ಕೊರೊನಾಗೆ ಮಂಗಳೂರಿನ ಕೌನ್ಸಿಲರ್ ನ ರಮ್ ಮತ್ತು ಅರ್ಧ ಹುರಿದ ಮೊಟ್ಟೆಗಳ ಮನೆಮದ್ದು !!
ಮಂಗಳೂರು, ಜುಲೈ 17: ವಿವಿಧ ಜನರು ಸೂಚಿಸಿದ ಮನೆಮದ್ದುಗಳ ಮಧ್ಯೆ ಜನರು ಕೊರೋನವೈರಸ್ ವಿರುದ್ಧ ಲಸಿಕೆಗಾಗಿ ಕಾಯುತ್ತಿರುವಾಗ, ಮಂಗಳೂರಿನ ಕಾಂಗ್ರೆಸ್ ಕೌನ್ಸಿಲರ್ ವೈರಸ್ ಗಾಗಿ – ರಮ್ ಮತ್ತು ಅರ್ಧ ಹುರಿದ ಮೊಟ್ಟೆಗಳ ಒಂದು ಹೊಸ ಮದ್ದನ್ನು ತಿಳಿಸಿದ್ದಾರೆ.
ವೀಡಿಯೊದ ಮೂಲಕ ಅವರು ಕೊರೋನವೈರಸ್ ಅನ್ನು ಸೋಲಿಸಲು ಮಾಡಿದ ಶಿಫಾರಸು ಗುರುವಾರ ವೈರಲ್ ಆಗಿದೆ.
90 ಎಂಎಲ್ ರಮ್ ನಲ್ಲಿ ಒಂದು ಟೀ ಸ್ಪೂನ್ ಒಳ್ಳೆ ಮೆಣಸು ಹುಡಿ ಸೇರಿಸಿ ಮತ್ತು ಅದನ್ನು ನಿಮ್ಮ ಬೆರಳಿನಿಂದ ಚೆನ್ನಾಗಿ ಬೆರೆಸಿ ಕುಡಿಯಿರಿ. ನಂತರ ಎರಡು ಅರ್ಧ ಕರಿದ ಆಮ್ಲೆಟ್ ಗಳನ್ನು ಸೇವಿಸಿ ಕೊರೋನಾವನ್ನು ಹೋಗಲಾಡಿಸಿ ಎಂದು ಮಂಗಳೂರು ಬಳಿಯ ಉಳ್ಳಾಲ ಪಟ್ಟಣದ ಕೌನ್ಸಿಲರ್ ರವಿಚಂದ್ರ ಗಟ್ಟಿ ವೀಡಿಯೊದಲ್ಲಿ ಹೇಳಿದ್ದಾರೆ.
ಗಟ್ಟಿ ಅವರು ಕೋವಿಡ್ -19 ಗಾಗಿ ಅನೇಕ ಔಷಧಿಗಳನ್ನು ಪ್ರಯತ್ನಿಸಿದ್ದು, ಆದರೆ ರಮ್ ಮತ್ತು ಮೊಟ್ಟೆಗಳು ಮಾತ್ರ ಕಾರ್ಯನಿರ್ವಹಿಸುತ್ತವೆ ಎಂದು ಭರವಸೆ ನೀಡಿದರು.
ನಾನು ಇದನ್ನು ರಾಜಕಾರಣಿಯಾಗಿ ಸೂಚಿಸುತ್ತಿಲ್ಲ, ಆದರೆ ಕೊರೋನಾ ಸಮಿತಿಯ ಸದಸ್ಯನಾಗಿ ಸಲಹೆ ನೀಡುತ್ತಿದ್ದೇನೆ ಎಂದು ಅವರು ಹೇಳಿದರು.
ಬೆಂಗಳೂರು ಮತ್ತು ಮಡಿಕೇರಿಯಲ್ಲಿ ರಮ್ ಕುಡಿಯುವ ಅನೇಕ ಜನರು ಇದ್ದಾರೆ ಆದರೆ ನಾನು ಕುಡಿಯುವುದಿಲ್ಲ ಮತ್ತು ಮೀನನ್ನು ತಿನ್ನುವುದಿಲ್ಲ ಎಂದು ಗಟ್ಟಿ ಹೇಳಿದ್ದಾರೆ.
ಗಟ್ಟಿ ಸುಮಾರು 15 ವರ್ಷಗಳಿಂದ ಸಮಾಜ ಸೇವಕರಾಗಿದ್ದಾರೆ ಎಂದು ತಿಳಿದುಬಂದಿದೆ. ಮಂಗಳೂರು ಪ್ರದೇಶದ ಕಾಂಗ್ರೆಸ್ ಮುಖಂಡರು ಈ ಬಗ್ಗೆ ಪ್ರತಿಕ್ರಿಯಿಸಲು ನಿರಾಕರಿಸಿದ್ದಾರೆ.
