ಪಂಜಾಬ್ ಸೀಟು ಹಂಚಿಕೆ ಸೂತ್ರ – ಬಿಜೆಪಿಗೆ 65, ಕ್ಯಾಪ್ಟನ್ 37, ದಿಂಡ್ಸಾ 15 ಸೀಟು ಹಂಚಿಕೆ ..
ಪಂಜಾಬ್ನಲ್ಲಿ ಬಿಜೆಪಿ, ಕ್ಯಾಪ್ಟನ್ ಅಮರೀಂದ್ ಸಿಂಗ್ ಮತ್ತು ದಿಂಡ್ಸಾ ಪಕ್ಷದ ನಡುವೆ ಸೀಟು ಹಂಚಿಕೆ ಸೂತ್ರ ನಿರ್ಧಾರವಾಗಿದೆ. ಪಂಜಾಬ್ನಲ್ಲಿ ಬಿಜೆಪಿ 65 ಸ್ಥಾನಗಳಲ್ಲಿ ಸ್ಪರ್ಧಿಸಲಿದೆ. ಕ್ಯಾಪ್ಟನ್ ಅಮರೀಂದರ್ ಸಿಂಗ್ ಅವರ ಪಂಜಾಬ್ ಲೋಕ ಕಾಂಗ್ರೆಸ್ 37 ಸ್ಥಾನಗಳಲ್ಲಿ ಮತ್ತು ಸುಖದೇವ್ ದಿಂಡ್ಸಾ ಅವರ ಪಕ್ಷ 15 ಸ್ಥಾನಗಳಲ್ಲಿ ಸ್ಪರ್ಧಿಸಲಿದೆ. ಸೋಮವಾರ ದೆಹಲಿಯಲ್ಲಿ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆಪಿ ನಡ್ಡಾ ಇದನ್ನ ಘೋಷಿಸಿದ್ದಾರೆ. ಈ ಸಂದರ್ಭದಲ್ಲಿ, ಕ್ಯಾಪ್ಟನ್ ಅಮರಿಂದರ್ ಸಿಂಗ್ ಮತ್ತು ಸುಖದೇವ್ ದಿಂಡ್ಸಾ ಕೂಡ ಉಪಸ್ಥಿತರಿದ್ದರು.
ಈ ಮೈತ್ರಿಕೂಟವು 117 ಸ್ಥಾನಗಳ ಪೈಕಿ 71 ಸ್ಥಾನಗಳಿಗೆ ಅಭ್ಯರ್ಥಿಗಳನ್ನು ಘೋಷಿಸಿದೆ. ನಾಳೆಯಿಂದ ಪಂಜಾಬ್ನಲ್ಲಿ ನಾಮಪತ್ರ ಸಲ್ಲಿಕೆ ಆರಂಭವಾಗುತ್ತಿದ್ದು,
ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆಪಿ ನಡ್ಡಾ ಮಾತನಾಡಿ, ಪಂಜಾಬ್ ಗಡಿ ರಾಜ್ಯವಾದ್ದರಿಂದ ದೇಶದ ಭದ್ರತೆಗೆ ಸಂಬಂಧಿಸಿದ ರಾಜ್ಯವಾಗಿದೆ. ಇದರ 600 ಕಿಮೀ ಗಡಿ ಪಾಕಿಸ್ತಾನದ ಪಕ್ಕದಲ್ಲಿದೆ. ಪಾಕಿಸ್ತಾನದಿಂದ ಡ್ರಗ್ಸ್, ಶಸ್ತ್ರಾಸ್ತ್ರಗಳನ್ನು ಕಳ್ಳಸಾಗಣೆ ಮಾಡಲಾಗುತ್ತಿದೆ. ಇದಕ್ಕಾಗಿ ಡ್ರೋನ್ಗಳನ್ನು ಬಳಸಲಾಗುತ್ತಿದೆ.
ಪಂಜಾಬ್ 3 ಲಕ್ಷ ಕೋಟಿ ಸಾಲ ಹೊಂದಿದೆ ಪಂಜಾಬ್ನ ಭದ್ರತೆ ಮತ್ತು ಸ್ಥಿರತೆಗಾಗಿ ಕೇಂದ್ರ ಮತ್ತು ರಾಜ್ಯದ ನಡುವೆ ಉತ್ತಮ ಬಾಂಧವ್ಯ ಅಗತ್ಯ ಎಂದರು. ಪ್ರಧಾನಿಗೆ ಪಂಜಾಬ್ ಮೇಲೆ ಅಪಾರ ಪ್ರೀತಿ ಇದೆ ಎಂದು ಹೇಳಿದರು. ಇತ್ತೀಚೆಗೆ ಅವರು ವೀರ್ ಬಾಲ್ ದಿವಸ್ ಕೂಡ ಘೋಷಿಸಿದರು. ಪಂಜಾಬ್ನಲ್ಲಿ ಡ್ರಗ್ಸ್, ಮರಳು ಮತ್ತು ಭೂಮಾಫಿಯಾವನ್ನು ಕೊನೆಗೊಳಿಸುವುದಾಗಿ ಹೇಳಿದರು.
