ಲಖನೌ: ಕೊರೊನಾ ವೈರಸ್ ಕಾಟಕ್ಕೆ ದೇಶದಾದ್ಯಂತ ಜನರು ಕಂಗಾಲಾಗಿದ್ದಾರೆ. ಕೊರೊನಾ ಎಂಬ ಹೆಸರು ಕೇಳಿದ್ರೆ ವಿಶ್ವವೇ ಈಗ ಬೆಚ್ಚಿ ಬೀಳುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ಉತ್ತರ ಪ್ರದೇಶದಲ್ಲಿ ನವಜಾತ ಶಿಶುಗಳಿಗೆ ‘ಕೊರೊನಾ’ ಮತ್ತು ‘ಲಾಕ್‌ಡೌನ್’ ಎಂದು ನಾಮಕರಣ ಮಾಡಲಾಗಿದೆ.
ಹೌದು..! ಇದು ನಂಬಲೇಬೇಕಾದ ಸತ್ಯ.. ತಮ್ಮ ಮಕ್ಕಳಿಗೆ “ಕೊರೊನಾ”, “ಲಾಕ್ ಡೌನ್” ಎಂದು ಹೆಸರುಗಳನ್ನು ಇಡುವ ಮೂಲಕ ಈ ಮಕ್ಕಳಿಗೆ ಸಂಬಂಧಿಸಿ ಎರಡೂ ಕುಟುಂಬಗಳು ಜನರಿಗೆ ಜಾಗೃತಿ ಮೂಡಿಸುತ್ತಿವೆ.
ದೇಶದಲ್ಲಿ ಜನತಾ ಕರ್ಫ್ಯೂ ದಿನ ಉತ್ತರ ಪ್ರದೇಶದ ಗೋರಖ್‌ಪುರದಲ್ಲಿ ಜನಿಸಿದ ಹೆಣ್ಣು ಮಗುವಿಗೆ ಕೊರೊನಾ ಎಂದು ಹೆಸರಿಡಲಾಗಿದೆ. ಇದಾದ ಒಂದು ವಾರ ನಂತರ ದಿಯೋರಿಯಾ ಜಿಲ್ಲೆಯಲ್ಲಿ ಹುಟ್ಟಿದ ಗಂಡು ಮಗುವಿಗೆ ಲಾಕ್‌ಡೌನ್ ಎಂದು ನಾಮಕರಣ ಮಾಡಲಾಗಿದೆ.
