ನಿಮಗಿದು ಗೊತ್ತಾ..? ಬ್ಯಾಂಕ್ ಸಂಬಂಧಿಸಿದ 9 ಕೆಲಸಗಳನ್ನು ಎಟಿಎಂನಲ್ಲೇ ವ್ಯವಹರಿಸಬಹುದು..!
ನವದೆಹಲಿ : ಕೊರೊನಾ ವೈರಸ್ ಹಿನ್ನೆಲೆ ಈಗ ಎಲ್ಲರೂ ಮನೆಯಲ್ಲೇ ಸಾಕಷ್ಟು ಸಮಯವನ್ನು ಕಳೆಯಬೇಕಾದ ಪರಿಸ್ಥಿತಿ ಎದುರಾಗಿದೆ. ಹೀಗಾಗಿ ಅನೇಕರ ಅದೆಷ್ಟೋ ಕೆಲಸಗಳು ಹಾಗೆ ಉಳಿದಿವೆ. ಇದಕ್ಕೆ ಬ್ಯಾಂಕಿಂಗ್ ಕೆಲಸಗಳು ಕೂಡ ಹೊರತಾಗಿಲ್ಲ. ಬ್ಯಾಂಕ್ ಗೆ ಹೋಗ್ಬೇಕು ಹಣ ಜಮಾ ಮಾಡ್ಬೇಕು, ವರ್ಗಾವಣೆ ಮಾಡ್ಬೇಕು, ವೈಯಕ್ತಿಕ ಸಾಲಕ್ಕಾಗಿ ಅರ್ಜಿ ಸಲ್ಲಿಸಬೇಕು ಎಂದು ಅಂದುಕೊಂಡಿದ್ದ ಅದೆಷ್ಟೋ ಜನರು ಕೊರೊನಾದಿಂದಾಗಿ ಚಿಂತೆಯಲ್ಲಿದ್ದಾರೆ. ಆದ್ರೆ ಈ ಎಲ್ಲಾ ಕೆಲಸಗಳಿಗೆ ನೀವು ಬ್ಯಾಂಕ್ ಅಂತಲೇ ಹೋಗಬೇಕಿಲ್ಲ. ನಿಮ್ಮ ಹತ್ತಿರದಲ್ಲಿರುವ ಎಟಿಎಂಗೆ ಹೋದರೇ ಸಾಕು..!
ಹೌದು..! ನೀವು ಬ್ಯಾಂಕ್ ಹೋಗಿ ನಿಭಾಯಿಸಬಹುದಾದ ಎಫ್ಡಿ ಇಂದ ತೆರಿಗೆ ಠೇವಣಿವರೆಗೆ ಅನೇಕ ವಿಷಯಗಳನ್ನು ಎಟಿಎಂನಲ್ಲಿಯೇ ವ್ಯವಹರಿಸಬಹುದು.
ಎಂಟಿಎಂನಲ್ಲಿ ಲಭ್ಯವಿರುವ ಸೇವೆಗಳು :
1. ಸ್ಥಿರ ಠೇವಣಿ ತೆರೆಯಲು / ಹಿಂಪಡೆಯಲು:
ನೀವು ಎಟಿಎಂ ಸಹಾಯದಿಂದ ನಿಮ್ಮ ಬ್ಯಾಂಕಿನಲ್ಲಿ ಸ್ಥಿರ ಠೇವಣಿ ತೆರೆಯಬಹುದು. ಎಟಿಎಂನ ಮೆನುವಿನಲ್ಲಿ ಓಪನ್ ಫಿಕ್ಸ್ಡ್ ಡಿಪಾಸಿಟ್ ಆಯ್ಕೆಯನ್ನು ಆರಿಸಿ ನೀವು ಅದನ್ನು ಪ್ರಾರಂಭಿಸಬಹುದು.
2. ತೆರಿಗೆ ಪಾವತಿ:
ಇಲ್ಲಿಯವರೆಗೆ ತೆರಿಗೆ ಇಲಾಖೆಯ ವೆಬ್ಸೈಟ್ ಅಥವಾ ಥರ್ಡ್ ಪಾರ್ಟಿ ವೆಬ್ಸೈಟ್ ನಿಂದ ಆದಾಯ ತೆರಿಗೆ ಪಾವತಿಸಲಾಗುತ್ತಿತ್ತು. ಆದರೆ ಈಗ ಈ ಸೌಲಭ್ಯವು ಎಟಿಎಂಗಳಲ್ಲಿಯೂ ಲಭ್ಯವಿದೆ.
3. ನಗದು ಠೇವಣಿ :
ಅನೇಕ ಬ್ಯಾಂಕುಗಳು ಈಗ ಎಟಿಎಂ ಕಿಯೋಸ್ಕ್ಗಳಲ್ಲಿ ನಗದು ಠೇವಣಿ ಯಂತ್ರಗಳನ್ನು ಸ್ಥಾಪಿಸಿವೆ. ನೀವು ಒಂದು ಸಮಯದಲ್ಲಿ 49900 ರೂ. ಪಾವತಿಸಬಹುದು. 2000, 500, 100 ಮತ್ತು 50 ರೂಪಾಯಿ ನೋಟುಗಳನ್ನು ಈ ಯಂತ್ರಗಳಲ್ಲಿ ಜಮಾ ಮಾಡಬಹುದು.
4. ವಿಮಾ ಪ್ರೀಮಿಯಂ ಪಾವತಿಸಿ :
ವಿಮಾ ಕಂಪೆನಿಗಳಾದ ಎಲ್ಐಸಿ, ಎಚ್ಡಿಎಫ್ಸಿ ಲೈಫ್ ಮತ್ತು ಎಸ್ಬಿಐ ಲೈಫ್ ಬ್ಯಾಂಕಿನೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದು ಇದರಿಂದಾಗಿ ಗ್ರಾಹಕರು ಎಟಿಎಂ ಮೂಲಕ ಪ್ರೀಮಿಯಂ ಪಾವತಿಸಬಹುದು.
5. ವೈಯಕ್ತಿಕ ಸಾಲಕ್ಕಾಗಿ ಅರ್ಜಿ ಸಲ್ಲಿಸಿ:
ವೈಯಕ್ತಿಕ ಸಾಲಕ್ಕಾಗಿ ಅರ್ಜಿ ಸಲ್ಲಿಸಬೇಕೆನ್ನುಕೊಳ್ಳುತ್ತಿದ್ದವರು ಫೋನ್ ಬ್ಯಾಂಕಿಂಗ್ ಅಥವಾ ಬ್ಯಾಂಕ್ ಶಾಖೆಗೆ ಹೋಗಬೇಕಾಗಿಲ್ಲ. ಅನೇಕ ಖಾಸಗಿ ಬ್ಯಾಂಕುಗಳು ತಮ್ಮ ಗ್ರಾಹಕರಿಗೆ ಎಟಿಎಂ ಮೂಲಕ ಪೂರ್ವ ಅನುಮೋದಿತ ವೈಯಕ್ತಿಕ ಸಾಲಗಳನ್ನು ನೀಡುತ್ತವೆ. ಎಟಿಎಂನಿಂದಲೇ ನೀವು ಸಣ್ಣ ಮೊತ್ತದ ವೈಯಕ್ತಿಕ ಸಾಲಕ್ಕೆ ಅರ್ಜಿ ಸಲ್ಲಿಸಬಹುದು.
6. ನಗದು ವರ್ಗಾವಣೆ :
ನೀವು ಹಣ ವರ್ಗಾವಣೆ ಮಾಡಲು ಬ್ಯಾಂಕ್ ಗೆ ಹೋಗಬೇಕಿಲ್ಲ. ನೆಟ್ ಬ್ಯಾಂಕಿಂಗ್ ಬಳಸುತ್ತಿದ್ದರೆ ಎಟಿಎಂ ಸಹಾಯದಿಂದ ನಿಮ್ಮ ಖಾತೆಯಿಂದ ಹಣವನ್ನು ಮತ್ತೊಂದು ಖಾತೆಗೆ ವರ್ಗಾಯಿಸಬಹುದು. ಒಂದು ಸಮಯದಲ್ಲಿ ಎಟಿಎಂನಿಂದ 40,000 ರೂ. ವರ್ಗಾಯಿಸಲು ಸಾಧ್ಯವಿದ್ದು ನೀವು ದಿನದಲ್ಲಿ ಹಲವಾರು ಬಾರಿ ಹಣವನ್ನು ವರ್ಗಾಯಿಸಬಹುದು.
7. ಬಿಲ್ ಪಾವತಿಸಿ :
ನಿಮ್ಮ ಎಟಿಎಂ ಮೂಲಕ ದೂರವಾಣಿ, ವಿದ್ಯುತ್, ಅನಿಲ ಅಥವಾ ಇತರ ಹಲವು ಬಿಲ್ಗಳನ್ನು ಎಟಿಎಂ ಮೂಲಕ ಪಾವತಿಸಬಹುದು.
8. ರೈಲು ಟಿಕೆಟ್ ಕಾಯ್ದಿರಿಸಿ :
ಸಾರ್ವಜನಿಕ ವಲಯದ ಬ್ಯಾಂಕುಗಳಾದ ಎಸ್ಬಿಐ ಮತ್ತು ಪಿಎನ್ಬಿ ರೈಲ್ವೆ ಕಟ್ಟಡದಲ್ಲಿ ಇರುವ ಹಲವಾರು ಎಟಿಎಂಗಳ ಮೂಲಕ ಟಿಕೆಟ್ ಕಾಯ್ದಿರಿಸುವ ಸೌಲಭ್ಯವನ್ನು ಒದಗಿಸುತ್ತದೆ.
9. ಮೊಬೈಲ್ ರೀಚಾರ್ಜ್ :
ನೀವು ನಿಮ್ಮ ಅಥವಾ ಸಂಬಂಧಿಕರ ಯಾವುದೇ ಪ್ರಿಪೇಯ್ಡ್ ಮೊಬೈಲ್ ಅನ್ನು ಎಟಿಎಂ ಮೂಲಕ ರೀಚಾರ್ಜ್ ಮಾಡಬಹುದು. ಎಟಿಎಂನಲ್ಲಿ ಮೊಬೈಲ್ ರೀಚಾರ್ಜ್ ಆಯ್ಕೆಯನ್ನು ಕ್ಲಿಕ್ ಮಾಡಿ, ನಂತರ ಮೊಬೈಲ್ ಸಂಖ್ಯೆಯನ್ನು ನಮೂದಿ, ನಂತರ ಎಷ್ಟು ರೀಚಾರ್ಜ್ ಮಾಡಬೇಕು ಎಂಬುದನ್ನು ನಮೂದಿಸಿ. ಅಲ್ಲಿಗೆ ನೀವು ಎಟಿಎಂನಲ್ಲಿಯೇ ಮೊಬೈಲ್ ರಿಚಾರ್ಜ್ ಮಾಡಿಕೊಳ್ಳಬಹುದು.
