2020ರಲ್ಲಿ ನಡೆದಿರುವ ಮೂರನೇ ವಿಮಾನ ದುರಂತ… 2010ರಿಂದ ಇಲ್ಲಿಯವರೆಗೆ ನಡೆದಿರುವ ವಿಮಾನ ದುರಂತಗಳ ಪೂರ್ತಿ ವಿವರ ಇಲ್ಲಿದೆ..
ಆಗಸ್ಟ್ 7 2020- ಕರಿಪ್ಪುರ್ ವಿಮಾನ ದುರಂತ
ಆಗಸ್ಟ್ 7, 2020. ರಾತ್ರಿ 7.10ಕ್ಕೆ ದುಬೈನಿಂದ ಕ್ಯಾಲಿಕಟ್ಗೆ ಆಗಮಿಸುತ್ತಿದ್ದ ಏರ್ ಇಂಡಿಯಾ ಎಕ್ಸ್ ಪ್ರೆಸ್ ವಿಮಾನ ಲ್ಯಾಂಡಿಂಗ್ ವೇಳೆ ನೆಲಕ್ಕೆ ಅಪ್ಪಳಿಸಿ ಪತನಗೊಂಡಿದೆ. ಈ ಘಟನೆಯಲ್ಲಿ ಸದ್ಯದ ವರದಿಯ ಪ್ರಕಾರ ಪೈಲೆಟ್ ಸೇರಿ ನಾಲ್ವರು ಸಾವನ್ನಪ್ಪಿದ್ದಾರೆ. ಮೇಲ್ನೋಟಕ್ಕೆ ಧಾರಕಾರವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಈ ದುರಂತ ನಡೆದಿದೆ ಎನ್ನಲಾಗುತ್ತಿದೆ. ವಿಮಾನದಲ್ಲಿ ಒಟ್ಟು 191 ಮಂದಿ ಪ್ರಯಾಣಿಕರಿದ್ದರು.
ಮೇ 22, 2010 ಮಂಗಳೂರು ವಿಮಾನ ದುರಂತ
ಅಂದ ಹಾಗೇ ಈ ದುರುಂತ 2010 ಮೇ 22ರಂದು ಮಂಗಳೂರು ವಿಮಾನ ದುರಂತವನ್ನು ನೆನಪಿಸುವಂತಿದೆ. ಪೈಲೆಟ್ ತಪ್ಪು ನಿರ್ಧಾರದಿಂದಾಗಿ ಈ ದುರಂತದಲ್ಲಿ 158 ಮಂದಿ ಸಾವನ್ನಪ್ಪಿದ್ದರು. ಬದುಕಿ ಉಳಿದವರು ಎಂಟು ಮಂದಿ ಮಾತ್ರ. ಒಟ್ಟು ಏರ್ ಇಂಡಿಯಾ ಎಕ್ಸ್ ಪ್ರೆಸ್ ವಿಮಾನದಲ್ಲಿ 166 ಮಂದಿ ಪ್ರಯಾಣಿಕರಿದ್ದರು. ಇದೀಗ ಹತ್ತು ವರ್ಷಗಳ ಬಳಿಕ ನೆರೆಯ ಕೇರಳದ ಕರಿಪ್ಪುರ್ ವಿಮಾಣ ನಿಲ್ದಾಣದಲ್ಲಿ ದುರಂತ ಸಂಭವಿಸಿದೆ. ಒಟ್ಟಾರೆ 2020ರಲ್ಲಿ ಅಂದ್ರೆ ಕಳೆದ ಎಂಟು ತಿಂಗಳಿನಲ್ಲಿ ವಿಶ್ವದ್ಯಾಂತ ನಡೆದಿರುವ ಮೂರನೇ ಘಟನೆ ಇದಾಗಿದೆ.
ಜನವರಿ 2020 – ಉಕ್ರೇನ್ ವಿಮಾನ ದುರಂತ
2020ರ ಜನವರಿಯಲ್ಲಿ ಉಕ್ರೇನ್ ನ ಟೆಹ್ರಾನ್ ವಿಮಾನ ನಿಲ್ದಾಣದಲ್ಲಿ ನಡೆದಿದ್ದ ದುರಂತದಲ್ಲಿ ಒಟ್ಟು 176 ಮಂದಿ ಸಾವನ್ನಪ್ಪಿದ್ದರು. ವಿಮಾನದಲ್ಲಿ 167 ಮಂದಿ ಪ್ರಯಾಣಿಕರು ಮತ್ತು 9 ಮಂದಿ ಸಿಬ್ಬಂದಿಗಳಿದ್ದರು.
ಮೇ 2020- ಪಾಕಿಸ್ತಾನದಲ್ಲಿ ವಿಮಾನ ದುರಂತ
ಪಾಕಿಸ್ತಾನ ಅಂತಾರಾಷ್ಟ್ರೀಯ ಏರ್ ಲೈನ್ಸ್ 2020ರ ಮೇ ತಿಂಗಳಿನಲ್ಲಿ ದುರಂತ ಸಂಭವಿಸಿದ್ದು, 98 ಮಂದಿ ಸಾವನ್ನಪ್ಪಿದ್ದಾರೆ. ಈ ವಿಮಾನದಲ್ಲಿ ಒಟ್ಟು 107 ಮಂದಿ ಪ್ರಯಾಣಿಕರಿದ್ದರು. ಈ ದುರಂತ ಕರಾಚಿ ವಿಮಾನ ನಿಲ್ದಾಣದ ಬಳಿ ಸಂಭವಿಸಿದೆ.
ಡಿಸೆಂಬರ್ 6, 2016ರಲ್ಲಿ ಪಾಕಿಸ್ತಾನ ಏರ್ ಲೈನ್ಸ್ ದುರಂತ
ಇನ್ನು ಡಿಸೆಂಬರ್ 6, 2016ರಲ್ಲಿ ಪಾಕಿಸ್ತಾನ ಇಂಟರ್ ನ್ಯಾಷನಲ್ ಏರ್ ಲೈನ್ಸ್ ವಿಮಾನವು ಇಸ್ಲಾಮಾಬಾದ್ ನಲ್ಲಿ ಪತನಗೊಂಡಿತ್ತು. ಈ ದುರಂತದಲ್ಲಿ ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದ 48 ಮಂದಿ ದುರ್ಮರಣಕ್ಕಿಡಾಗಿದ್ದಾರೆ.
ಮೇ 2019 ರಷ್ಯಾ ವಿಮಾನ ದುರಂತ
2019ರ ಮೇನಲ್ಲಿ ರಷ್ಯಾ ಏರೋ ಫ್ಲೋಟ್ ವಿಮಾನ ದುರಂತ ಸಂಭವಿಸಿದ್ದು, ಇಬ್ಬರು ಮಕ್ಕಳು ಸೇರಿದಂತೆ ಒಟ್ಟು 49 ಮಂದಿ ಸಾವನ್ನಪ್ಪಿದ್ದರು. ಇದು ತುರ್ತು ಲ್ಯಾಂಡಿಂಗ್ ವೇಳೆ ಬೆಂಕಿ ಸ್ಪೋಟವಾಗಿರುವುದರಿಂದ ಈ ಘಟನೆ ನಡೆದಿದೆ.
ಮಾರ್ಚ್ 10, 2019 ಇಥಿಯೋಪಿಯನ್ ವಿಮಾನ ದುರಂತ
ಇಥಿಯೋಪಿಯನ್ ಏರ್ ಲೈನ್ಸ್ ವಿಮಾನ ಆಡಿಸ್ ಅಬಾಬಾ ದಿಂದ ಕೀನ್ಯಾದ ರಾಜಧಾನಿ ನೈರೋಬಿಗೆ ಪ್ರಯಾಣ ಬೆಳೆಸುತ್ತಿತ್ತು. ಆದ್ರೆ ವಿಮಾನ ಟೇಕ್ ಆಫ್ ಆಗುವಾಗಲೇ ಪತನಗೊಂಡು ವಿಮಾನದಲ್ಲಿದ್ದ 149 ಪ್ರಯಾಣಿಕರು ಮತ್ತು ಎಂಟು ಸಿಬ್ಬಂದಿಗಳು ಸಾವನ್ನಪ್ಪಿದ್ದರು.
ಅಕ್ಟೋಬರ್ 2018 ಇಂಡೋನೇಷ್ಯಾ ಲಯನ್ ಏರ್ ಬೋಯಿಂಗ್ ದುರಂತ
2018ರಲ್ಲಿ ಸರಣಿ ಹಂತಗಳಲ್ಲಿ ವಿಮಾನ ದುರಂತಗಳು ಸಂಭವಿಸಿವೆ. ಇಂಡೋನೇಷ್ಯಾ ಲಯನ್ ಏರ್ ಬೋಯಿಂಗ್ 737 ದುರಂತ 2018ರ ಅಕ್ಟೋಬರ್ ನಲ್ಲಿ ನಡೆದಿದೆ. ಈ ದುರಂತದಲ್ಲಿ 189 ಮಂದಿ ನಿಧನರಾಗಿದ್ದರು.
ಮಾರ್ಚ್ , 2018 ಕಾಠ್ಮಂಡ್ ವಿಮಾನ ಪತನ
ಮಾರ್ಚ್ 2018ರಲ್ಲಿ ಢಾಕಾ ದಿಂದ ಪ್ರಯಾಣಿಸುತ್ತಿದ್ದ ಕಾಠ್ಮಂಡ್ ವಿಮಾನ ದುರಂತದಲ್ಲಿ 67 ಪ್ರಯಾಣಿಕರು ಮತ್ತು ನಾಲ್ಕು ಮಂದಿ ಸಿಬ್ಬಂದಿಗಳು ಸಾವನ್ನಪ್ಪಿದ್ದರು.
2018. ಮುಂಬೈ ಕರಾವಳಿಯಲ್ಲಿ ಭಾರತದ ಹೆಲಿಕಾಪ್ಟರ್ ಪತನ
ಪವನ್ ಹೇನ್ಸ್ ಹೆಲಿಕಾಪ್ಟರ್ 2018ರ ಮಾರ್ಚ್ನಲ್ಲಿ ಮುಂಬೈ ಕರಾವಳಿಯಲ್ಲಿ ಪತನಗೊಂಡಿತ್ತು. ಈ ದುರಂತದಲ್ಲಿ ಒಎನ್ಜಿಸಿ ಸಂಸ್ಥೆಯ ಐವರು ಅಧಿಕಾರಿಗಳು ಮತ್ತು ಇಬ್ಬರು ಪೈಲೆಟ್ಗಳು ದುರಂತದಲ್ಲಿ ಸಾವನ್ನಪ್ಪಿದ್ದರು.
ಮಾರ್ಚ್ 2018- ಟರ್ಕಿಸ್ ಖಾಸಗಿ ವಿಮಾನ ಅಪಘಾತ
ಯುನೈಟೆಡ್ ಅರಬ್ ಎಮಿರೇಟ್ಸ್ ನಿಂದ ಇಸ್ತಾಂಬುಲ್ಗೆ ಪ್ರಯಾಣಿಸುತ್ತಿದ್ದ ಟರ್ಕಿಯ ಖಾಸಗಿ ವಿಮಾನ ಇರಾನ್ನ ಪರ್ವತ ಪ್ರದೇಶದಲ್ಲಿ ಭಾರಿ ಮಳೆಯಿಂದಾಗಿ ಅಪಘಾತಕ್ಕೀಡಾಗಿತ್ತು. ಈ ದುರಂತದಲ್ಲಿ ಜೆಟ್ ನಲ್ಲಿದ್ದ ಎಲ್ಲಾ 11 ಮಂದಿ ಸಾವನ್ನಪ್ಪಿದ್ದಾರೆ.
ಮಾರ್ಚ್ 2018- ಸಿರಿಯಾದಲ್ಲಿ ರಷ್ಯಾದ ಮಿಲಿಟರಿ ವಿಮಾನ ಪತನ
2018ರ ಮಾರ್ಚ್ ನಲ್ಲಿ ಸಿರಿಯಾದಲ್ಲಿ ರಷ್ಯಾದ ಮಿಲಿಟರಿ ಸರಕು ವಿಮಾನ ಅಪಘಾತಕ್ಕೀಡಾಗಿತ್ತು. ಈ ದುರಂತದಲ್ಲಿ ರಷ್ಯಾದ 39 ಸೈನಿಕರು ಮೃತಪಟ್ಟಿದ್ದಾರೆ.
ಫೆಬ್ರವರಿ 2018- ಅಸ್ಸಾಂ ನಲ್ಲಿ ಐಎಎಫ್ ಹೆಲಿಕಾಪ್ಟರ್ ಪತನ
2018ರ ಫೆಬ್ರವರಿಯಲ್ಲಿ ಅಸ್ಸಾಂನ ಮಜುಲಿ ದ್ವೀಪದಲ್ಲಿ ಐಎಎಫ್ ಹೆಲಿಕಾಪ್ಟರ್ ಪತನಗೊಂಡಿದ್ದು, ಭಾರತದ ವಾಯುಪಡೆಯ ಇಬ್ಬರು ಪೈಲೆಟ್ಗಳು ಸಾವನ್ನಪ್ಪಿದ್ದಾರೆ.
ಜುಲೈ 2014 ಮಲೇಶ್ಯಾ ವಿಮಾನ ದುರಂತ
2014ರ ಜುಲೈನಲ್ಲಿ ಮಲೇಶ್ಯಾ ಏರ್ ಲೈನ್ಸ್ ವಿಮಾನ ಎಂಎಚ್17 ಪೂರ್ವ ಉಕ್ರೇನ್ನ ಗ್ರಾಬೋವ್ ಬಳಿ ದುರಂತಕ್ಕೀಡಾಗಿತ್ತು. ಈ ವಿಮಾನದಲ್ಲಿದ್ದ ಎಲ್ಲಾ ಪ್ರಯಾಣಿಕರು ಅಂದ್ರೆ 298 ಮಂದಿ ಸಾವನ್ನಪ್ಪಿದ್ದರು.
