ಮಯಾಂಕ್ ಅಗರ್ ‘wow’ ಆಟ : ಸೂಪರ್ ಓವರ್ ನಲ್ಲಿ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್
ಪಂಜಾಬ್ ಪರ ಕನ್ನಡಿಗ ಮಾಯಾಂಕ್ ಅಗರ್ವಾಲ್ ಬೊಂಬಾಟ್ ಆಟ.. ದಿಲ್ಲಿ ಕಡೆ ರಬಾಡ ಆರ್ಭಟ.. ಇದು ಐಪಿಎಲ್ 2ನೇ ಪಂದ್ಯದ ಹೈಲೆಟ್ಸ್…
ಭಾನುವಾರದಂದು ನಡೆದ ಐಪಿಎಲ್ ನ ಎರಡನೇ ಪಂದ್ಯದಲ್ಲಿ ಟಾಸ್ ಗೆದ್ದ ಕಿಂಗ್ಸ್ ಇಲೆವೆನ್ ತಂಡದ ನಾಯಕ ಕೆ.ಎಲ್. ರಾಹುಲ್ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಬ್ಯಾಟಿಂಗ್ ಗೆ ಆಹ್ವಾನಿಸಿದರು.
ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಕಿಂಗ್ಸ್ ಬೌಲರ್ ಗಳು ಆರಂಭದಲ್ಲೇ ಶಾಕ್ ನೀಡಿದರು..
ಅನುಭವ ಆಟಗಾರ ಸೊನ್ನೆ ಸುತ್ತಿದರೇ ಯುವ ಆಟಗಾರ ಪೃಥ್ವಿ ಶಾ ಕೇವಲ 5 ರನ್ ಗೆ ಸುಸ್ತಾಗಿ ಶಮಿಗೆ ವಿಕೆಟ್ ಒಪ್ಪಿಸಿದರು. ಹೆಟ್ಮೈರ್ ಕೂಡ 7 ರನ್ ಗೆ ಔಟಾದರು.
ನಂತರ ನಾಯಕ ಶ್ರೇಯಸ್ ಅಯ್ಯರ್ (39) ಹಾಗೂ ರಿಷಬ್ ಪಂತ್ (31) ಇವರ ಜೊತೆಯಾಟದಿಂದ ಡೆಲ್ಲಿ ಕ್ಯಾಪಿಟಲ್ಸ್ ಸ್ವಲ್ಪ ಚೇತರಿಕೆ ಕಂಡಿತು. ನಂತರ ಇಬ್ಬರು ಔಟಾದರು. ಬಳಿಕ ಬ್ಯಾಟಿಂಗ್ ಗಿಳಿದ ಸ್ಟೊಯಿನಿಸ್ ಕಿಂಗ್ಸ್ ದಾಳಿಯನ್ನ ಸಮರ್ಥವಾಗಿ ಎದುರಿಸಿದರು.
21 ಎಸೆತಗಳಲ್ಲಿ ಎದುರಿಸಿದ ಸ್ಟಾಯಿನಿಸ್ 53 ರನ್ ಗಳಿಸಿದ್ದರು, ಇವರ ಅಬ್ಬರದ ಬ್ಯಾಟಿಂಗ್ ನಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ 8 ವಿಕೆಟ್ ನಷ್ಟಕ್ಕೆ 157 ರನ್ ಗಳ ಮೊತ್ತ ದಾಖಲಿಸಿತು.
ಈ ಸವಾಲಿನ ಮೊತ್ತವನ್ನು ಬೆನ್ನತ್ತಿದ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ, ಆರಂಭದಿಂದಲೇ ಪೆವಿಲಿಯನ್ ಪರೇಡ್ ನಡೆಸಿತು. ಉತ್ತಮ ವಾಗಿ ಬ್ಯಾಟ್ ಬೀಸುತ್ತಿದ್ದ ರಾಹುಲ್ ಕ್ಲಿನ್ ಬೋಲ್ಡ್ ಆದರು.. ನಾಯರ್ ದೊಡ್ಡ ಹೊಡೆತಕ್ಕೆ ಕೈ ಹಾಕಿ ಕ್ಯಾಚ್ ನೀಡಿ ಬಂದ ದಾರಿಲೇ ವಾಪಸ್ ಹೋದರು.. ಯುವ ಆಟಗಾರ ಪೂರನ್ ಅಶ್ವಿನ್ ಗೆ ಬಲಿ ಆದರು..
ಒಂದು ಕಡೆ ತಂಡ ವಿಕೆಟ್ಸ್ ಕಳೆದುಕೊಳ್ಳುತ್ತಿದ್ರು ಉತ್ತಮ ಆಟವಾಡಿದ ಮಯಾಂಕ್ ಅಗರ್ವಾಲ್ 60 ಎಸೆತಗಳಲ್ಲಿ 89 ರನ್ ಗಳಿಸಿದರು. ಕೊನೆಯ ಹಂತದವರೆಗೂ ಮಯಾಂಕ್ ಅಗರ್ವಾಲ್ ತಂಡಕ್ಕೆ ಬೆನ್ನೆಲುಬಾಗಿ ನಿಂತಿದ್ದರು. ಕೊನೆಯ ಓವರ್ ನಲ್ಲಿ ಮಯಾಂಕ್ ಅಗರ್ವಾಲ್ ಔಟಾಗಿದ್ದು, ಪಂದ್ಯ ಡ್ರಾ ಆದ ಕಾರಣ ಸೂಪರ್ ಓವರ್ ನಡೆಸಲಾಯಿತು. ರಬಾಡ ಮಾರಕ ಬೌಲಿಂಗ್ ನಿಂದ ಕಿಂಗ್ಸ್ ಇಲೆವೆನ್ ಸೂಪರ್ ಓವರ್ ನಲ್ಲಿ ಕೇವನ್ 2ರನ್ ಗಳಿಸಿತು. ಇದರಿಂದ ಸುಲಭವಾಗಿ ಡೆಲ್ಲಿ ಕ್ಯಾಪಿಟಲ್ಸ್ ಜಯ ಸಾಧಿಸಿತು.
