‘ಬಿಜೆಪಿ ಗೆದ್ರೆ ರಾಜ್ಯದ ಜನರನ್ನ ಹೊರಹಾಕ್ತಾರೆ.. ಪೊರಕೆ ಸೌಟೇ ಅವರಿಗೆ ಪಾಠ ಕಲಿಸುತ್ತೆ : ದೀದಿ ಕೆಂಡಾಮಂಡಲ..!
ಪಶ್ಚಿಮ ಬಂಗಾಳ: ಪಶ್ಚಿಮ ಬಂಗಾಳ : ಪಶ್ಚಿಮ ಬಂಗಾಳದಲ್ಲಿ ಚುನಾವಣಾ ಕಣ ರಂಗೇರಿದೆ. ಈಗಾಗಲೇ ಮೊದಲ ಹಂತದ ವಿಧಾನಸಭಾ ಚುನಾವಣೆ ನಡೆದಿದೆ. ಮೊದಲ ಹಂತದಲ್ಲಿ ಒಟ್ಟು 30 ಕ್ಷೇತ್ರಗಳಿಗೆ ಚುನಾವಣೆ ನಡೆದಿದ್ದು, TMC ಪ್ರಚಾರ ಮುಂದುವರೆಸಿದೆ. ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ವ್ಹೀಲ್ ಚೇರ್ ನಲ್ಲಿ ಭರ್ಜರಿ ಪ್ರಚಾರ ನಡೆಸುತ್ತಿದ್ದಾರೆ.
ಈ ವೇಳೆ ಬಿಜೆಪಿ ಪಕ್ಷದ ವಿರುದ್ಧ ದೀದಿ ಗುಡುಗಿದ್ದಾರೆ. ಒಂದು ವೇಳೆ ನೀವು ಬಿಜೆಪಿಗೆ ಮತ ಹಾಕಿ ಗೆಲ್ಲಿಸಿಬಿಟ್ಟರೆ ಅವರು ನಿಮ್ಮನ್ನೆಲ್ಲರನ್ನೂ ರಾಜ್ಯದಿಂದ ಹೊರ ನೂಕುತ್ತಾರೆ. ಹೊರಗಿನವರನ್ನು ಇಲ್ಲಿಗೆ ಕರೆದುಕೊಂಡು ಬಂದು ತಮ್ಮ ಶಕ್ತಿ ಪ್ರದರ್ಶನ ಮಾಡುತ್ತಾರೆ. ಆಳ್ವಿಕೆ ನಡೆಸುತ್ತಾರೆ ಎಂದು ಜನರಿಗೆ ಮಮತಾ ಬ್ಯಾಜರ್ಜಿ ಹೇಳಿದ್ದಾರೆ.
ಇದೇ ವೇಳೆ ನೀವು ನಮ್ಮ ಟಿಎಂಸಿಗೆ ಮತ ಹಾಕಿದ್ದೇ ಆದಲ್ಲಿ ನಾವು ನಿಮಗೆ ಮನೆ ಮನೆಗೆ ಪಡಿತರ ತಂದು ಕೊಡುವ ವ್ಯವಸ್ಥೆ ಮಾಡುತ್ತೇವೆ ಎಂದು ಹೇಳಿದ್ದಾರೆ. ನಾನು ನಂದಿಗ್ರಾಮದಿಂದ ಗೆದ್ದರೆ, ಇಲ್ಲೇ ಒಂದು ಕಚೇರಿ ಆರಂಭಿಸುತ್ತೇನೆ. ಈ ಆಟವನ್ನು ಗೆದ್ದೇ ಗೆಲ್ಲುತ್ತೇವೆ. ಒಂದು ವೇಳೆ ಬಿಜೆಪಿಯವರು ಗೂಂಡಾಗಿರಿ ಮಾಡಲು ಬಂದರೆ ನಮ್ಮಲ್ಲಿನ ಪೊರಕೆ ಮತ್ತು ಸೌಟೇ ಅವರಿಗೆ ಬುದ್ಧಿ ಕಲಿಸಲಿವೆ ಎಂದು ಕೆಂಡಕಾರಿದ್ದಾರೆ.
ನಿರೀಕ್ಷಣಾ ಜಾಮೀನು ಅರ್ಜಿ ಸಲ್ಲಿಕೆಗೆ ರಮೇಶ್ ಜಾರಕಿಹೊಳಿ ಚಿಂತನೆ..?
ನಿರೀಕ್ಷಣಾ ಜಾಮೀನು ಅರ್ಜಿ ಸಲ್ಲಿಕೆಗೆ ರಮೇಶ್ ಜಾರಕಿಹೊಳಿ ಚಿಂತನೆ..?
‘ರಾಜಕೀಯ ಪೈಲ್ವಾನ್’ ಶರದ್ ಪವಾರ್ ಗೆ ಅನಾರೋಗ್ಯ – ಶಸ್ತ್ರ ಚಿಕಿತ್ಸೆ ಅಗತ್ಯ..!
‘ಬಾಹುಬಲಿ’ಯ ಕಾರ್ ಕಲೆಕ್ಷನ್ ಗೆ ಸೇರಿದ ಹೊಸ ದುಬಾರಿ ಕಾರ್..! ಬೆಲೆ ಕೇಳುದ್ರೆ ಶಾಕ್ ಆಗ್ತೀರಾ..!
