Madhyapradesh : ಅಪ್ರಾಪ್ತ ಮಗಳ ಮೇಲೆ ತಂದೆಯಿಂದಲೇ ನಿರಂತರ ಅತ್ಯಾಚಾರ – ಜೀವಾವಧಿ ಶಿಕ್ಷೆ ವಿಧಿಸಿದ ನ್ಯಾಯಾಲಯ
13 ವರ್ಷದ ಸ್ವಂತ ಮಗಳ ಮೇಲೆ ತಂದೆಯೇ ಪದೇ ಪದೇ ಅತ್ಯಾಚಾರವೆಸಗಿರುವಂತಹ ಹೇಯ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ.. ಪಾಪಿ ತಂದೆಗೆ ಇಂದೋರ್ ನ್ಯಾಯಾಲಯವು ಜೀವಾವಧಿ ಶಿಕ್ಷೆ ಘೋಷಿಸಿ 6 ಸಾವಿರ ರೂಗಳ ದಂಡ ವಿಧಿಸಿದೆ..
ಸರ್ಕಾರದ ವತಿಯಿಂದ ಸಂತ್ರಸ್ತ ಬಾಲಕಿಗೆ 3 ಲಕ್ಷ ರೂ. ಪರಿಹಾರವನ್ನು ನೀಡುವಂತೆ ಶಿಫಾರಸು ಮಾಡಿದೆ. 2018ರ ಪ್ರಕರಣ ಉಲ್ಲೇಖಿಸಿ ವಿಶೇಷ ನ್ಯಾಯಾಧೀಶರಾದ ಸುರೇಖಾ ಮಿಶ್ರಾ ಅವರು ತೀರ್ಪು ನೀಡಿದ್ದಾರೆ.
32 ವರ್ಷದ ಆರೋಪಿ 2018ರಲ್ಲಿ ತನ್ನ ಸ್ವಂತ ಮಗಳ ಮೇಲೆ ಹಲವು ಬಾರಿ ಅತ್ಯಾಚಾರ ಎಸಗಿದ್ದ. ಈ ವಿಚಾರವನ್ನು ಯಾರಿಗಾದ್ರೂ ಹೇಳಿದರೆ, ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದ. ಈ ಪ್ರಕರಣ ಬೆಳಕಿಗೆ ಬಂದ ನಂತರ ಕೇಸ್ ದಾಖಲಿಸಿ ಪೊಲೀಸರು ಕಾಮುಕ ತಂದೆಯನ್ನು ಬಂಧಿಸಿದ್ದರು.
ಈ ಕುರಿತು ಶನಿವಾರ ನಡೆದ ವಿಚಾರಣೆ ಬಳಿಕ ಆರೋಪಿಯನ್ನು ದೋಷಿ ಎಂದು ಗುರುತಿಸಿ, ಜೀವಾವಧಿ ಶಿಕ್ಷೆ ವಿಧಿಸಲಾಗಿದೆ.
ನ್ಯಾಯಾಧೀಶರಾದ ಸುರೇಖ್ ಮಿಶ್ರಾ ಅವರು , ಯಾವುದೇ ಹೆಣ್ಣು ಅಹಿತಕರ ಘಟನೆಗೆ ತುತ್ತಾದಾಗ ತಂದೆಯ ರಕ್ಷಣೆ ನಿರೀಕ್ಷಿಸುತ್ತಾರೆ. ಅಂತಹದ್ದರಲ್ಲಿ ತಂದೆಯಿಂದಲೇ ಇಂತಹ ಹೇಯ ಅಪರಾಧವಾದರೆ ಯಾರ ರಕ್ಷಣೆ ನಿರೀಕ್ಷಿಸಬೇಕು.
ಈ ವ್ಯಕ್ತಿ ತನ್ನ ಮಗಳಿಗೆ ಮಾತ್ರ ದ್ರೋಹ ಮಾಡಿಲ್ಲ. ಬದಲಿಗೆ ಇಡೀ ಸಮಾಜದಲ್ಲಿ ತಂದೆ ಸ್ಥಾನವನ್ನೇ ಪ್ರಶ್ನೆ ಮಾಡುವಂತಹ ಅಪರಾಧ ಮಾಡಿದ್ದಾನೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
