ಶಾಲಾ ಬ್ಯಾಗ್ ನಿಂದ ಗನ್ ತೆಗೆದು ಮೂವರ ಮೇಲೆ ಗುಂಡು ಹಾರಿಸಿದ 6ನೇ ತರಗತಿ ಬಾಲಕಿ
ಅಮೆರಿಕಾ : ಅಮೆರಿಕಾದ ಶಾಲೆಯೊಂದರಲ್ಲಿ 6ನೇ ತರಗತಿ ವಿದ್ಯಾರ್ಥಿನಿಯೊಬ್ಬಳು ಸ್ಕೂಲ್ ಬ್ಯಾಗ್ ನಿಂದ ಅಚಾನಕ್ ಆಗಿ ಗನ್ ತೆಗೆದು ಮೂವರ ಮೇಲೆ ಶಾಲಾ ಮೈದಾನದಲ್ಲಿ ಬುಲೆಟ್ ಹಾರಿಸಿರುವ ಆಘಾತಕಾರಿ ಘಟನೆ ಅಮೆರಿಕಾದ ಶಾಲೆಯೊಂದರ ಬಳಿ ನಡೆದಿದೆ. ಇಡಾಹೋ ಪ್ರಾಂತ್ಯದಲ್ಲಿ ಈ ಘಟನೆ ನಡೆದಿದೆ. ಗುಂಡು ತಗುಲಿದ ಇಬ್ಬರು ವಿದ್ಯಾರ್ಥಿಗಳು ಮತ್ತು ಓರ್ವ ಸಿಬ್ಬಂದಿ ಗಂಭೀರವಾಗಿ ಗಾಯಗೊಂಡ ಬಳಿಕ ಅವರನ್ನ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿದೆ.
ಇಡಾಹೋ ಜಲಪಾತದ ಬಳಿಯಿರುವ ರಿಗ್ಬಿ ಶಾಲೆಯಲ್ಲಿ 6ನೇ ತರಗತಿಯಲ್ಲಿ ಓದುತ್ತಿದ್ದ ವಿದ್ಯಾರ್ಥಿನಿಯು ಶಾಲಾ ಮೈದಾನದಲ್ಲಿ ಗುಂಡು ಹಾರಿಸಿದ್ಧಾಳೆ. ಮೂವರ ಮೇಲೆ ದಾಳಿ ಮಾಡಿದ ನಂತರ ಆಕೆಯಿಂದ ಶಿಕ್ಷಕರೊಬ್ಬರು ಗನ್ ಕಸಿದಿದ್ಧಾರೆ. ಬಳಿಕ ಮಾಹಿತಿ ತಿಳಿದು ಸ್ಥಳಕ್ಕಾಗಮಿಸಿದ ಪೊಲೀಸರು ಆಕೆಯನ್ನ ವಶಕ್ಕೆ ಪಡೆದು ವಿಚಾರಣೆಗೆ ಒಳಪಡಿಸಿದ್ದಾರೆ. ಆದ್ರೆ ಯುವತಿಯ ೀ ಹುಚ್ಚಾಟಕ್ಕೆ ಅಸಲಿ ಕಾರಣ ೇನು ಎಂದು ಇನ್ನುವರೆಗೂ ತಿಳಿದುಬಂದಿಲ್ಲ
