ದೇಶದಲ್ಲಿ ಕೊರೊನಾ ಹರಡುವಿಕೆ ಸಂಖ್ಯೆ ಒಂದು ಸಾವಿರ ಗಡಿ ದಾಟಿದೆ. ಕ್ಷಣದಿಂದ ಕ್ಷಣಕ್ಕೆ ಮತ್ತಷ್ಟು ಸಂಖ್ಯೆಗಳು ಪತ್ತೆ ಆಗುವ ಭೀತಿ ಇದೆ. ಆಸ್ಪತ್ರೆಗಳಲ್ಲಿ ದಾಖಲಾಗುತ್ತಿರುವ ಸೋಂಕಿತರ ಸಂಖ್ಯೆ ಏರಿದೆ. ವೈದ್ಯಕೀಯ ಸಿಬ್ಬಂದಿ ಸಹ ಸೋಂಕು ಲೆಕ್ಕಿಸಿದೆ ಚಿಕಿತ್ಸೆ ನೀಡುತ್ತಿದ್ದಾರೆ. ಆದರೆ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿರುವ ಕಾರಣಕ್ಕೆ ವೈದ್ಯಕೀಯ ಸಿಬ್ಬಂದಿಗೂ ಕೂಡ ಸೋಂಕು ತಗುಲುವ ಸೂಚನೆ ಸಿಕ್ಕಂತೆ ಆಗಿದೆ. ಹಾಗಾಗಿ ಆಸ್ಪತ್ರೆಗಳಲ್ಲಿ ವೈದ್ಯಕೀಯ ಸಿಬ್ಬಂದಿಗಳ ಬದಲು ರೋಬೋಟ್ ಗಳನ್ನು ಔಷಧಿ ನೀಡಲು ಬಳಸಲಾಗುತ್ತಿದೆ.
ಹೌದು, ತಮಿಳುನಾಡಿನ ತಿರುಚಿರಪ್ಪಳ್ಳಿಯ ಸಾಫ್ಟ್ ವೇರ್ ಕಂಪನಿಯೊಂದು ಸರ್ಕಾರಿ ಆಸ್ಪತ್ರೆಗಳಿಗೆ ರೋಬೋಟ್ ಗಳನ್ನು ನೀಡಿದೆ. ರೋಬೋಟ್ ಗಳು ಕೊರೊನಾ ಸೋಂಕಿತರಿಗೆ ಔಷಧಿ ನೀಡುತ್ತವೆ. ಈಗಾಗಲೆ ನಾಲ್ಕು ರೋಬೋಟ್ ಗಳು ಕಾರ್ಯನಿರ್ವಹಿಸಲು ಸಿದ್ದವಾಗಿವೆ. ಜೊತೆಗೆ ರೋಬೋಟ್ ಗಳು ಕೆಲಸ ಮಾಡಲು ಜಿಲ್ಲಾಡಳಿತದಿಂದ ಪರವಾನಿಗೆ ಪಡೆಯಲಾಗುವುದು ಎಂದು ಆಸ್ಪತ್ರೆತ ಡೀನ್ ತಿಳಿಸಿದ್ದಾರೆ.
