ತಮಿಳಿನಲ್ಲಿ ಅಬ್ಬರ ಶುರು ಮಾಡಲಿದ್ದಾರೆ ಧ್ರುವ ಸರ್ಜಾ..!
ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ ಬಹುನಿರೀಕ್ಷೆಯ ಸಿನಿಮಾ ಪೊಗರು ಕನ್ನಡ ಹಾಗೂ ತೆಲುಗಿನಲ್ಲಿ ರಿಲೀಸ್ ಆಗಲಿದೆ ಎನ್ನೋದು ಹಳೆಯ ವಿಚಾರವೇನಲ್ಲ. ಆದ್ರೆ ಇದೀಗ ಸೆನ್ಸೇಷನ್ ನ್ಯೂಸ್ ಅಂದ್ರೆ ಅದು ಧ್ರುವ ಸರ್ಜಾ ಅವರು ತಮಿಳಿನಲ್ಲೂ ಅಬ್ಬರಿಸಲಿದ್ದಾರೆ ಅನ್ನೋದು. ಅದು ಹೇಗೆ ತಮಿಳಿನ ಹೊಸ ಸಿನಿಮಾದಲ್ಲಿ ನಟಿಸಲಿದ್ದಾರಾ ಅಂದ್ಕೊಂಡ್ರಾ ನೋ… ಬದಲಾಗಿ ಪೊಗರು ಸಿನಿಮಾ ಇದೀಗ ತಮಿಳಿನಲ್ಲಿ ಡಬ್ ಆಗಿ ರಿಲೀಸ್ ಆಗಲು ಸಜ್ಜಾಗಿದೆ.
ಹೌದು.. ಪಗರು ಸಿನಿಮಾ ಕನ್ನಡ ತೆಲುಗು ಅಷ್ಟೇ ಅಲ್ದೇ ತಮಿಳಿನಲ್ಲಿ ರಿಲೀಸ್ ಆಗಿ ಧೂಳೆಬ್ಬಿಸಲು ಸಜ್ಜಾಗಿದೆ. ಸಿನಿಮಾವನ್ನು ತಮಿಳಿನಲ್ಲೂ ರಿಲೀಸ್ ಮಾಡಲು ಸಿನಿಮಾ ತಂಡ ಪ್ಲಾನ್ ಮಾಡಿದೆ. ಅಷ್ಟೇ ಅಲ್ಲ ಈಗಾಗಲೇ ಎಲ್ಲಾ ತಯಾರಿಗಳನ್ನು ಮಾಡಿಕೊಂಡಿರುವ ತಂಡ ಚಿತ್ರದ ಪೋಸ್ಟರ್ ಅನ್ನು ರಿಲೀಸ್ ಮಾಡಿದೆ. ಈ ಪೋಸ್ಟರ್ ಸದ್ಯ ಸಖತ್ ವೈರಲ್ ಆಗ್ತಾಯಿದ್ದು, ಧ್ರುವ ಫ್ಯಾನ್ಸ್ ಫುಲ್ ಖುಷ್ ಆಗಿದ್ದಾರೆ. ತಮಿಳಿನಲ್ಲಿ ಪೊಗರು ಚಿತ್ರಕ್ಕೆ ‘ಸೆಮ್ಮಾ ತಿಮಿರು’ ಎಂದು ಟೈಟಲ್ ಫಿಕ್ಸ್ ಮಾಡಲಾಗಿದೆ. ಸದ್ಯ ತಮಿಳು ವರ್ಷನ್ ಪೋಸ್ಟರ್ ರಿಲೀಸ್ ಮಾಡಲಾಗಿದ್ದು, ತಮಿಳು ಪ್ರೇಕ್ಷಕರನ್ನು ಸೆಳೆಯಲು ಧ್ರುವ ಹಾಗೂ ರಶ್ಮಿಕಾ ಜೋಡಿ ಸಿದ್ಧರಾಗಿದ್ಧಾರೆ.
ವಿಷ್ಣು ಪ್ರತಿಮೆ ಧ್ವಂಸ | ಪಾಪಿಗಳಿಗೆ ತಕ್ಕ ಪಾಠಕಲಿಸಿ ಎಂದ ಜಗ್ಗಣ್ಣ
ಅಷ್ಟೇ ಅಲ್ಲ ಮತ್ತೊಂದು ವಿಚಾರವೆಂದ್ರೆ ಈ ಸಿನಿಮಾ ಹಿಂದಿಯಲ್ಲೂ ರಿಲೀಸ್ ಆಗಲಿದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಮೂಲಗಳ ಪ್ರಕಾರ ಈಗಾಗಲೇ ಹಿಂದಿ ಡಬ್ಬಿಂಗ್ ರೈಟ್ಸ್7.2 ಕೋಟಿ ರೂ. ಮಾರಾಟವಾಗಿದೆ ಎನ್ನಲಾಗ್ತಿದೆ. ಸದ್ಯ ಅಭಿಮಾನಿಗಳು ಸಿನಿಮಾ ರಿಲೀಸ್ ಗಾಗಿ ಎದುರು ನೋಡ್ತಿದ್ದಾರೆ. ಇನ್ನೂ ಕ್ರಿಸ್ ಮಸ್ ವೇಳೆಗೆ ಸಿನಿಮಾ ರಿಲೀಸ್ ಆಗಬೇಕಿತ್ತು. ಆದರೆ ಕೊರೊನಾ ಹಾವಳಿ ಸಿನಿಮಾ ಥಿಯೇಟರ್ ಗಳಲ್ಲಿ ಪೂರ್ಣ ಪ್ರಮಾಣದ ಸೀಟಿಂಗ್ ಗೆ ಅನುಮತಿ ಇಲ್ಲದ ಕಾರಣಗಳಿಂದಾಗಿ ರಿಲೀಸ್ ಡೇಟ್ ಪೋಸ್ಟ್ ಪೋನ್ ಆಗ್ತಲೇ ಇದೆ. ಇತ್ತ ಅಭಿಮಾನಿಗಳು ಸಿನಿಮಾ ರಿಲೀಸ್ ಗಾಗಿ ಜಾತಕ ಪಕ್ಷಿಗಳಂತೆ ಕಾದುಕುಳಿತಿದ್ದಾರೆ.
ಸಿನಿಮಾ ಹಾಡುಗಳು, ಹಾಗೂ ಟೀಸರ್ ನಿಂದಲೇ ಸಿಕ್ಕಾಪಟ್ಟೆ ಗಮನ ಸೆಳೆಯುತ್ತಿದೆ. ಸದ್ಯ ಮೊದಲ ಬಾರಿಗೆ ಧ್ರುವ ತಮಿಳು ಪ್ರೇಕ್ಷಕರ ಮುಂದೆ ದರ್ಶನ ಕೊಡಲು ಸಜ್ಜಾಗ್ತಿದ್ದಾರೆ. ಸದ್ಯ ಜನವರಿಯಲ್ಲಿ ಸಂಕ್ರಾಂತಿಗೆ ಚಿತ್ರ ರಿಲೀಸ್ ಆಗುವ ಸಾಧ್ಯತೆ ಇದೆ ಎಂದು ಹೇಳಲಾಗ್ತಿದೆ. ಇನ್ನೂ ಖರಾಬು ಹಾಡಂತೂ ಕನ್ನಡ ಹಾಗೂ ತೆಲುಗೂ ಎರೆಡೂ ಭಾಷೆಗಳಲ್ಲೂ ಭರ್ಜರಿ ರೆಸ್ಪಾನ್ಸ್ ಪಡೆದುಕೊಂಡಿದೆ. ಮಿಲಿಯನ್ ಗಟ್ಟಲೇ ವೀವ್ಸ್ ಲೈಕ್ಸ್ ಗಿಟ್ಟಿಸಿಕೊಂಡು ಸಾಂಗ್ ಸೂಪರ್ ಹಿಟ್ ಆಗಿದೆ. ತಮಿಳಿನಲ್ಲಿ ಈ ಸಾಂಗ್ ಯಾವ ರೀತಿ ಮೂಡಿಬರಲಿದೆ. ಯಾವ ರೀತಿಯಾದ ರೆಸ್ಪಾನ್ಸ್ ಪಡೆದುಕೊಳ್ಳಲಿದೆ ಅನ್ನೋದನ್ನ ಮುಂದಿನ ದಿನಗಳಲ್ಲಿ ಕಾದು ನೋಡ್ಬೇಕಿದೆ.
Our Website : https://saakshatv.com/
Subscribe Now on YouTube
Like us on Facebook
Follow us on Twitter
Follow us on Instagram
Subscribe to our Telegram Channel
