ರೋಗನಿರೋಧಕ ಶಕ್ತಿ ಹೆಚ್ಚಿಸುವ ಮತ್ತು ಕೊರೋನಾ ರೋಗಿಗಳ ತ್ವರಿತ ಚೇತರಿಕೆಗೆ ನೆರವಾಗುವ ಇಮ್ಯುನಿಟಿ ಡ್ರಿಂಕ್
ಇತ್ತೀಚಿನ ದಿನಗಳಲ್ಲಿ, ಎಲ್ಲೆಡೆ ಕೊರೋನಾ ಸೋಂಕಿನ ಪ್ರಕರಣಗಳು ತೀವ್ರವಾಗಿ ಹೆಚ್ಚುತ್ತಿದೆ. ಜನರು ಈ ಮಾರಕ ಸಮಸ್ಯೆಯೊಂದಿಗೆ ಹೋರಾಡುತ್ತಿದ್ದಾರೆ. ಈ ಸಮಸ್ಯೆಯನ್ನು ನಿಭಾಯಿಸುವಲ್ಲಿ, ದೇಹದ ಪ್ರತಿರಕ್ಷಣಾ ವ್ಯವಸ್ಥೆಯು ದೊಡ್ಡ ಪಾತ್ರವನ್ನು ಹೊಂದಿದೆ. ಪ್ರತಿರಕ್ಷಣಾ ವ್ಯವಸ್ಥೆಯು ಪ್ರಬಲವಾಗಿದ್ದರೆ, ಕೊರೋನಾದಂತಹ ಮಾರಕ ಸಮಸ್ಯೆಯಿಂದ ದೂರವಿರಬಹುದು ಎಂದು ಹೇಳಲಾಗಿದೆ.
ಪ್ರತಿರಕ್ಷಣಾ ವ್ಯವಸ್ಥೆಯನ್ನು ಬಲಪಡಿಸುವ ಸಲುವಾಗಿ ಜನರು ನಾನಾ ರೀತಿಯ ವಸ್ತುಗಳನ್ನು ಬಳಸುತ್ತಿದ್ದಾರೆ. ಇದಲ್ಲದೆ, ಜನರು ಹಣ್ಣುಗಳು, ಪಾನೀಯಗಳು ಮತ್ತು ಪೂರಕಗಳನ್ನು ತೆಗೆದುಕೊಳ್ಳುವ ಮೂಲಕ ರೋಗ ನಿರೋಧಕ ಶಕ್ತಿಯನ್ನು ಬಲಪಡಿಸಲು ಪ್ರಯತ್ನಿಸುತ್ತಿದ್ದಾರೆ.
ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಪಾನೀಯವನ್ನು ತಯಾರಿಸುವ ವಿಧಾನ ಇಲ್ಲಿದೆ. ಇದನ್ನು ಪ್ರತಿದಿನ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಸೇವಿಸಿದರೆ, ಇದು ರೋಗನಿರೋಧಕ ಶಕ್ತಿಯನ್ನು ಬಲಪಡಿಸುವುದಲ್ಲದೆ, ಕೊರೋನಾ ರೋಗಿಗಳ ತ್ವರಿತ ಚೇತರಿಕೆಗೆ ನೆರವಾಗುತ್ತದೆ ಎಂದು ಹೇಳಲಾಗಿದೆ.
ಈ ಪಾನೀಯವನ್ನು ಹೇಗೆ ತಯಾರಿಸುವುದು ಎಂಬುವುದು ಇಲ್ಲಿದೆ.
ಮೊದಲಿಗೆ ಒಂದು ಲೋಟ ನೀರು ತೆಗೆದುಕೊಳ್ಳಿ. 6-7 ಕರಿಮೆಣಸನ್ನು ತರಿ ತರಿಯಾಗಿ ಪುಡಿಮಾಡಿ.
ಒಂದು ತುಂಡು ಜೇಷ್ಠ ಮಧುವನ್ನು ಚೆನ್ನಾಗಿ ಪುಡಿಮಾಡಿ. ತುಳಸಿಯ 7-8 ಎಲೆಗಳನ್ನು ತೆಗೆದುಕೊಂಡು ಅದನ್ನು ಚೆನ್ನಾಗಿ ತೊಳೆಯಿರಿ. ನಂತರ ಇವೆಲ್ಲವುಗಳನ್ನು ಈ ನೀರಿನಲ್ಲಿ ಹಾಕಿ. ಒಂದು ತುಂಡು ಶುಂಠಿಯನ್ನು ತೆಗೆದುಕೊಂಡು ರುಬ್ಬಿ, ಅದನ್ನು ಆ ನೀರಿಗೆ ಸೇರಿಸಿ ಮತ್ತು ಕಡಿಮೆ ಉರಿಯಲ್ಲಿ ನಿಧಾನವಾಗಿ ಕುದಿಸಿ. ಅದು ಅರ್ಧಕ್ಕೆ ಬಂದಾಗ, ಅದಕ್ಕೆ ಸಣ್ಣ ಕಾಲು ಟೀಸ್ಪೂನ್ ಅರಿಶಿನ ಪುಡಿಯನ್ನು ಸೇರಿಸಿ ಮತ್ತು 2-3 ಗಂಟೆಗಳ ಕಾಲ ಕುದಿಸಿ. ನಂತರ, ಒಂದು ಪಾತ್ರೆಯಲ್ಲಿ ಸೋಸಿ. ಸೋಸಿದ ಮಿಶ್ರಣಕ್ಕೆ ಅರ್ಧ ನಿಂಬೆ ರಸ ಸೇರಿಸಿ ಮತ್ತು ಒಂದು ಚಮಚ ಜೇನುತುಪ್ಪವನ್ನು ಮಿಶ್ರಣ ಮಾಡಿ. ಇದರ ನಂತರ, ಚಹಾದಂತೆ ಸಿಪ್ ಮಾಡಿ ಕುಡಿಯಿರಿ.
ಈ ಪಾನೀಯವನ್ನು ಹಗಲಿನಲ್ಲಿ ಯಾವಾಗ ಬೇಕಾದರೂ ಕುಡಿಯಬಹುದು. ಆದರೆ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿಯುವ ಮೂಲಕ ಇದು ದೇಹದಲ್ಲಿ ಹೆಚ್ಚು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ. ಇದರಲ್ಲಿರುವ ಶುಂಠಿ, ತುಳಸಿ, ಕರಿಮೆಣಸು ಮತ್ತು ಜೇಷ್ಠ ಮಧು ಶ್ವಾಸಕೋಶದಲ್ಲಿನ ಕಫ, ಗಂಟಲು ನೋವು ಮತ್ತು ಕೆಮ್ಮನ್ನು ತೆಗೆದುಹಾಕುತ್ತದೆ. ಅರಿಶಿನವು ದೇಹದಲ್ಲಿ ಇರುವ ಬ್ಯಾಕ್ಟೀರಿಯಾದ ಹೋರಾಟದ ಶಕ್ತಿಯನ್ನು ಹೆಚ್ಚಿಸುತ್ತದೆ.
ಈ ಪಾನೀಯವು ಕೊರೋನಾದಿಂದ ಬಳಲುತ್ತಿರುವ ರೋಗಿಗಳಿಗೆ ಮಾತ್ರವಲ್ಲದೆ, ಕೊರೋನಾದಿಂದ ದೂರವಿರಲು ಕೂಡ ನೆರವಾಗುತ್ತದೆ ಎಂದು ಹೇಳಲಾಗಿದೆ. ಇದಲ್ಲದೆ, ಸಾಮಾನ್ಯ ವೈರಲ್, ಕೆಮ್ಮು, ಶೀತ ಮತ್ತು ಇತರ ಸಮಸ್ಯೆಗಳೊಂದಿಗೆ ಹೋರಾಡುವ ಜನರಿಗೆ ಇದು ತುಂಬಾ ಪ್ರಯೋಜನಕಾರಿಯಾಗಿದೆ.
ಸೂಚನೆ : ಇಲ್ಲಿರುವ ವಿಷಯವು ಮಾಹಿತಿ ಉದ್ದೇಶಗಳಿಗಾಗಿ ನೀಡಲಾಗಿದೆ.
https://twitter.com/SaakshaTv/status/1386535429990539264?s=19
https://twitter.com/SaakshaTv/status/1386172863846129672?s=19
https://twitter.com/SaakshaTv/status/1387287124160942080?s=19
https://twitter.com/SaakshaTv/status/1384666259007045633?s=19
#Saakshatv #healthtips #strengthens #immunesystem
