ಸ್ಯಾಂಡಲ್‌ವುಡ್‌ನ ಬಹುನಿರೀಕ್ಷಿತ ʻಫ್ರೆಂಚ್ ಬಿರಿಯಾನಿʼ ಚಿತ್ರದ ಟ್ರೇಲರ್‌
ಸ್ಯಾಂಡಲ್‌ವುಡ್‌ನ ಬಹುನಿರೀಕ್ಷಿತ ʻಫ್ರೆಂಚ್ ಬಿರಿಯಾನಿʼ ಚಿತ್ರದ ಟ್ರೇಲರ್‌ ಬಿಡುಗಡೆಯಾದ 24 ಗಂಟೆಗಳಲ್ಲೇ 2.8 ಮಿಲಿಯನ್‌ ವೀವ್ಸ್‌ ಗಳಿಸಿದೆ. ಕನ್ನಡ ಸಿನಿಮಾದ ಟ್ರೇಲರ್‌ ಕೇವಲ 24 ಗಂಟೆಗಳಲ್ಲಿ 2.8 ಮಿಲಿಯನ್‌ ವೀವ್ಸ್‌ ಪಡೆದಿದ್ದು ಚಿತ್ರದ ಬಗ್ಗೆ ಭಾರಿ ಕುತೂಹಲ ಮೂಡಿಸಿದೆ.
ಈ ಚಿತ್ರ ಜುಲೈ 24 ರಂದು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಪ್ರಥಮ ಪ್ರದರ್ಶನಕ್ಕೆ ಸಿದ್ಧವಾಗಿದೆ.
ಪನ್ನಗಭರಣ ನಿರ್ದೇಶನದ ʻಫ್ರೆಂಚ್ ಬಿರಿಯಾನಿʼಯನ್ನು ಪಿಆರ್‌ಕೆ ಪ್ರೊಡಕ್ಷನ್‌ ಬ್ಯಾನರ್‌ ನಲ್ಲಿ ಅಶ್ವಿನಿ ಪುನೀತ್ ರಾಜ್‌ಕುಮಾರ್ ಮತ್ತು ಗುರುದಾತ್ ಎ ತಲ್ವಾರ್ ನಿರ್ಮಿಸಿದ್ದಾರೆ.
ಕಾಮಿಡಿ, ಆಕ್ಷನ್, ಡ್ರಾಮಾದ ಈ ಚಿತ್ರದಲ್ಲಿ ಡ್ಯಾನಿಶ್ ಸೇಠ್, ಅಸ್ಗರ್ ಪಾತ್ರದಲ್ಲಿ ಬೆಂಗಳೂರಿನ ಆಟೋರಿಕ್ಷಾ ಚಾಲಕನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಸಾಲ್ ಯೂಸುಫ್, ಸೈಮನ್ ಪಾತ್ರದಲ್ಲಿ ಕಾಣಿಸಲಿದ್ದಾರೆ.
