Narendra modi – ದೀಪಾವಳಿಯ ಬೆಳಕು ಆತಂಕಗಳನ್ನು ದೂರ ಮಾಡಲಿ
ನವದೆಹಲಿ : ಪ್ರಧಾನಿ ನರೇಂದ್ರ ಮೋದಿ 9ನೇ ಬಾರಿಗೆ ಸೈನಿಕರೊಂದಿಗೆ ದೀಪಾವಳಿ ಹಬ್ಬ ಆಚರಿಸಿದ್ದಾರೆ.
ನರೇಂದ್ರ ಮೋದಿ, ಸೇನಾ ಸಮವಸ್ತ್ರ ಧರಿಸಿ ಸೈನಿಕರೊಂದಿಗೆ ಹಬ್ಬದಲ್ಲಿ ಪಾಲ್ಗೊಂಡಿದ್ದಾರೆ.
ಬಳಿಕ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ, ಬೆಳಕಿನ ಹಬ್ಬ ದೀಪ ಅಭಿವೃದ್ಧಿಯ ಸಂಕೇತವಾಗಿದ್ದು, ಇಡೀ ವಿಶ್ವದಲ್ಲಿ ಭಾರತ ಶಾಂತಿಯನ್ನು ಬಯಸುತ್ತದೆ.
ದೀಪಾವಳಿಯ ಬೆಳಕು ಆತಂಕಗಳನ್ನು ದೂರ ಮಾಡಲಿ ಎಂದು ಪ್ರಧಾನಿ ನರೇಂದ್ರ ಮೋದಿ ತಿಳಿಸಿದ್ದಾರೆ.
ಭಾರತ ಪ್ರತಿಯೊಂದು ಹಬ್ಬವನ್ನು ಎಲ್ಲರನ್ನೊಳಗೊಂಡು ಆಚರಿಸುತ್ತದೆ.
ಭಾರತೀಯ ಸೇನಾ ಸಿಬ್ಬಂದಿಯೇ ತನ್ನ ಕುಟುಂಬ ಸದಸ್ಯರಂತಿದ್ದು, ಕಾರ್ಗಿಲ್ ನಲ್ಲಿ ಭಾರತೀಯ ಯೋಧರು ಆತಂಕವಾದಿಗಳ ಹುಟ್ಟು ಅಡಗಿಸಿದ್ದಾರೆ.
ಇಡೀ ದೇಶದ ಜನ ನೆಮ್ಮದಿಯಿಂದ ನೆಲಸಲು ಯೋಧರ ಪಾತ್ರ ಪ್ರಮುಖವಾಗಿದೆ. ದೇಶದ ಗಡಿ, ಆರ್ಥಿಕ ಸ್ಥಿತಿ ಸುಧಾರಿಸಿದರೆ ದೇಶ ಸುಧಾರಿಸುತ್ತದೆ ಎಂದು ತಿಳಿಸಿದರು.
