ತಮಿಳುನಾಡು : ಕಾಡುಗಳ್ಳ ವೀರಪ್ಪನ್ ಪುತ್ರಿ ವಿದ್ಯಾರಾಣಿಗೆ ತಮಿಳುನಾಡು ಬಿಜೆಪಿಯ ಯೂತ್ ವಿಂಗ್ ನ ಉಪಾಧ್ಯಕ್ಷರ ಸ್ಥಾನ ನೀಡಿರುವ ಬಗ್ಗೆ ಭಾರಿ ಚರ್ಚೆಗಳು ನಡೆಯುತ್ತಿವೆ. ಕಾಡುಗಳ್ಳ ವೀರಪ್ಪನ್ ಹೆಸರನ್ನೇ ಗುರಿಯಾಗಿಸಿಕೊಂಡು ವಿದ್ಯಾರಾಣಿ ವಿರುದ್ಧ ಅನೇಕರು ಟೀಕೆ-ಟಿಪ್ಪಣಿಗಳನ್ನು ಮಾಡುತ್ತಿದ್ದಾರೆ. ಇದೀಗ ಈ ಎಲ್ಲಾ ಟೀಕೆ ಟಿಪ್ಪಣಿಗಳ ಬಗ್ಗೆ ವಿದ್ಯಾರಾಣಿ ಮಾತನಾಡಿದ್ದು, ನಾನು ಮಾಡಿದ ಕೆಲಸದಿಂದ ನನ್ನನ್ನು ಜಡ್ಜ್ ಮಾಡಿ, ನನ್ನ ಹೆಸರಿನಿಂದ ಅಲ್ಲ ಎಂದು ಎಲ್ಲರಿಗೂ ತಿರುಗೇಟು ನೀಡಿದ್ದಾರೆ.
ನಾನು ನನ್ನ ತಂದೆ ಮಾಡಿರುವ ಒಳ್ಳೆಯ ಕೆಲಸಗಳಿಂದ ಸ್ಫೂರ್ತಿ ಪಡೆದಿದ್ದೇನೆ. ನಾನು ಮಾತನಾಡುವುದನ್ನ ಕಲಿತಾಗಿನಿಂದಲೂ, ನನ್ನ ತಂದೆ ಒಳ್ಳೆಯ ವ್ಯಕ್ತಿ ಎಂದು ಎಲ್ಲರೂ ಹೇಳುತ್ತಿದ್ದರು. ನನ್ನ ತಂದೆ ಜನರಿಗೆ ಸಹಾಯ ಮಾಡುತ್ತಿದ್ದರು. ಅವರಂತೆ ನಾನೂ ಕೂಡ ಇತರರಿಗೆ ಸಹಾಯ ಮಾಡಬೇಕು ಎಂದು ಜನರು ಹೇಳುತ್ತಿದ್ದರು. ನಾನು ನನ್ನ ತಂದೆಯ ಸಹಾಯಗುಣದಿಂದ ಮಾತ್ರ ಪ್ರಭಾವಿತಳಾಗಿದ್ದೀನಿ ಎಂದು ವಿದ್ಯಾರಾಣಿ ಹೇಳಿದ್ದಾರೆ.
