ಪುಟಿನ್ ಏಜೆಂಟ್ ಗಳಿಂದ ಲಿಜ್ ಟ್ರಸ್ ಫೋನ್ ಹ್ಯಾಕ್…
ಬ್ರಿಟನ್ನ ಮಾಜಿ ಪ್ರಧಾನಿ ಲಿಜ್ ಟ್ರಸ್ ಅವರ ಪರ್ಸನಲ್ ಫೋನ್ ಅನ್ನು ಯಾರೋ ಹ್ಯಾಕ್ ಮಾಡಿದ್ದಾರೆ ಎಂದು ಬ್ರಿಟಿಷ್ ಮಾಧ್ಯಮಗಳು ಶನಿವಾರ ತಿಳಿಸಿವೆ. ಲಿಜ್ ಟ್ರಸ್ ಹಣಕಾಸು ಸಚಿವರಾಗಿದ್ದ ಅವಧಿಯಲ್ಲಿ ಈ ಹ್ಯಾಕಿಂಗ್ ನಡೆದಿರುವುದು ಬಹಿರಂಗವಾಗಿದೆ. ಈ ಹ್ಯಾಕರ್ಗಳು ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರ ಏಜೆಂಟ್ಗಳು ಎಂದು ಶಂಕಿಸಲಾಗಿದೆ.
ಲಿಜ್ ಟ್ರಸ್, ಮಿತ್ರ ರಾಷ್ಟ್ರಗಳ ನಾಯಕರ ಜೊತೆಗಿನ ರಹಸ್ಯ ಮಾತುಕತೆಯ ವಿವರಗಳು ಮತ್ತು ಆಕೆಯ ಆಪ್ತ ಸ್ನೇಹಿತೆ ಕ್ವಾಸಿ ಕ್ವಾರ್ಟೆಂಗ್ ಅವರೊಂದಿಗೆ ವಿನಿಮಯ ಮಾಡಿಕೊಂಡ ಖಾಸಗಿ ಸಂದೇಶಗಳ ವಿವರಗಳು ಈ ಫೋನ್ ಮೂಲಕ ಹ್ಯಾಕರ್ಗಳಿಗೆ ಬಹಿರಂಗವಾಗಿದೆ.
ಉಕ್ರೇನ್ ಯುದ್ಧ, ಶಸ್ತ್ರಾಸ್ತ್ರ ಪೂರೈಕೆ ಕುರಿತು ಕೆಲ ದೇಶಗಳ ವಿದೇಶಾಂಗ ಸಚಿವರೊಂದಿಗೆ ನಡೆಸಿದ ಚರ್ಚೆಯ ವಿವರವೂ ಹ್ಯಾಕರ್ ಗಳಿಗೆ ಸಿಕ್ಕಿದೆ ಎನ್ನಲಾಗಿದೆ. ಮಾಜಿ ಪ್ರಧಾನಿ ಬೋರಿಸ್ ಜಾನ್ಸನ್ ಅವರನ್ನು ಟ್ರಸ್ ಮತ್ತು ಕ್ವಾರ್ಟೆಂಗ್ ಟೀಕಿಸಿದ್ದಾರೆ ಎಂಬ ಸಂದೇಶಗಳನ್ನು ಒಳಗೊಂಡಂತೆ ಸುಮಾರು ಒಂದು ವರ್ಷದಿಂದ ವಿನಿಮಯಗೊಂಡ ಸಂದೇಶಗಳನ್ನು ಹ್ಯಾಕರ್ಗಳು ಡೌನ್ಲೋಡ್ ಮಾಡಿದ್ದಾರೆ ಎಂದು ಬ್ರಿಟಿಷ್ ಮಾಧ್ಯಮ ತಿಳಿಸಿದೆ.
ಕನ್ಸರ್ವೇಟಿವ್ ಪಕ್ಷದ ನಾಯಕತ್ವದ ಪ್ರಚಾರದ ಸಮಯದಲ್ಲಿ ಹ್ಯಾಕಿಂಗ್ ಪತ್ತೆಯಾಗಿದೆ ಎಂದು ಅದು ಹೇಳಿದೆ.
Liz Truss’s Phone Was Hacked By Putin’s Spies Who Gained Access To Top Secret Information
