸಿಂಗ್ ಚಡ್ಡಾ ಕಾಂಪಿಟೇಷನ್ ಕೊಡದೇ ಇರೋದ್ರಿಂದ ಖುಷಿಯಾಗಿದೆ ಎಂದಿದ್ದಾರೆ..
ಲಾಲ್ ಸಿಂಗ್ ಚಡ್ಡಾ ಈ ಹಿಂದೆ ಕೆಜಿಎಫ್ 2 ರಿಲೀಸ್ ದಿನವೇ ಅಂದ್ರೆ ಏಪ್ರಿಲ್ 14 ರಂದು ಬಿಡುಗಡೆ ಮಾಡಲು ನಿರ್ಧರಿಸಲಾಗಿತ್ತು, ಆದರೆ ಮುಂದೂಡಲಾಯ್ತು. ಯಶ್ ಅಭಿನಯದ ಈ ಚಿತ್ರವು ವಿಶ್ವಾದ್ಯಂತ ರೂ.1000 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿ ಭಾರೀ ಯಶಸ್ಸನ್ನು ಕಂಡಿತು. ಅಮೀರ್ ಈಗ ತಮ್ಮ ಸಿನಿಮಾ ಮುಂದೂಡಿದ್ದಕ್ಕೆ ಖುಷಿಯಾಗುತ್ತಿದೆ ಎಂದಿದ್ದಾರೆ.
ಹೈದರಾಬಾದ್‌ನಲ್ಲಿ ಲಾಲ್ ಸಿಂಗ್ ಚಡ್ಡಾ ವಿಶೇಷ ಕಾರ್ಯಕ್ರಮದ ಸಂದರ್ಭದಲ್ಲಿ, ಖಾನ್ ಚಲನಚಿತ್ರಗಳ ನಡುವಿನ ಘರ್ಷಣೆಯನ್ನು ತಪ್ಪಿಸಿದ ಬಗ್ಗೆ ಮಾತನಾಡುತ್ತಾ “ಕೆಜಿಎಫ್ 2 ರಿಲೀಸ್ ಡೇಟ್ ಹತ್ತಿರ ಬಂದಾಗ ನನಗೆ ನೆನಪಿದೆ, ಹಿಂದಿ ಪ್ರೇಕ್ಷಕರಲ್ಲಿ, ನನ್ನ ಸ್ವಂತ ಸ್ನೇಹಿತರಲ್ಲಿ ಸಿನಿಮಾದ ಬಗ್ಗೆ ಸಾಕಷ್ಟು ಉತ್ಸಾಹವಿತ್ತು”.
ಆ ದಿನವೇ ಲಾಲ್ ಸಿಂಗ್ ಚಡ್ಡಾ ಬಿಡುಗಡೆಯಾಗಬೇಕಿತ್ತು. ಆದರೆ ಅದೃಷ್ಟವಶಾತ್ ನಮಗೆ, ರೆಡ್ ಚಿಲ್ಲಿಸ್ VFX ನಲ್ಲಿ ಸ್ವಲ್ಪ ಸಮಯ ತೆಗೆದುಕೊಂಡಿತ್ತು.. ಆದ್ದರಿಂದ ನಾವು ಉಳಿಸಿದ್ದೇವೆ ಇಲ್ಲದಿದ್ದರೆ ಕೆಜಿಎಫ್ 2 ಜೊತೆ ಬರುತ್ತಿದ್ದೆವು… ತುಂಬಾ ಟಫ್ ಕಾಂಪಿಟೇಷನ್ ಇರುತ್ತಿತ್ತು ಎಂದಿದ್ಧಾರೆ..
ಲಾಲ್ ಸಿಂಗ್ ಚಡ್ಡಾ 1994 ರ ಅಮೇರಿಕನ್ ಚಲನಚಿತ್ರ ಫಾರೆಸ್ಟ್ ಗಂಪ್‌ ನ ಅಧಿಕೃತ ರಿಮೇಕ್ ಆಗಿದ್ದು, ಇದು ವಿನ್‌ ಸ್ಟನ್ ಗ್ರೂಮ್ ಅವರ 1986 ರ ಅದೇ ಹೆಸರಿನ ಕಾದಂಬರಿಯನ್ನು ಆಧರಿಸಿದೆ. ಈ ಸಿನಿಮಾದಲ್ಲಿ ಕರೀನಾ ಕಪೂರ್ ಮತ್ತು ನಾಗ ಚೈತನ್ಯ ಸಹ ಪ್ರಮುಖ ಪಾತ್ರಗಳಿಗೆ ಬಣ್ಣ ಹಚ್ಚಿದ್ದಾರೆ..
