Rashmika Mandanna : ಅಮಿತಾಬ್ ಬಚ್ಚನ್ ರನ್ನ ಕೊಂಡಾಡಿದ ರಶ್ಮಿಕಾ..!!!
ಸ್ಯಾಂಡಲ್ ವುಡ್ ಮೂಲಕ ಹಿಟ್ ಆಗಿ ಇದೀಗ ಟಾಲಿವುಡ್ ನ ಬಹುಬೇಡಿಕೆಯ ನಟಿಯಾಗಿ ಗುರುತಿಸಿಕೊಂಡಿರುವ ರಶ್ಮಿಕಾ ಸಿನಿಮಾಗಳ ವಿಚಾರಕ್ಕೆ ಸುದ್ದಿಯಲ್ಲಿರೋದಕ್ಕಿಂತ ಹೆಚ್ಚು ಟ್ರೋಲ್ ಗಳಿಂದಲೇ ಹೆಚ್ಚು ಚರ್ಚೆಯಲ್ಲಿರುವ ನಟಿ ಎಂದ್ರೆ ತಪ್ಪಾಗುವುದಿಲ್ಲ..
ಕನ್ನಡದ ಪರ ತಾತ್ಸಾರ ಗುಣ ಸೇರಿದಂತೆ , ಇನ್ನಿತರೇ ವಿಚಾರಗಳಿಂದ ಟ್ರೋಲ್ ಆಗುತ್ತಿರುತ್ತಾರೆ.. ಇದೀಗ ರಶ್ಮಿಕಾ ಬಾಲಿವುಡ್ ನಲ್ಲಿ ನೆಲೆ ಕಂಡುಕೊಳ್ಳುವ ಪ್ರಯತ್ನದಲ್ಲಿ ಇದ್ದು, ಈಗಾಗಲೇ ಎರೆಡೂ ಸಿನಿಮಾಗಳ ತಮ್ಮ ಪಾಲಿನ ಶೂಟಿಂಗ್ ಮುಗಿಸಿದ್ದಾರೆ. ಒಂದು ಸಿನಿಮಾದಲ್ಲಿ ಬಾಲಿವುಡ್ ನ ಬಿಗ್ ಬಿ ಅಮಿತಾಬ್ ಬಚ್ಚನ್ ಜೊತೆಗೆ ನಟಿಸಿದ್ದಾರೆ.. ಮತ್ತೊಂದರಲ್ಲಿ ಸಿದ್ಧಾರ್ಥ್ ಮಲ್ಹೋತ್ರಾ ಜೊತೆಗೆ ಮಿಷನ್ ಮಜ್ನು ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದಾರೆ.. ಈಗ ಬಾಲಿವುಡ್ ನಲ್ಲಿ 3 ನೇ ಸಿನಿಮಾದಗೂ ಸಜ್ಜಾಗ್ತಿದ್ದು , ಇದಕ್ಕೆ ಕರಣ್ ಜೋಹರ್ ನಿರ್ಮಾಪಕ , ವಿಜಯ್ ದೇವರಕೊಂಡ ನಾಯಕ ಎನ್ನಲಾಗ್ತಿದೆ.
-ಅಂದ್ಹಾಗೆ ಅಮಿತಾಬ್ ಬಚ್ಚನ್ ನಟನೆಯ ಗುಡ್ ಬೈ ಸಿನಿಮಾದಲ್ಲಿನ ತಮ್ಮ ಶೆಡ್ಯೂಲ್ ಶೂಟಿಂಗ್ ಮುಗಿಸಿರುವ ರಶ್ಮಿಕಾ ಗುಡ್ ಬೈ ಚಿತ್ರದಲ್ಲಿ ಅಮಿತಾಬ್ ಬಚ್ಚನ್ ಅವರ ಜೊತೆ ತೆರೆ ಹಂಚಿಕೊಂಡ ಖುಷಿ ಹಂಚಿಕೊಂಡಿದ್ದಾರೆ.
Amitabh Bachchan | ಅಮಿತಾಭ್ ನಿವಾಸ ಸೇಲ್ : ಕಾರಣವೇನು ಗೊತ್ತಾ..?
ಇತ್ತೀಚಿಗೆ ಖಾಸಗಿ ಸಂದರ್ಶನದಲ್ಲಿ ಮಾತನಾಡಿರುವ ರಶ್ಮಿಕಾ , ಅಮಿತಾಬ್ ಬಚ್ಚನ್ ಅವರು ಸೆಟ್‌ಗೆ ಬಂದ್ರು ಅಂದರೆ ಸಾಕು ತುಂಬ ಖುಷಿ ಆಗುತ್ತಿತ್ತು. ಅವರು ಸೆಟ್‌ನಲ್ಲಿ ತಾನೊಬ್ಬ ದೊಡ್ಡ ನಟ ಎಂಬುದನ್ನು ಮರೆತು ಎಲ್ಲರೊಂದಿಗೂ ಕೂಲ್ ಆಗಿ ಇದ್ದರು. ಅಮಿತಾಬ್ ಬಚ್ಚನ್ ಅವರು ಮುದ್ದಾದ ಗೊಂಬೆಯಂತೆ. ಅವರು ಅಂತಹ ಅದ್ಭುತ ವ್ಯಕ್ತಿ. ಸೆಟ್‌ನಲ್ಲಿ ನಮಗೆ ಅವರೊಂದಿಗೆ ಅಭಿನಯಿಸಲು ಏನೂ ಭಯ ಆಗುತ್ತಿರಲಿಲ್ಲ. ಅಷ್ಟು ಹೊಂದಿಕೊಂಡಿದ್ದರು. ಅವರ ವ್ಯೆಕ್ತಿತ್ವವೇ ಅದ್ಭುತ. ಅವರ ಬಗ್ಗೆ ಹೇಳಲು ಪದಗಳು ತುಂಬಾ ಕಡಿಮೆ ಎಂದಿದ್ದಾರೆ.
ಸದ್ಯ ರಶ್ಮಿಕಾ ನಟನೆಯ ಮಿಷನ್ ಮಜ್ನು ಸಿನಿಮಾ ಇದೆ ವರ್ವೇ ರಿಲೀಸ್ ಆಗಲಿದೆ.. ಮತ್ತೊಂದೆಡೆ ಪುಷ್ಪ 2 ಸಿನಿಮಾದಲ್ಲೂ ರಶ್ಮಿಕಾ ಬ್ಯುಸಿಯಿದ್ದಾರೆ.. ಇದಾದ ನಂತರ ತಮಿಳಿನಲ್ಲೂ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
