60 ಅಂತಸ್ಥಿನ ಕಟ್ಟಡದಿಂದ ಬಿದ್ದು ಸಾವನ್ನಪ್ಪಿದ 2019 ಮಿಸ್ ಯುಎಸ್ಎ
2019 ರಲ್ಲಿ ಮಿಸ್ ಯುಎಸ್ಎ ಆಗಿ ಹೊರ ಹೊಮ್ಮಿದ್ದ ಚೆಸ್ಲಿ ಕ್ರಿಸ್ಟ್ ಭಾನುವಾರ 60 ಅಂತಸ್ಥಿನ ಕಟ್ಟಡದಿಂದ ಬಿದ್ದು ಸಾವನ್ನಪ್ಪಿದ್ದಾರೆ. ವಿಶ್ವ ಸುಂದರಿ ಹರ್ನಾಜ್ ಸಂಧು ಅವರು ಚೆಸ್ಲಿ ಕ್ರಿಸ್ಟ್ ನಿಧನಕ್ಕೆ ಕಂಬನಿ ಮಿಡಿದದಿದ್ದಾರೆ. ಈ ಸುದ್ದಿ “ಹೃದಯವಿದ್ರಾವಕ” ಘಟನೆ ಎಂದಿದ್ದಾರೆ.
ಚೆಸ್ಲಿ, ಸೌಂದರ್ಯ ರಾಣಿ, ವಕೀಲ ವೃತ್ತಿ, ಫ್ಯಾಷನ್ ಬ್ಲಾಗರ್ ಮತ್ತು ಎಕ್ಸ್ಟ್ರಾ ಟಿವಿ ಚಾನೆಲ್ ನಲದಲಿ ವರದಿಗಾರ್ತಿಯಾಗಿ ಕೆಲಸ ಮಾಡಿದ್ದಾರೆ. ಜನವರಿ 30 ರ ಭಾನುವಾರ ಬೆಳಿಗ್ಗೆ 7 ಗಂಟೆಯ ನಂತರ ನ್ಯೂಯಾರ್ಕ್ ನಗರದ 60 ಅಂತಸ್ತಿನ ಕಟ್ಟಡದಿಂದ ಬಿದ್ದು ಸಾವನ್ನಪ್ಪಿದ್ದಾರೆ.
ಹರ್ನಾಜ್ ಅವರು ಇಸ್ರೇಲ್ನ ಐಲಾಟ್ನಲ್ಲಿ ನಡೆದ 70 ನೇ ವಿಶ್ವ ಸುಂದರಿ 2021 ರಲ್ಲಿ ಗೆಲುವಿನ ಬಳಿಕ ಚೆಸ್ಲಿಯೊಂದಿಗೆ ತೆಗೆಸಿಕೊಂಡಿರುವ ಚಿತ್ರವನ್ನು ಇನ್ಸ್ಟಗ್ರಾಂ ನಲ್ಲಿ ಹಂಚಿಕೊಂಡಿದ್ದಾರೆ.
“ಇದು ಹೃದಯವಿದ್ರಾವಕ ಮತ್ತು ನಂಬಲಸಾಧ್ಯವಾಗಿದೆ, ನೀವು ಯಾವಾಗಲೂ ಅನೇಕರಿಗೆ ಸ್ಫೂರ್ತಿಯಾಗಿದ್ದೀರಿ. ಚೆಸ್ಲಿ ವಿಶ್ರಾಂತಿ ಪಡೆಯಿರಿ.” ಎಂದು ಬೆರೆದುಕೊಂಡಿದ್ದಾರೆ.
ಒಂಬತ್ತನೇ ಮಹಡಿಯಲ್ಲಿ ವಾಸಿಸುತ್ತಿದ್ದ ಕ್ರಿಸ್ಟ್ ಅವರ ಸಾವು ಆತ್ಮಹತ್ಯೆ ಎಂದು ತೋರುತ್ತಿದೆ ಎಂದು ಸುದ್ದಿ ಮಾಧ್ಯಮಗಳು ವರದಿ ಮಾಡಿವೆ. ಮರಣೋತ್ತರ ಪರೀಕ್ಷೆಯ ನಂತರ ನಿಜವಾದ ಕಾರಣ ತಿಳಿದುಬರಲಿದೆ.
ಚೆಸ್ಲಿ 1991 ರಲ್ಲಿ ಮಿಚಿಗನ್ನ ಜಾಕ್ಸನ್ನಲ್ಲಿ ಜನಿಸಿ ದಕ್ಷಿಣ ಕೆರೊಲಿನಾದಲ್ಲಿ ಬೆಳೆದರು. ಅವರು ದಕ್ಷಿಣ ಕೆರೊಲಿನಾ ವಿಶ್ವವಿದ್ಯಾಲಯದಲ್ಲಿ ವ್ಯಾಸಂಗ ಮಾಡಿದರು ಮತ್ತು 2017 ರಲ್ಲಿ ವೇಕ್ ಫಾರೆಸ್ಟ್ ಯೂನಿವರ್ಸಿಟಿ ಸ್ಕೂಲ್ ಆಫ್ ಲಾದಿಂದ ಪದವಿ ಪಡೆದರು. ಅವರು ಸಿವಿಲ್ ವ್ಯಾಜ್ಯಗಾರರಾಗಿ ನಾರ್ತ್ ಕೆರೊಲಿನಾ ಸಂಸ್ಥೆಯ ಪೋಯ್ನರ್ ಸ್ಪ್ರೂಲ್ ಎಲ್ ಎಲ್ ಪಿ ಯಲ್ಲಿ ವಕೀಲರಾಗಿ ಕೆಲಸ ಮಾಡಿದರು. ಅವರು ಮಹಿಳೆಯರ ವ್ಯಾಪಾರ ಉಡುಪು ಬ್ಲಾಗ್ ವೈಟ್ ಕಾಲರ್ ಗ್ಲಾಮ್ ಅನ್ನು ಸ್ಥಾಪಿಸಿದರು.
